غرباء في بيت العمده(مكتمله)

الفصل الحادي عشر

فات وقت طويل
هديه ترن علي نائل

نائل بصوت واطي: ألوو

هديه: ممكن تنزل شويه سراج تعبان

نائل يبص ل ماسه كانت نايمه: طب هنزل اهو

يحط رأس ماسه علي المخده و يغطيها و يبوس رأسها و يخرج يخبط علي باب مامته

ليلي من جوه: ادخل

نائل ببرود: المفتاح قفلت عليها

ليلي: مكنش قصدي...بس هي عمرها ما اتعاملت بالعنف ده و لسانها بقي أطول من اللازم علي الكل مش بيهمها احترام

نائل: أنا نازل لسراج

نوح: هي كويسه...و سراج ماله

نائل: ماسه نامت هتبقي كويسه...سراج معرفش هديه اتصلت بيا هنزل اهو

نوح: ماشي يا حبيبي

نائل خرج من الاوضه و نزل لاوضه سراج
يخبط و هديه تفتح له

هديه: حاسه انه سخن اوي

يدخل و يحط ايده علي جبهته

نائل: حاسس بصداع

سراج بتعب: حاسس ان فيه زفه بلدي في رأسي

نائل: هي السخنيه من الجرح كمادات و دواء خافض و تبقي تمام الصداع هبعت حد من الرجاله الي بره يجبلك دواء الدكتور قال عليه

هديه تضحك: مالك متقمص شخصيه الدكتور اوي كده ليه

نائل: مفيش..ماما ضربت ماسه بس

سراج بيحاول يقعد: ليه عملت حاجه تانيه

نائل: كانت عايزاها تعتذر منك و شدوا في الكلام....و خدت القطط منها و اللاب و الفون و قافله عليها من بره

هديه: ليه كده محصلش حاجه ل ده كله

سراج بتعب: ممكن توقف المحلول و تاخدي ل خاله ليلي

نائل: لا انت تعبان لو وقفت ممكن يغمي عليك

سراج بتعب: اسندني بس

نائل: لا مش هقومك

هديه: أنت عايز ايه

سراج: عايز اعتذر من ماسه و اقول ل خاله ليلي أن الغلط غلطي انا

نائل: ماسه نايمه دلوقتي و كمان ماما ضربت ماسه علشان هي من يوم ما جينا هنا و هي مش عامله حساب لحد....بس انت كنت الشراره...هقوم علشان اخلي الرجاله تجيب الدواء ليك...هديه تديله الدواء علطول

سراج: شكرا

نائل يبتسم: متشكرنيش انت اخويا برده.....لو عوزتوا حاجه رني عليا يا هديه

يخرج من الاوضه ويروح عند باب الدار يدي ورقه مكتوب فيها اسماء ادويه لحد من الغفر و يطلع تاني
و يروح لاوضته مامته