وصفة الحب

XXXXIV

              -العشية تعاشات وسلمى لكوزينتها دخلات...شمرات على دراعها وبغات تدير عشيوة رومانسية لأوس حيت عرفات راسها عيقات عليه بالنكد....بغات تفرحو بطريقتها،بلا ماتعتاذر بلا ماتهضر....خدات الصدر ديال الدجاج وبدات كتقطع فيه قطع صغار على حساب الوجبة اللي باغا تدير....بدات كتعمر الطبلة شويا بشويا...شمعة من هنا،كيسان دالعصير من هنا، طبسيل ديال سالاض كيبان مشكل ومنوع زايدة الرمان من الفوق اللي عطاتو جمالية من نوع آخر...وبالطبع الديسير اللي كتعرف أوس كيحماق عليه:كريم كراميل السبيسيال ديالها

-غير سالات شغالها فالطياب والطبلة....دخلات للدوش خدات ليها دوش خفيف وخرجات لبسات دوپياس فالبيض ولاحت من فوقهم پينوار دالحرير طوييل حتى هو بيض وكولو مشبك.... مشطات شعرها وطلقاتو على طولتو كملاتها بشويا ديال الميكاب نااعم وبرز ملامحها أكتر....دارت الپاغفان اللي كيعجبو ومشات للصالون خدمات موسيقى كلاسيكية خفيفة وگلسات كتتسناه ومقابلة مع الباب

سلمى(كتدوي مع راسها):بفففف إيمتا يجي هادا گاع نفخني البرد خزييت غير اللي بغا يدير شي مفاجأة ولا الزعتر

-تسمع الباب وبدات كتبتاسم ناضت كتجري تخبات مور واحد البودرة عندهم فالدار....

سلمى(بدلع):أوس تعطلتي أحبيبي حتى شبعت برد

راضية(شافتها وبدات كتضحك):وقف وقف أعبد الرحمان بلاتي أياسين بلاتي البنت مدايراش الدرة ديالها

أوس(سد الباب ودخل لقاها هكاك وبدا كيضحك):ههههه اش هادشي؟؟؟

راضية(حاطة صبعها على حنكها):ولايني راك مسخووطة هههه

سلمى(جرات عليها ليزار ومشات للبيت كتجري وتبكي):والله لابقات فييك أاوس غير بلاتي

أوس(مشا عندها تابعها):وقفي بلاتي راه أنا اللي خاصني نغضب اللي مشوه مع طاسيلتي

سلمى(كتجبد پيجامة طويلة):راه أنا اللي تشوهت علاش ماتعلمنيش بلي راه جايين معاك....النهار اللي جاتني عليك وبغينا نفاجؤوك تشوهنا تفوو على بنادم

أوس(حابس ضحكتو):ههه راه هوما جاو راسهم تلاقيت معاهم فالباب  وأنا باش غنعرف راك دايرة هادشي ياك غير الصباح كنتي مكتحملينيش وكتحري عليا

سلمى(كتخشي راسها فالپيجامة):وا الله يعطيك غير البرود الجنسي ياالشارف قالك نفرحوه صدقت جايباها فراسي

أوس(مربع يديه وكيشوف فيها):دابا منيتك داويا؟؟نتي حارقة دمي الصباح وخارج ربي اللي عالم بيا ودابا بغيتي ينزل عليا الوحي بلي راك دايرة هاد العجب

سلمى(مربعة يديها):كون كنتي كتبغيني كون عرفتيها...ودابا ياله نهبطوا مانخليوهمش راسهم

أوس(جرها من دراعها):بلا ماتشديهم يباتوا باغي نكمل الليلة اللي بديتيها