غرباء في بيت العمده(مكتمله)

الفصل الثامن

بليل نوح مستني ابوه قدام الدار
جوه في الصالون ليلي خايفه و نرجس مش طايقاها ولا طايقه نفسها هديه قاعده شايله ابنها و بتحاول تسكته
التؤام قاعدين جمب امهم ماعدا ماسه مش راضيه تنزل سراج و عبد الرحمن واقفين جمب ابوهم

سراج: قلقان

نوح: يعني...مش عايزهم يزعلوا

سراج: بابا انت بتحبنا....أقصد يعني انا و عبد الرحمن

نوح: ليه بتقول كده

سراج: علشان احنا مش ولاد ليلي

نوح: أنت عبيط صح....يعني انت لو لقدر الله اتجوزت واحده علي هديه مش بتحبها و خلفت منها هتكره ولادك هتكره لحمك

سراج: لا

نوح: يبقي ليه بتقول كده

عبد الرحمن: سيبك منه هو حمار اصلا

سراج بحده: ما تتكلم عدل...أنت ناسي أن أنا أخوك الكبير

عبد الرحمن: اه ناسي اصلك مش بتحبني

سراج بصدمه: أنا مش بحبك

عبد الرحمن: اه

نوح: متقولش كده يا حبيبي اخوك بيحبك

عبد الرحمن: لا...بس انا احسن منه و بحبه

سراج يقرب منه: أنت مجنون صح

عبد الرحمن بعصبيه: لا مش مجنون...أنت المجنون ماسه بتقول اني مختلف مش مجنون

سراج: عبد الرحمن...أنا مش قصدي حاجه وحشه

عبد الرحمن: لا قصدك أن انا مجنون

نوح: خلاص اكلموا بعدين جدو جه

بوابه الدار بتفتح و تخش منها عربيه
ينزل عبد الجواد
سراج يقرب منه و يبوس ايده و عبد الرحمن يقف وراء ابوه

عبد الرحمن بصوت واطي: مش بحب جدو

نوح: معلش عدي الليله

نوح يقرب من ابوه و يبوس ايده
عبد الجواد يدخل و ميكلمش عبد الرحمن
نرجس جريت باست ايده

نرجس: ازيك يا عمي اتوحشناك

عبد الجواد: ازيك يا بنت اخوي

يبص علي ليلي و الولاد

عبد الجواد: فين هديه

نرجس: جايه حالن

يبص تاني و يبص ل نوح

عبد الجواد: يا ريت يا نوح تفضي البيت ده قبل بكره العشا

نرجس: ليه يا عمي ايه الي حصل

عبد الجواد: قولت للبيه جوزك يوم ما يختار بنت الشوارع دي هطرده من عزي كله و هطردك انتي و ولادك كمان