اسرار مابين الضلوع

الضلع الثامن

الليل ثكيل وسكونه ينهش الروح مشيت لباب الخلفي دفتر نديم بأيدي وزين وراي يتلفت كل خطوه بخوف: "سديم، متأكدة من اللي دا تسوينه؟"

رديت بصوت حاد: "القصة بدت من القبو… ولازم تنتهي من هناك."

وصلنه لباب القبو مصدي ونصه مكسور من أثر الحريق فتحته بأيدي والباب طلع صوت يضوج ويلعب بأعصابنه نزلنه الدرج مغبر كله كل درجه تسحبنه على ماضي وصلنه لنهاية الدرايج الغرفه ضلمه بس ضو التلفون زين لمح صندوك
زين :سديم تعاي شوفي
اجيت تقربت وشفت الصندوك قديم حيل مبسن
زين: الصندوك مقفول
سديم جنت اعرف سحبت مفاتح صغير موجود بين الطابوكات فتحته وداخل الصندوك:
ملفات،

صور محروگة جزئياً،

أشرطة تسجيل،

وظرف مكتوب عليه: "إلى من يملك الجرأة يعرف."

فتحت الظرف، وبديت أقرأ بورقه بيها خط أيد نديم :

> "الحريق مو صدفة.
وأكو شخص من أهل البيت… هو اللي ولّع الشرارة الأولى."

سديم رفعت راسي دموعي تجمعت بعيني :"أحد من عدنا… هو اللي بدأ كلشي."

---

زين شغّل المسجّل، والشريط بدا:

[صوت امرأة تبچي]
"النار چانت الحل الوحيد حتى أوكف اللي چان يصير…
واني چنت مجبورَة أحمي ولادي."

زين اختنق صوته:

"يعني أمي…؟"

سديم بصوت مبحوح:

"مو شرط، يمكن نسرين… يمكن سراج…
الكل صار مشتبه بيه هسه."

---

فجأة… سمعنه خشخشة قوية فوكنه، خطوات تمشي.

صوت رجولي نزل من أعلى الدرج:

"أعرف أنو انتو هنا… افتحوا الباب قبل لا أفتحه بطريقتي."

سديم همست:"هالصوت… مو غريب."

زين تمتم:"سراج."

وفعلاً، نزل سراج من السلم، ملامحه جامدة وصوته حاد:

"گلت راح توصلكم رجولكم لهنا."

سديم وكفت، بعين ثابتة:

"ليش؟ شنو موقعك من قصتنا؟"

سراج گال بكل برود:

"سؤالچ لازم يتغير:
هل أنتو جاهزين تسمعون كل الحقيقة؟"

بس قبل لا يكمل صوت ضعيف جداً نسمع من جهة الحايط  الخلفي، مو من فوك…
من خلف الطابوك، من مكان محد يعرفه.

> "سديم…"

صوت مكسور، ناعم، عبالك طالع من قبر!

ركضت قربت وجهي على الفتحع بين الطابوكات دموعي تنزل مثل الشلال:"نديم؟!"