الفصل الأول | ظل من الأمس 🍁
🎭 الجزء التاسع| لعبة القدر ⚖️
✍️ بقلمي : ليلى روز 🌸
❤️🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️
⭐️ ما تنسايش معاك واحد النجيمة⭐️
🔮عندو هو 🔮
خرج من الجامعة متوجه للباركينغ بمشية رجولية جبد الهاتف من جيب ديال السروال من بعد ما سمع صوت الرنين وصل عند اللوطو وقف مكروازي رجليه عليها ومتكي كيتكلم مع المتصل
ناصر : صافي واخا الوليد راه حتي أنا يالاه كنت مع جابر و أوس مهم تهلا حتي نجي للدار
قطع وتقاد في الوقفة يالاه غادي يفتح اللوطو حتي كتبان ليه شي حاجة ماشي هي هاديك فيها كانت شي حاجة جارحة اللوطو جمع يديه علي شكل قبضة مباغيش يثيق داك شي لي في بالو نطق و هو مورك على الحروف
ناصر : ببررههووششةة
تراجع خطوة لور ودار دورة علي اللوطو تأكد من واش غير ديك البلاصة من جهة الباب واش غير هيا لي مقيوسة
ما لقى حتي شي حاجة أخرى مع فتح الباب لمحت عينيه ورقة صغير مطوية كان حبسها غير الباب طايحة في الارض تحنا هزها من بعد فتحها كان مكتوب فيها
( أنا ماشي بحال هدوك الأنواع المسخة اللي كتعرف المرة جاية لي ميشرفنيش نعاود نتلاقى معاك عرف راسك معامن )
ناصر ( كان كيقرا بشوية بشوية كاتبان ابتسامة استهزاء على الشفايف ديالو نطق بنبرة هادئة ) : حبيت العب معاك ( ورك علي كل حرف نطقو ) البرهوشة
ركب في اللوطو ديالو و ورك مكسيري بعد ما خرج من الباركينغ مخلي غير العجاجة من وراه
💢عند جابر 💢
مخرج يديه من الشرجم ديال اللوطو و هو سايق بكل أريحية بين الصباع يديه لي كيبانو روجولين مع زغيبات لي خفاف كان كيكمي و فنفس الوقت مركز مع الطريق حبس اللوطو في الفيروج حتي كيسمع الصوت ديال رنين الهاتف لي كان مركب في واحد سيبورة لاصقة جنب الشاشة تكتيل جوب بعد ما نفخ الدخان من فمو لي كان ممتزج مع الرائحة ديال العطر ديالو
جابر ( بنفس النظرة ديال ديما لي فيها الحدة) : وي الحاج
عبد العزيز : ولدي جابر فين كين نت دابا
جابر : علاش الحاج أنا في الطريق غادي نلحق علي عبير و لؤي
عبد العزيز(الجد ) : دوز عندي للشركة هو الول عد سير فين باغي تمشي اولدي
باقي كيتكلم في نفس الوقت بلاما يتسنى ضو يشعل قلب الروايض ديال اللوطو للجهة الثانية لي كانت في طرف الثاني راجع منين كان جاي
جابر : الحاج واش كين شي مشكيل
عبد العزيز : غير حتي توصل هد الهدرة ماشي ديال التلفون
جابر : أكي شويا نكون عندك
قطع معاه دوز الخط مرة خرة لإتصال ثاني كان كيتسمع صوت في اللوطو كولها علي هد شكل تييييت تيييييت
حتي تفتح الخط
جابر : ألو عبير غادي نتعطل عليكم شويا سيري شي كافي نتي و لؤي تسناوني حتي نجي
عبير ( لي كان صوتها ضعيف و هادئ ) : صافي واخا هحنا غادي نتسناو
قطع نيشان بلا حتى شي تعليق اخر من عندو
من بعد مدة ديال الطريق هبط من اللوطو بهدوء وهو كيتني في الكميم ديال القميجة اللي كانت مطراسية على العضلات ديالو
الحراس لي كانو تما شافوه جا واحد فيهم كيجري لعندو خدا من عندو الكونطاك بعد ما حرك ليه راسو باحترام بدلو هو بحركة بسيطة بيديه وكمل طريقو داخل مع الباب الاوتوماتيكي لي تفتح ديال الشركة لي كانت كلها من الزاج عالي وكيتعكس فيها اللون ديال السما كان الأسم ديال الشركة مكتوب بخط واضح
أنت تقرأ
لعبة القدر
Mystery / Thriller✨️ بسم الله الرحمن الرحيم✨️ 📖 حصرياً على واتباد ✍️ بعنوان: لعبة القَدر 📌 القصة لا زالت فطور الكتابة 💌 بأناملي: ليلى روز👑leyla rouz القصة ديالنا غادي نعيشو معاها أن 🖤 ماشي كل حب كيتكتب ليه يعيش كا...
