وصفة الحب

XXXXII

           -الطبيبة(دايرة يديها فالجيب):واش نتوما عائلة المريضة؟؟

أوس(غير سمعها وهو يمشي حتى تقابل معاها):أنا راجلها شنو عندها؟؟

الطبيبة(بابتسامة على وجهها):الحمد لله قدرنا نوقفو النزيف فآخر لحظة...الأم فحالة مستقرة ولكن خاصها بزاف ديال الراحة...الوليدات حتى هوما بيخير ماعندك مناش تخاف ولكن عفاكم الوضع ديالها خطيير....أي مجهود ولا توتر يقدر يدير مشكيل ونفقدوا الوليدات الله يحفض

أوس(تنفس الصعداء وهو يبتاسم):الله على فرحة بغيت نشوفها

الطبيبة(كتضحك معاه):غير نديوها للبيت ديالها وشوفها

-مشات الطبيبة وخلاتهم كلهم ضاحكين وكيعنقوا بعضياتهم... حتى تسمع صوت راضية وسميرة من اللور جايين مخلوعين ومعاهم فاروق اللي جابهم....كلشي سكت فحالا شي قنبلة انفاجرات....طمنوا راضية وسميرة بلي ماطرا والو...الجو تكهرب وشي كيشوف فشي....هو واقف بعيد وعينيه عليها أما هي دارتو فحالا مكاينش ومشات عند أوس...وقفات قدامو شادة يديها وكتشوف فالأرض حشمانة منو

مريم(بصوت مرتبك):خويا أوس سمح لينا عفاك....والله ماكنا باغيين هادشي...ربي ستر هاد المرة

أوس(بصوت منخفض):شنو وقع وكيفاش؟؟

مريم(كتتلعتم):راك عارف اللي وقع مع ياسين وياسمين فلافاك بسباب داك الدري اللي كان صورهم....اليوم مشينا عندو وهو دفع سلمى....هادشي اللي طرا

أوس(طبطب على كتفها):غادي نحتاجك توريه ليا...ولكن دابا ماشي وقت اللوم...خاصني نكون معاها وكاملين نوقفوا فجنبها...هاد المرة ماشي فحال ديما...جربت خسارتها وماقدرتش عليها

مريم(غرغروا ليها عينيها من هضرتو):الله يخليكم لبعضياتكم ياربي كنفرح فاش كنشوفكم هاكدا والله

أوس(ابتاسم ليها):مزال غادي ندويو فاش تخرج سلمى إن شاء الله راني مناسي والو

مريم(فهمات قصدو):إن شاء الله

-الطبيبة كتعيط ليه باش يدخل عندها...دخل لقاها متكية ووجهها باهث،عينيها مغمضين...كيشوف فيها كأنها أغلى حاجة رجعات ليه....قرب عندها وشد يديها...غير حسات بحركتو حلات عينيها وابتاسمات ليه

سلمى(بهمس):جيتي؟؟

أوس(الدموع فعينيه):خلعتيني عليك.....معرفتش شنو ندير فاش سقت الخبار

سلمى(حطات يديها على وجهو):سمح ليا عفاك

أوس(شد يديها باسها):لا عادي ماشي مشكيل من اليوم مكاين لاعصاب لاغوات غادي تگلسي فالدار وماتديري حتى حاجة كلشي غادي يوصلك حتى لعندك نتي تعرفي غير تشدي الركنة

سلمى(كتضحك بزز):هههه راك غادي تضصرني دابا

أوس(كيضحك):راه مكنضحكش معاك مابقاش داكشي دابا غادي  تديها غير فصحتك صاافي