اسرار مابين الضلوع

الضلع العاشر

"ليس كل ما يُقال يُصدّق... وليس كل ما يُخفى يبقى خفيًا."

أنطاني صوره ثانيه عيوني جمدت من شفتها
الصورة بيها رجل واكف ويا سراج... لابس بدلة رسمية، ووجهه مو غريب.
ورا الصورة مكتوب بخط نديم:

> "إذا بدأ بيه كلشي... فراح ينتهي بيه هم."

سديم بصوت مبحوح:"هذا يوسف عدنان؟"

الأب نزل عيونه وكال:"إي... وهذا هو الرجل اللي حاول يقلب الطاولة عالكل."

زين چان واكف ساكت، بس نظراته تفتر بين الصور ، وگال:"وشنو صار له؟ وينه هسه؟"

ضحك الأب ضحكه ثكيلة:"اللي يلعب بنار الكبار، يا يحترگ... يا يختفي."

جنت راح اصيح بس هديت نفسي وسئلته:"نديم شاف شنو صار له؟"

تراجع خطوة، وجهه تغيّر، وكال:"نديم شاف شي أكبر من عمره... وكل يوم يمر، كل شي يكبر بعقله أكثر."

زين اندفع خطوة لكدام:"بس ليش سكت؟ ليش اختفى؟"

گال وهو يتنفس بعمق:"مو كل سكات خوف... مرات السكوت هو الطريقة الوحيدة تحمي بيها اللي تحبهم."

---
فجأة شفت صورة صغيرة على الرف بجادر قديم بيها نسرين سراج وأبوي بس وراهم واكف شخص مظلل وجهه مامبين

رفعت الصورة وگلت:"منو هذا؟"

باوعلي بسرعه وسحب الصورة من أيدي وكال: "مو وكت هذا الحچي."

سديم سحبت دفتر نديم من الگيس، فتحته بسرعة، وقلت:"إي وقته... شوف شگال نديم بهاي الصفحة."

قريت بصوت عالي:> "اللي واكف بالصورة... هو اللي جان ورا الباب بليلة الحريق.
واللي ظل صوته يهمس بگوابيسي."
---

زين صوته هبط:"يعني الحريق ما چان صدفة؟ ولا شخص واحد؟ أكو أحد أكبر بعد؟"

سكت الأب وكام مشى للغرفه الجوه كال وهو يفتح الدرج :"أكو تسجيل... بس إذا سمعتيه، ما راح ترجعي مثل قبل."

سديم كلت:"أريد أسمعه."
---
سديم مديت أيدي ودست زر التشغيل الجهاز القديم طلع صوت طنين خفيف بعدين بدا الصوت يطلع
مو موسيقى، لا... صوت رجل، واضح، ثابت، وبارد.

> "التسجيل رقم 4... الهدف: محو كل أثر من ملف يوسف عدنان.
العملية بدأت من نسرين، انتهت من سراج، والغلق بيد الأب."

سديم غمضت عيوني حسيت ظهري تعرق، صوت أنفاسي تغيّر.

زين گال:"هذا... صوت منو؟"

سحب نفس طويل وكال:"صوت شخص جان يشتغل ويانا... بس انفلت."

سديم گلت:"انفلت؟ يعني چان شريك؟"

هز راسه:"شريك... وبعدين صار تهديد."

الصوت بالتسجيل استمر:"إذا فشلت الخطة، ماكو أحد راح يطلع بريء.
حتى الولد... حتى البنية."

سديم نزلت التسجيل بسرعة، وقلبي دگ بطريقة غريبة.

"يقصدون نديم... ويّاي! جانوا ناويين علينا!"

---

زين مشى يمي مسك دفتر نديم، وگال:"سديم، هذا الدفتر مو مجرد مذكرات... هذا خارطة حرب."

سديم وكفت، وباوعت لأبوي وكلت :"ليش ما حچيت؟ ليش سكتت؟"

باوعلي وصوته مليان وجع:"چنت أحميكم... مو كل شي نكدر نحچي بيه، مرات نحرق نفسنا وننقذكم من النار."

---

صمت.

سديم رحت للزاوية، طلعت ورقة من دفتر نديم مكتوب بيها:"اللي گالو عنه مجنون... چان أذكى من الكل.
لأن الجنون، هو أنگ تحچي بالحقيقة، وميعرفون يصدقوك."

رفعت عيني، وكلت:"نديم مو مجنون... نديم عرف، قبلنا كلنا."

---

بعد ما سكت التسجيل، الجو ظل مشحون، الكل ساكت... بس نظراتهم تحچي ألف حچي.

سديم ضميت الورقة من دفتر نديم، عيوني على أبوي:"شلون قبلت؟ شلون سكتّت على جريمة؟"

أبنزل راسه، وكال بصوت مبحوح:"يوسف عدنان چان راح يكشف كل شي...
جان عنده نسخة من ملف اسمه (مشروع الأمل)."

زين سأل بلهفة:"شنو مشروع الأمل؟"

الأب كال:"ملف يشهد إنو نسرين وسراج، وباقي المجموعة، چانو يجرّبون أدوية ممنوعة على أطفال دور الأيتام...
ويوسف چان أحد المشرفين، وبعدين قلب ضدهم."

سديم چنت راح أوكع من الصدمة:"شنو؟؟ أطفال؟؟"

هز راسه:

"ومن ضمنهم... نديم."

---

صوتي اختنك :"يعني نديم... چان جزء من تجاربهم؟"

الأب :"إي... بس التجربة أثرت على دماغه، خلت عنده حساسية عالية ضد الأصوات والضوء...
ولهذا بدا يتغير، يتصرف بغرابة، وبدأ يتذكّر أشياء مو مفروض يتذكرها."

---

زين عض شفايفه، گال:"ولما حاول يحچي... سكّتو؟"

الاب :"هددوه... كالوله إذا فتح حلكه، سديم راح تختفي."

سديم نزلت دمعتي بس عيوني ما انكسرت:"وإنتَ... شسويت؟"

سكت شوي، بعدين گال:"سويت أسوأ شي...
وسكت ماكمل كلامه

---

فجأة  تذكرت شي، ركضت للدفتر، فتحت الصفحة الأخيرة، لگيت كلمة كبيرة مكتوبة باللون الأحمر: "اللي گالولي عنه كابوس... طلع حقيقة.
واللي ربيتني عليه... چان مبني على جثة."

---

وكفت وباوعت لأبوي وكلت:"من اليوم، ماكو سكوت. راح أفتّش، وأحچي، وأكشف.
وإذا سراج، ونسرين، وكل جماعتهم لعبوا بطفولة أخوي...
فإني راح ألعب بعقولهم لحد ما ينهارون."

---
نلتقي بالضلع ال11