وصفة الحب

XXXIX

-قصي(بصوت جدي وفيه الخيبة):مني كنتي غادي تخليها هاكدا علاش خليتيها تاقت فيك؟؟؟؟؟

-السكات دار من مور كلمتو....جملة وحدة نزلات على قلبو كيف الصخرة...خنقات أنفاسو وكتفات كتافوا....حس براسو عريان بلا جلدة....ولَّا فواحد الضلمة ماعارف منين يخرج منها...واللوم كيتطاير عليه من جميع الجوايه حتى من صوتو الداخلي مابقاش باغي يسكت ويريحو....شد راسو بيديه والگارو باقي فصبعو....بدا كيتنفس بصعوبة،عينيه حمرين وناشفين....ولكن الدمعة واقفة مجمدة....كيعاافر معاها باش متطيحش خصوصا قدام الدراري......

فاروق(بصوت مبحوح وهو كيطفي الگارو):ماشي بغيت نجرحها....أقسم بالله إيلا كنت باغي غير نحيدها من بالي وصافي....غير تهرب من راسي شويا

ياسين(وهو شاعل وخصوصا مريم عزيزة عليه):مناش غادي تهرب؟!!من ديك بنت الناس اللي مقاتلة مع راسها وبغاتك؟؟ مكانش عندها مع هاد الزبل كامل بقيتي تابعها حتى بغاتك وفاللخر شنو درتي خورتيها؟؟

قصي(واقف كيغوت):عرفتي شنو هي بنت تقول ليك"نتا أحن من واليديا ولا لا؟؟" زعما نتا اللي خاصك تفهمها....هادي راها مسؤولية مابقاتش غير علاقة الشريف....تاقت فيك وديك التقة نتا اللي بنيتيها وبيديك ريبتيها

فاروق(دار عند أوس):هضر گول شي حاجة حتى نتا سبني غوت مالك غير ساكت....نستاهل أي كلمة غادي تخرج من فمكم

أوس(مربع يديه وكيشوف فيه بعمق):آش غادي نقول ليك؟؟ مافهمتكش والله عييت مانلقا ليك شي عذر ولكن واالو منين كتفكر الله أعلم

فاروق(جبد گارو آخر):كنت مضغوط،مخنوق....معارفش اش ندير

ياسين:هادي هضرة واحد فاااشل...غير كنتي مضغوط تنوض تخون؟؟؟الحيوان ومكيديرهاش

فاروق(ناض بالغوات وعينيه غادي يخرجوا من بلاصتهم): صافي باااراكا....أنا كتر من الحيواان اللي خسرت ديك البنت عارف ومزياان گااع متزيدوش عليا....غير سيروا الله يحفضكم باغي نگلس راسي

أوس(جمع الوقفة):ياله الدراري راه بصح خاصو يگلس يفكر مع راسو

قصي(ضرب على كتف خوه):نقص من داكشي راه مامزيانش لصحتك....إيلا بغيتي شي حاجة عيط

-خرجوا الدراري بلا مايدوي معاه ياسين حيت معصب منو ديال بصح

__________________

-الباب تسد عليه وبقى داك الصمت اللي كيعري الوجدان...الصمت اللي  كيتكلم  بصوت الموت اللي كيمشي وسط الأحاسيس...مشا نيشان لبيتو متقل المشية....شاف راسو فالمرايا مابانش ليه راسو....بان ليه واحد الإنسان تاايه...واحد الوجه مافيه لاراحة لارجولة....غير آثار الخيبة والخسران...وراسو كيدور فيه ألف صوت...مشى گلس فالأرض ماقدرش يوصل حتى لسريرو....الباكية دالگارو طاحت قدامو مافكرش يشعل حتى واحد....فكر غير فداك الصوت البارد اللي خرج من فم مريم:{تقت فيك وعاودت ليك على واليديا باش تحن فيا الساعة صدقتي كتر منهم}كانت كل كلمة كترجع ليه فحال الصدى...فحالا كتتعاود تعصر فقلبو بلا رحمة...حاس براسو غادي يحمااق،خايب وظالم....كان كيسحاب ليه راسو راجل ولكن تصرفو اليوم خلاه يعرف الحقيقة...راجل؟؟مع من؟؟وهو خذل أقرب مخلوقة كانت ليه،اللي آمنات بيه بلا شروط،اللي بغات تهرب من ألم واليديها  وجات تقلب على الحنية معاه....وهو؟عطاها الخيانة،عطاها كذبة،عطاها صورة غادي تبقا محفورة فعينيها طول حياتها....