غرباء في بيت العمده(مكتمله)

الفصل السابع

الكل تحت قدام الدار ماعدا لؤلؤ و ماسه

نوح: مش راضين ينزلوا ليه

عبد الرحمن: هينزلوا هينزلوا ماسه وعدتني

لؤلؤ: خلاص يا بودي جينا اهو

ماسه واقفه مكشره

نرجس: ايه اللبس ده

ماسه بتبص ليها بقرف: احسن من الكفن الي انتي لابسه

لؤلؤ بخجل: الفساتين واسعه أهي و طويله

نوح: بس بقي خلينا نضحي و احنا ساكتين

سراج يهمس لمراته: متقربيش تاني منهم يا هديه

هديه: يا حبيبي دول اخواتك و طيبين و الله حاول تقرب منهم

سراج بحده: أنا قولت الي عندي

هديه: طب اهدي بس دلوقتي و نبقي نكلم في اوضتنا

نوح: اهو الجزار جه

عبد الرحمن: لالالا مش عايز ابص

ماسه: متخفش يا بودي

الجزار بدأ الدبح و بعدها خد الأضاحي علشان يقطعها و يقسمها و الكل دخل الدار

نوح: يلا علشان تاخدوا العديه

سراج يقرب من ابوه ياخد ظرف و يبوس ايد ابوه و بعدين عبد الرحمن و بعدين هديه تقرب و يديها ظريفين

نوح: ظرف ليكي و ظرف ل نور ده اول عيد اضحي ليه

هديه تبوس ايده: شكرا يا عمي

التؤام كانتوا مترددين

ليلي بصوت واطي: مينفعش متزعلوش ابوكم روحوا خدوا عديه

نادر اول واحد راح خد الظرف و يبوس ايده
نائل وراه منه و بعدين لؤلؤ و بعدين نديم

ليلي بهمس لماسه: يلا

ماسه بصوت عالي: مش عايزه حاجه

نوح يبتسم بحزن: خلاص يا ماسه انا مش هجبرك علي حاجه يا حبيبتي

ماسه بعصبيه: أنا مش حبيبتك

تسيبهم و تطلع

نرجس: أهي دي آخرته تربيه بتوع القاهره

نوح بيديها ظرف: خدي عيديتك

بيقرب من ليلي

نوح: خدي دي عديتك....و دي بتاعت ماسه

ليلي: شكرا

نوح: تعالي عايز أسألك علي حاجه

يطلعوا لاوضه ليلي

ليلي: ايه

نوح: لما بنتي اتخطفت متصلتيش ليه عرفتيني

ليلي: مين قالك