الكاتب : - ضياع _3g43
لا تنسون التصويت + التعليقات بين الفقرات
متابعه الحسابات
____________________________
أ
يـام باردة والجو بارد وحلو وبس قطرات المطر الخفيفة تنزل ، وأني والبنات واكفين بباب المدرسة ننتظر الخط يجي
ندى : هذا شوكت يجي ليش هيج تأخر.
ميراي : أكرهه لأن يتأخر
ميلا : أهو يعني وأذا تأخر يمكن الرجال مشغول
ريناد : حچت المتفلسفة.
نفضت شعري وأردفت
- يا بنات يا عيني كونوا متفهمين شبيچن تحچن على الرجال .
من خلصت كلامي بسرعة صار الخط كدامنا
باوعت عليهن
- شوفن أجه
صعدنا ووصل كل بنت لبيتها وأني وميراي
وطيبة نزلنا لبيتنا وأني بسرعة صعدت لغرفتي
غسلت وبدلت ملابس الدوام ونزلت لكيت الكل متجمعين على طاولة الطعام كعدت بجانب بابا
- أهو ماما همات دولمة تره ما أحبها
- هو وين أحلى من الدولمة
ميراي : تتبطر هاي
ميلا : أنتِ لا تحچين خوش
تأفأفت وكمت من يمهم رايحة للمطبخ فتحت الثلاجة أخذت فراولة وجزر وتفاح غسلتهن
خليتهن بماعون وصعدت لغرفتي فتحت البردة والجو يجنننن مغيم وتمطر خليتها مفتوحة
وفتحت الموبايل احجي ويه صديقتي
غادة : باجر تروحين لبيت خوالج
ميلا : أي وراح أخذ أجازة أسبوع من الدوام
غادة : يبو راح أشتاق ألج
ميلا : يلا عيني أتحملي أسبوع ما تشوفين وجهي الحلو
غادة : الغرور يمه الغرور
ميلا : ههههههههه
سولفنا شوية وغلقت الخط لأن نعست طفيت
الضوء وتلفلفت باللحاف مالتي ورحت بنومة
عميقة .
