غرباء في بيت العمده(مكتمله)

الفصل العاشر

في المستشفي
الكل قاعد حوالين السرير

نوح: نادر خد امك و نرجس و ارجع البيت

نرجس: أنا مش هسيب ابني

سراج يتحرك شويه و بعدين يفتح عينه

سراج بتعب: رأسي

نرجس تقرب بسرعه: الف سلامه عليك يا روحي

سراج يضحك: أنا مكنتش بحلم صح

نائل يضحك: لا

سراج يبص ناحيته و يضحك: و ايه الدم ده ضربتك بالسكينه

نائل: لا دمك يا خويا

نادر: ده اثر البنج

سراج يضحك: لا أنا فايق و بضحك علي خيبتي...أول مره انضرب في حياتي

ليلي: و هي كمان اول مره حد يضربها....مش بدافع عنها بس تسرعك و عصبيتك خلتك أنت الغلطان

نرجس بعصبيه: احنا في ايه و أنتي في ايه بنتك كانت هتموت ابني

سراج: خلاص يا ماما....خرجوني من هنا بقي مش بحب ريحه المستشفيات

نوح: هنخرجك اهو و أخوك هيتابعك في البيت

سراج يبص لاخواته: شكرا

في البيت ماسه و لؤلؤ في الاوضه و ماسه بتكلم في الفون

ماسه: لا فاق خلاص و بيقولوا هيجوا علشان البيه بيتخنق من المستشفيات و نائل الي هيخلي باله منه...ناقص يتقلب ممرض لابن الست نرجس

سيف: ماسه ده اخوكي

ماسه: أنا متقبلتش ابوه هتقبل أن هو اخويا

سيف: اسمه ابويا...و بعدين اشمعنا عبد الرحمن

ماسه:.....

سيف: بتشفقي عليه

ماسه: لا والله انا بحبه و بجد حسيت ان عندي اخ كبير

سيف: طب اشمعنا سراج

ماسه: علشان ابن امه و بيزعق علطول

الباب يخبط

ماسه: شوفي مين يا لولي

لؤلؤ تفتح الباب و تلاقيه عبد الرحمن

لؤلؤ: ايه يا بودي

عبد الرحمن: ممكن اقعد معاكوا مش هعمل صوت

لؤلؤ تبتسم: طبعا أدخل

يدخل و يروح يقعد جمب ماسه

ماسه: طب هقفل انا دلوقتي

سيف: تمام

تقفل الفون