بقلم الكاتبه اساور علي ∆
عجبتكم القصه هيه طبعاً كلش حلوه وحقيقيه بس ليله وابا الحسن راح يضلون يكرهون بعض وياترى شنو راح يصير بينهم وراح ينفصلون او لاء تابعو القصه للنهايه لان مراح تخسرون وشنو تعلمتو من بدايه القصه اكتبولنه بالتعليقات نبلش «بسم الله الرحمن الرحيم»
ليان/ابو الكمل كام يحب وهزيت ايدي عليه وهو ضحك
موسى/ولج منو ابو الكمل ادبسززز
ليان/احس بطني كامت توجعني شويه وألم صار قوي
موسى/شفتهة تتألم شبيج ليان
ليان/بطني بطني ماتحمل بعد كامت تأذيني حيل وجع بطني تهسترت بالبجي وهو حار بيه شويه ودخل ابا الحسن
ابا الحسن/ها ليونه شبيج
موسى/بطنهة دتأذيهة
ابا الحسن/روح صيح الدكتوره بسرعه
ليان/لزمت ايد ابا الحسن ورفعت روحي اريد اكوم بس ماكدرت راح تطلع روحي حسن
ابا الحسن/سمالله عليج يروحي من عمري على عمرج انشاءالله
موسى/رحت جبت الدكتوره ضربتهة ابره مهدئ شويه وهدئت ونامت طلعنه اني وابا الحسن من الغرفه كعدنه سوده عليه اذا ماكسرته ألج ماطلع اني موسى
ابا الحسن/الله كريم خلي تطلع من المستشفى بخير وسلامه واني اعلمه اجتي الدكتوره تريد موسى تحجي وياه بخصوص ليان تفضلي اني اخوهة
-ها لاء مو اريد اسئله شويه على تبريع الدم
موسى/امشي غمزت لابا الحسن ورحنه على صفحه تفضلي
-بصراحه اني جبتك هنا موعلمود تبريع بالدم لا بس ردت اسئلك سؤال
موسى/اذا شي مومنطقي لاتسئلين ادري بيج من اجيت للمستشفى انتي لاحكتني عوفييني بابا هتمي بشغلج هذا المكان مومجرد تجين هنا وتنعجبين بالولد حرام عليج بعدين انتي بنيه والبنيه ألهة سمعتهة طلعيني من راسج
-بس اني نعجبت بيك ولزمت ايده
موسى/وخري ايدج استغفرالله دفعتهة استحي شويه الله واكبر صايره الزلم تستحي والنسوان طالعه عيونهن باعي طلعيني من راسج لان اني هاي راح تصير خطيبتي وحلالي وماكدر احب غيرهة واني من الزغر متانيهة
-آسفه خويه وعتبر هذا الشي مصار والله يسعدكم بحياتكم
موسى/رجعت لأبا الحسن غمزلي
ابا الحسن/هاي ليش لزمت ايدك
موسى/ختولي اني معجبه بيك واريدك شني هاي صار العكس البنات البعض مو الكل صايرات يصجمن بالزلم اكثر من الزلم
ابا الحسن/شعبالك لعد الدنيا موامان
موسى/اني بس وحده هنا اخذت كلبي وسكنته لا خذت روحي كلهة
ابا الحسن/هيج تحبهة امداني لعد من انطيتهة لواحد ميسوه
موسى/الصار صار وانتهى كافي تعيد بالموضوع
ابا الحسن/الله كريم الله كريم ماتعرف ربك شضاملك
موسى/ماضن ربي ضاملي شي حلوو
ابا الحسن/لا لا موسى انته مؤمن لاتيأس من رحمه الله
موسى/ونعم بالله
ابا الحسن/ضليت واكف احس رجلي وكفت
موسى:ماتكعد ناملك شويه اني موجود
ابا الحسن/لاعوفني مانعسان
موسى/دمشي اكعد هيج مايصير اجتي الدكتوره الثانيه هذيج بعد ماشفتهة اجتي كالت المريضه تريدكم دخلنه اني وابا الحسن عليهة ولكيتهة تبجي
ابا الحسن/لزمت ايدهة يروحي ليش تبجين
ليان/طلعوني من المستشفى ماحبهة نفسي كامت تلعب واحس اختنكت
ابا الحسن/بس اصير الساعه ب5بعد ساعتين ونطلع
موسى/ابا الحسن يمكن دتلعب نفسهة لان حامل
ابا الحسن/اي ادري بس شويه نامي واني اكعدج
ليان/نمت واحس واحد ديخنك بيه كمت اعيط فزيت على صوت يمي لكيته ابا الحسن وموسى
ابا الحسن/سمالله يروحي انتي
موسى/شبيج ليان ماكو شي احنه يمج
ليان/طلعتو من الغرفه
ابا الحسن/لاء ضلينه يمج ماطلعنه ليش هل عياط
ليان/والله حسن ننوح جان يخنك بيه
موسى/اخخخخ اذا ألزمه اعضه مثل عضت اليوم
ليان/شنو اليوم
ابا الحسن/ماكو شي يروحي موسى صم حلكك
ليان/اليوم اجه ؟؟للمستشفى
ابا الحسن/هزيت براسي بمعنى اي لتخافين يروحي كتلناه كتله معدله وموسى عضه خله بيده ننيشان علمود لايوصلج
ليان/چلب شني
موسى/انكلب حيوان اذا واحد اذاج
ليان/ابا الحسن ماروحله بعد موو
ابا الحسن/وكفت كبالهة ولزمت ايدهة افا منو ياخذج اله انتي تبقين شيخه النسوان كلهة وغصباً على اليرضا ولمايرضا انتي ام العز والدلال اني اخليج ترحين بعد يم هذا الخنيث هسه اريدج تنسين كلشي
ليان/المهم طلعنه من المستشفى ورحنه لبيتنه ونقهرت لان صارلي سبع تشهر مشايفته ونقهرت وشتاقيت لكل نفر لبيتنه احس هنا نفجرت بالبجي وامي وليلي يهدئن بيه ومرتضى مقهور عليه
ابا الحسن/اني شحجيت ليان
ليان-اعرف بس مشتاقه لبيتنه
موسى/رجعتي لبيتج معززه مكرمه واي واحد يفتح حلكه مايلوم غير نفسه
ابا الحسن/فدوه لكلبج يروحي يله يله عوفي كلشي وراج وابدي بصفحه جديده امحي كلشي سلبي مريتي بي
ليلي/يله كومي مومشتاقه لغرفتج هي هي ممتغيره بعدهة نفس الشي
موسى/اي اي اخذيهة بلكت ترتاح
ابا الحسن/اي ليله وديهة لغرفته
ليلي/صعدنه اني وياهة للغرفه الفوك وضلت تباوع على كنتورها وملابسها وجربايتهة وكامت تبجي يله يروحي كافي بجي هسه المفروض تفرحين لان خلصتي من العذاب لانتي بي
ليان/انحرمت ليلي انحرمت من اعز شي عندي غرفتي اهلي بيتي حبسني بالبيت مالته جني اسيره يوميه يكتلني ويكطع الحزام عليه واني اعيط بس ماكو احد يسمعني تصادف من ايريد يكتلني يتأكد موسى بالبيت لو لاء
ليلي/شنو من بشر هذا زين ليش وافقتي بي هو عار
ليان/انجبرت ليل حطي روحج بمكاني لو اخوانج موجودين يهددونج لو تنفذين هذا الشي لو يكتلون اخوانج انتي شسوين ونوح يسويهة لان مره كتل رجال لان هدده والرجال مانفذ تهديد نوح وضربه طلقه ومات ونسجن ورد طلع
ليلي/كش عوذذه سمالله
ليان/ليل يعني من صدك اذاني واني متحملت لان سب اهلي وغلط على ابا الحسن ماتحملت وهديت عليه تدرين 3مرات ركع راسي بالحايط واني فقدت وربج موسى جان واكف وره الباب وسمع كلشي
ليلي/همج يله عوفي خيولي انسي اكو واحد اسمه نوح يكتلج وكوني سبحي صايره جنج سلبوح سيان
ليان/انجي ولج ههههههه
ليلي/اي هيج اضحكي لان الضحكه حلوه عليج
ليان/رحت للحمام ولكيت كلشي بمكانه العطورات والمرطبات والغسول الجسم سبحت وطلعت لغرفتي بدلت ونزلت لكيتهم كلهم كاعدين
ابا الحسن/شنو هل جمال ياكمري
ليان/لاتزودهة
ام الشيخ/يمه يرحون فدوه لتراب رجلج يروحي انتي
مرتضى/لاتزوجين بعد لان ماتفلحين بالزواج
ليان/كبرر هههه خايس
ابا الحسن/تروحلهة فدوه
موسى/يله اني اترخص اروح اشوف امي
ابا الحسن/دبات اليوم يمنه
موسى/لاماكدر امي وحدهة الصبح اجيك علمود نمشي بطلاك ليان
ليان/موسى شكراً على كلشي لو مانته جان هسه اني وبنتي ميتين
موسى/ولو هذا واجبي من حقي بنت الغالي انتي
ليان/سلملي على خاله حبيبه
موسى/يوصل شفت ابا الحسن يغمزلي بتك عين ابتسمتله ابتسامه خفيفه وطلعت للبيت لكيت امي جاي تسوي غده
ها يوم شخبارج اليوم
ام موسى/ها يروحي بشر شلون صارت ليان
موسى/زينه بس بعدهة مناسيه الموقف الصار وياهة
ام موسى/عمي حقهة اذا مرت بأزمه كلش قويه بس اريد اعرف شسوالهة
موسى/حجيتلهة كلشي من رحت وسمعت كلشي
ام موسى/يروحي سوده عليه هاي لمدللة ام العز هيج يصير بيها
موسى/دخل اشوف واحد يدنه عليهة اذا مااكلبه حيوان شويه وسمعت الباب اندك قوي تكسر لما سمعت صوته لخايس
نوحح/افتح الباب ارعن خايس وين وديت مرتي اريدهة وبنتي هم
ام موسى/يمه فدوه عوفه خيولي
موسى/يمه فدوه روحي اكعدي وعوفيني اتصرف ويه هذا المطي الخايس طلعت وامي مجلبه بيه شتريد
نوح/اريد مرتي
موسى/هسه يله عرفت مرتك من جنت تجيهة سكران وتضربهة ماجانت مرتك ضربته بوكسي ورجعلي البوكسي احس حلكي طك دم ماهتميت خليته يرجع بطن امه كلب ماعندك غيره على عرضك حيوان ضليت اضرب بي برجلي وهو هم يضرب شلون عين صلفه
أنت تقرأ
فصليه الشيخ أبا الحسن
Actionفتاه يتيمه عايشه عد عمها يوميه يعذبهة ويحبسها وتالي تروح فصليه بسبب ابن عمها ياترى شنو راح تكون حياتها
