اسرار مابين الضلوع

الضلع الثامن عشر

من كعدنه من النوم كمت طلعت من غرفتي صوت خطواتي بالممر چان يشبه النبض اللي يدك براسي ماجنت نايمه كلشي جان يضرب ببالي مثل الفلاشات
شفت نديم كاعد بيده دفتر رسم بس بدل مايرسم جان يكتب سديم گلت بهدوء:"شنو تكتب؟"

ردّ عليه:"أحاول أسجل كلشي أتذكره... قبل لا تضيع مني الذاكرة مرّة لخ."

---

زين چان يجهز نفسه، لأن اليوم عدنه موعد بالمركز، راح يبدي التحقيق الرسمي ويا سراج.

الأم گالت:"أنا راح أروح وياكم.
يكفيني صمت... تعبت منه."

سديم نداريت باوعت إلها:"كل كلمة راح تگولينها اليوم، راح تكون سلاح بإيدنا،
إذا نسيتين حرف... ننهزم."

---

🚔 بالمركز الأمني - غرفة الاستجواب

الضابط چان يحچي ويا سراج، والكاميرات تسجّل،
بس وجه سراج... ولا عبالك موقوف، مرتاح، ثابت، ويضحك أحيانًا.

دخلت وكلهم سكتوا.

الضابط گال:"أنسة سديم، تحبين توجهين أسئلتچ؟"

ردّيت بصوت حاد:"إي، راح أسأل، وهو يجاوب... لأن إذا ما جاوب، أنا اللي راح أجاوب عن لسانه، وبأسوأ شكل."

---

كعدت كدامه وصفنت بوجهه باوعت بعينه:"سراج... منو أنطاك أول أمر حتى تشارك بمشروع نبض؟
منو جابك للبيت؟ منو شريكك؟"

سراج باوع إلي ضحك ابتسامة باردة:"انتي بعدچ مصدگه إنو أكو واحد مسؤول؟
اللي دمر حياتكم مو واحد... هو كيان.
وإنتي، إنتي جنتي المفروض تكونين رقم 8، بس يوسف عدنان منعهم."

---

زين سأل بحدة:**"وشنو ذنب نسرين؟ ليش قتلتوها؟"
سراج سكت ثواني، بعدين گال:"نسرين جانت رح تفشي سر جبير...
أكبر من المشروع، أكبر من كلشي."

---

سديم گالت:**"يعني انتو قتلتوها حتى تسكت؟"
سراج جاوبها، وكال كلمة كفيلة ترّجف المكان:

سراج: "اللي خنكها مو بيدي...
بيد شخص جانت تعتبره عائلتها."

---

الأم غمضت عيونها، گالت:"شلون؟ منو؟ إحچي."

سراج گال بهدوء:"زين... تتذكر صديق العائلة القديم؟
أخ زوجچ السابق، اللي چان يشتغل مع أبو سديم؟
ناظم."

---

سديم رجعت بذاكرتي،
ناظم... شخص چان يزورنه بالطفولة، چان دايمًا موجود، بس أبدًا ما چان بيه شي يلفت.

نديم، لما سمع الاسم، كام من مكانه بحدة، گال:"ناظم؟ لا... لا گلي إنو راح يرجع ياخذني إذا حجيت!
هو اللي چان يجي بالغرفة الليلية... يسحبني ويكوللي: نسيت شي لو بعد؟!"