غرباء في بيت العمده(مكتمله)

الفصل التاسع

تاني يوم الصبح نوح مكنش في الدار و الكل يصحي علي صريخ نرجس الصبح و الكل ينزل جري

ليلي: في ايه

نرجس بعصبيه: فيه أن القط الزباله ده بوظ الكنب و الستائر

ماسه ببرود: اتكلمي عن فينكس حلو....و بعدين فيها ايه هو معملش حاجه كان بيلعب

نرجس تصرخ بعصبيه: يلعب يبوظ الستائر و الكنب انتي عارفه دول بكام

نديم: خلاص يا طنط فداها

نرجس بعصبيه: هو ايه الي فداها ما تولع في داهيه

ماسه: ما تولعي انتي

سراج: لو سمحت يا ماسه اكلمي حلو

ماسه: و أنت مالك انت كمان

نادر: ماسه خلاص مش كل شويه خناقه اهدي

عبد الرحمن: ماما متزعليش ماسه و فينكس لو سمحت

نرجس بعصبيه: بس ياض يا اهبل انت

ماسه بعصبيه: محدش اهبل و مريض غيرك و الله انتي مش طبيعيه

سراج بحده: ماسه عيب كده

ماسه بعصبيه اكبر: مش قولتلك أنت مالك ولا مفكر نفسك راجل انت دلول امك علي فكره

سراج يتعصب و يضربها بالقلم
نائل بسرعه يبعده عنها

نائل بعصبيه: أنت ازاي تمد ايدك عليها

لؤلؤ تجري عليها: ماسه انتي كويسه

ليلي تحط ايدها علي خد بنتها: متزعليش يا حبيبتي

نديم يهمس لنادر: المفروض نحمي سراج صح

نادر: أعتقد

بس قبل ما حد يفكر يعمل حاجه تكون ماسه واخده فاظه و كسراها علي دماغ سراج دماغه تجيب دم و يقع مغمي عليه و نرجس تصرخ و تجري علي ابنها هديه تجري علي جوزها عبد الرحمن بيحط ايده علي وشه علشان ميشفش ليلي تشاور ل لؤلؤ علشان تاخد ماسه و يطلعوا
نائل بيرفع راس أخوه شويه

نائل: فوطه او اي حاجه بسرعه

نادر يفضل يلف حوالين نفسه بيدور و نديم يقلع القميص الي كان لبسه علي التيشيرت بتاعه و يديه ل نائل

نائل: ابو دماغ يا اخي

نرجس تعيط: منك الله الواد الي حلتي بيروح مني

نائل: نادر...نديم تعالوا شلوه معايا لازم يروح المستشفى

نرجس تصرخ: ابعدوا عن ابني هتقتلوه

نائل يسيبه: اتفضلي أتصرف

هديه تعيط: ابوس ايدك يا نائل ملكش دعوه بيها الحقه