غرباء في بيت العمده(مكتمله)

الفصل الثاني عشر

في نص اليوم ماسه تطلع قدام اوضته أمها و تخبط

ليلي من جوه: أدخل يا نادر

ماسه تفتح الباب بخجل: أنا ماسه

ليلي تشاور لها تدخل
ماسه تدخل و تقعد جمبها

ماسه بتبص للارض: زعلانه مني

ليلي: اه

ماسه: طب ليه انتي عارفه اني بتعصب بسرعه

ليلي تبص ليها: أنا زعلانه منك علشان قله أدبك...ردك علي جدك و ردك علي نرجس و الكلام الي قولتيه لاخوكي الكبير و الي عملتيه...ماسه كان ممكن يموت

ماسه: مش قصدي

ليلي: عارفه بس انتي زودتيها

ماسه تبص للأرض

ليلي: علي فكره مش انا الي فتحت ليكي ولا انا الي جبت ليكي حاجتك

ماسه: طب اعمل ايه يعني

ليلي: تعملي زي اخواتك تهدي و تتجنبي نرجس و تحاولي تقربي من ابوكي...مش هجبرك تحبيه بس بلاش تعامليه كده هو بيتعذب كل يوم

ماسه: مقدرش اوعدك بس ماشي...مش زعلانه صح

ليلي: زعلانه

ماسه: ماما انا بحبك اوي و مستعده اعمل كل الي انتي عايزه بجد

ليلي تبتسم: يعني ممكن تديني حضن

ماسه تحضن أمها جامد

نوح يتنحنح: ممكن ادخل

ماسه تبعد بسرعه

ماسه: أنا هروح اوضتي

ليلي: ماشي يا روحي

تخرج من غير ما تبص لابوها

نوح: اعتذرت

ليلي: هي مش بتعتذر هي بتقول مكنش قصدي او متزعليش حاجات من دي

نوح: مسألتهاش هي كان قصدها ايه

ليلي: مش دلوقتي مش هتكلم نكلم مع نائل الاول

نوح: عايز ننزل القاهره عبد الرحمن مش عايز جلابيه

ليلي: شوف عايز امتي و شوف الولاد

نوح: علي اخر الاسبوع اكون ضبط شغل الأرض و اسيبه ل سراج

ليلي: ماشي

عدي الاسبوع بإستفزازات نرجس و محاولات نوح و كانوا اتفقوا يروحوا يوم جمعه و ماسه مش عايزه تروح
ليله الجمعه في اوضه ماسه

عبد الرحمن زعلان: يعني مش هتيجي

ماسه: بجد مش عايزه

نديم: ما تبطلي غلاسه بقي