اي والله انك رهيف السلطان تركتي سلطانك بدون قلبه

12

بعد وصولهم نزلت رهف بهدوء ودخلت وسعود وقف وراها ، استوقفها صوته وهو يقول : رهف
تنهدت بهدوء ولفت عليه : شبغيت؟
سعود سكت للحظه : بكلمك داخل افضل
استغربت ودخلت بهدوء واستقبلتها لينا
لينا همست من شافت سعود وراها : وش صار مع سعود
رهف رفعت حواجبها: حلوه ذي بدال لا تسالني وش اخباري تسألين وش صار؟؟
لينا دخلت ورهف جنبها تمشي: معليه بسالك بعدين المهم روحي ل امي في الصاله بكرا الجمعه
رهف استغربت: من بيجي بكرا ؟
لينا: جاك فقدان ذاكره ولا وش؟ عماني بيجون
رهف وقفت : يووه مانب نازله لهم مالي خلق
لينا: مالك خلق ولا ماتبين تقابلين هناء واختها؟
رهف : حلو انك فاهمة
وطلعت لغرفتها
.
الصاله
لينا دخلت لصاله ولفتها سعود الي جالس ويقلب بجواله
ابتسمت بهدوء وقربت منه ، نغزت خصره فز سعود بخوف : اعوذ بالله
لينا: اقول قم اطلع وشف ابوي وين راح
سعود : عبدالله بيجي اليوم ولا بكرا؟
لينا : وانا وشدراني عنه؟ خلفته ونسيته؟
سعود: لاحول اسال اسال
ام سعود طلعت لهم : سعود قم ارسلت لك اغراض جبها
سعود : يمه ارسلي لعبدالله ليش انا
لينا : حلوه ذي قم بس
طلع سعود ولينا تاكدت انه طلع ورجعت ل امها ركض
ام سعود: هدي هدي وين رايحه
لينا : يمه الحقي
ام سعود: وشو
لينا : رهف وسعود تقابعت بينهم ،ورهف ماتبي تنزل بكرا لعماتي
ام سعود: خليهم انا تعبت اما رهف بتنزل غصباً عنها
لينا ؛ بكيفك عاد هاذا اذا نزلت
.
غرفة رهف
دخلتها وفكت عبايتها ورمت جوالها فوق السرير وتقدمت تجلس عند تسريحتها ، تفكر تنزل لهم يوم الجمعه ولا تسحب وترتاح بعد يوم مليء من الاحداث الغريبه قاطع افكارها دخول امها
ام سعود جلست فوق سريرها: رهوفه حبيبتي وش قالو لك المستشفى
رهف قامت وجلست جنب امها وحضنتها : اعلمك بس ماتكبرين المواضيع
ام سعود مسحت على راسها : وشو لا تخوفيني
رهف : كنت بقطع اوتار يدي
ام سعود ضربت راس رهف بشويش: هاذا من والله من زود الطفاقه عطيني يدك اشوفها
رفعت يدها توريها امها : يمه مانب مطفوقه
مسحت على يدها : بسم الله عليك ، قومي يا حبيبتي اخوك يبيك
رهف عقدت يدها : يمه اجلي ذا الموضوع تكفين
ام سعود : تأجلين لين متى ؟ قومي بس وشوفي ابوك بعد
رهف : طيب يمه تكفين تعبانه شوي بكرا ولا باليل افضل من الحين
ام سعود : المهم اليوم باليل في الصبح اي وقت المهم انه يكون اليوم
رهف ابتسمت: من عيوني
ام سعود ابتسمت من ابتسامة رهف : اي ابتسمي ياحلو ابتسامة بنيتي
رهف ضحكت : الله لا يحرمني منك
ام سعود : ولا منك ، نامي زين واضح انك ما نمتي
طلعت ام سعود وسكرت الباب ، انسدحت و تغطت تنام بعمق
.
لينا جالسه بحماس تشوف مسلسلها وناظرت الدرج الي نزلت منه امها : يمه يمه وش صار
ام سعود: ياحبيلك للعلوم ، ما صار شي كانت تعبانه ونامت
لينا : متى تبداء الفعاليات
ام سعود لفت عليها بصدمه : يولي وش فعالياته ، تقصدين رهف وسعود!
لينا : والله يمه فعاليات بس انتي يا يمه تخلين المواضيع كبيره
ام سعود باست يدها كف وقفى : الحمدالله والشكر بس
لينا : وش تقصدين يمه يعني انا مجنونه؟
ام سعود : لا حول ولا قوة الا بالله كملي مسلسلك وانتي ساكته
لينا تنهدت : المشكله مقدر اقول شي عقوق
سعود دخل ومعه الاغراض وحطها فوق الطاوله : سلام عليكم
لينا: وعليكم السلام ، متى الفعاليات بالله
سعود عقد حواجبه : وش فعاليته في فعاليات اصلا؟
ام سعود: تقصدك انت ورهف
سعود : بالله ذي تسمينها فعاليات؟ ذي مصيبه ياحماره
ام سعود : فهمها فهمها تعبت انا
اخذت الاغراض ودخلت للمطبخ و وقفت لينا المسلسل ولفت عليه : اعلمك شي ما تعلمه رهف؟
سعود تحمس: وشو
لينا : تراها مسامحتكم بس تبي تتغلى عليك انت وابوي
سعود : تتغلى علي تستهبل ذي؟ اخوها انا موب حبيبها
ضحكت لينا : لا والله ترا صدق زعلت بس انها فيها ذره رضى
سعود : طيب اعلمك شي بس محد يدري؟
لينا : ايه تكفى من زمان وانا ماعندي علوم
سعود: لا يحمار محد يدري ولا تعلمين احد!
لينا ضربت رجله: طب اخلص علي محد راح يدري
سعود طلع من جيبه مفتاح ، بس مو اي مفتاح كان مفتاح سياره وعليه شريطه على شكل فيونكه وحطه بيد لينا ، شهقت بذهول : احلللف
سعود ضحك على شكلها: قسم بالله ،
سكت شوي وتنهد : كنت انتظرها ترجع من طلعتها هي وبنت عمي عشان اعطيها بس مدري وش الي صار
لينا ناظرته وهو واضح ان التأنيب الي جاه اكله اكل : معليك انا قلت لك انها راضيه بس تتغلى
سعود ابتسم: انشاءالله ترضى زود عاد
لينا: طيب وش نوع السياره؟
سعود : اكسنت ، تستهبلين؟ ناظري اشعار الشركه
لفت المفتاح تشوف اشعار الشركه : مو منجدك! بورش!
سعود: لا من جدتي ، اي منجدي
لينا ناظرته بصدمه : من دفعها
سعود : قطينا فيها انا وابوي ، بعدين ليش منصدمه كذا؟
لينا: لا بس انت دايم تقول لرهف تخسين تجيبين البورش
سعود ضحك : خلينا من موضوع السياره رهف وين؟
لينا: نايمه فوق خلها
سعود : دزي بس وجيبي المفتاح ، المهم عندك كروت؟
لينا عطته المفتاح وهي بس تنتظر رهف تقوم : اي عندي شتبي فيه
سعود : جيبيه وبتفهمين بعدين
قامت لينا لغرفه الطعام تفتح الدولاب تدور له الكروت ، راحت لسعود تعطيه الكرت وقلم : ورني وش بتسوي
اخذها وتكى على الطاوله يكتب ولينا تحاول تشوف بس سعود ما خلى لها فرصه عشان تشوف قفل القلم وطلع للحوش يشوف السياره الي توها توصل وعليها الشريط بلون الي تحبه رهف الي كان احمر وبلون السياره الي كانت تسولف لن عنه وكان لونها اسود وحط الكرت بين الشريط وطلع يركب سيارته يجيب لها ورد ، ما في شي يدور براسه غير ان رهف تستانس على السياره وترضى عليه
.
طلعت لينا لغرفة رهف تشوف هي صدق نامت ولا كذبت كلعاده دخلت عليها ولكن كانت نايمه وبعمق ، قربت منها بخفه تناظر ملامحها وكانت عاقده حواجبها و واضح انها منزعجه بشي ، جلست في الارض قريب منها وحاولت تقومها
، قامت رهف وجلست تناظرها بغضب : شتبين
لينا قامت وتربعت فوق السرير : قومي بس طفشت لحالي
رهف مغمضه عيونها : لينا قومي عني احسن لك
لينا: قومي ادري انك ماتبين تكلميه بس قومي طلع من البيت
رهف فتحت عيونها : لينا بعد لين ثلاث لو ما قمتي بيصير شي ما تبينه
لينا جتها رساله من سعود ( وينك الحين؟)
لينا( عند رهف بغيت شي؟)
سعود( خليك عندها شوي بجيكم)
لينا ( تعال بسرعه تبي تسطرني البنت )
قفلت جوالها وناظرت رهف ، رفعت يدها تأشر على الباب : برا
لينا بتهديد : طيب بس لو طلعت سعود بيجيك
رهف رجعت انسدحت : لي زين يصير خير
طلعت لينا وشافت سعود جاي : بتلعنك اجلها افضل
سعود : ابعدي بس
دخل سعود بشويش وفتح الستاره سحب مقعد التسريحه ويجلس قدام رهف : قومي بكلمك
قامت رهف وهي ما تناظره وحطت شعرها من جهة سعود بحيث انه ما يشوف وجهها: شبغيت
سعود : ادري انك زعلانه وماتبين تشوفيني ولا تبيني اكلمك بس انا بكلمك وبخليك تشوفيني وتفهمين كل شي
رهف : غير ذا الكلام
سعود مسك يدها ورفعت نظرها ليده : والله اني ما اقصد اصارخ عليك او اضايقك بكلامي او ازعلك بس يشهد علي انها نغزه شيطان
فتح يدها وسحبتها : غيره ياسعود
سعود ابتسم بخفه: افتحي يدك طيب مو مسوي لك شي وبتفهمين وش غيره
استغربت من كلامه وناظرتها وهو مبتسم وفتحت يدها :
اخلص ابي انام
طلع من جيبه المفتاح وحطه بيد رهف ناظرت يدها ورفعت نظرها لسعود وهي مصدومه وقامت تقلب في المفتاح: تمزح صح؟ تضحك علي؟
سعود ضحك: الله يسامحك انا اضحك عليك
رهف كانت عارفه حركات سعود : لا صدق سعود تضحك علي؟ لا تخلين اتحمس على الفاضي
سعود طيب تدرين ليش فتحت الستاره؟
رهف : عشان اقوم
سعود ضحك اكثر : لا مو عشان كذا طلي وشوفي وش فيه في الحوش
قامت رهف وبيدها المفتاح ناظرت الحوش و وقف جبها سعود : ها اضحك عليك الحين؟
رهف ابتسمت وناظرته : تكفى سعود تستهبل!
سعود : حلوه ذي استهبل!
مسك يدها يطلعها من الغرفه: انزلي وتاكدي بنفسك
نزلت رهف وهي على طرف البكاء نزلت وهي تركض فتحت الباب ولينا يوم شافتها فتحت جوالها تصورها ، فتحت باب البيت وناظرت السياره : اخخ يا حلووها
وقف جبها : ها الا الان اضحك عليك؟
ناظرته وحضنته بأقوى ماعندها ولعل نزلت دموعها : لاتبكين دموعك غاليه
رهف ابتعدت عنه : اخ سوسو احبك
وقربت من السياره ناظرت الكرت قرته ابتسمت وطلعت جوالها تصور الكرت الي كان مكتوب فيه ( الطلب رخيص والي طالبه غالي )
رهف تنهدت واخذت المفتاح تفتح السياره ، فكت الباب وقفت ثواني تناظر سعود : سعود تكفى
سعود ضحك على شكلها : انهرتي ولا؟
رهف طلعت البوكيه الورد تتتامله بحب ، لينا نظارتها : عاد الحين لو ما طلعتيني ياويلك
رهف : يشيخه تم لو تبيني اطلع اخر اليل اطلعك
سعود رفع حاجبه : وانا ولد كلب يعني ولا وش
ضحكت رهف : انت معليك لك طلعات خاصه
سعود ضحك : اشوا احسب سحبتي علي
ضحكت رهف وركبت السياره : صبر بجرب اشغلها
سعود : تعرفين ولا علميه؟
رهف ناظرته : تخسي مانب علميه
لينا : بالله ادعسي ابي اسمع الصوت الي ازعجتيني فيه
رهف : اي معليه الحين بزعجك في الواقع
شغلت السياره وبانها سبورت كان صوتها قوي وعالي
سعود استانس على الصوت؛ اقول رهف كنسلي وجيبي المفتاح باخذها
رهف ناظرته: اقول سق امها قال ايش قال كنسلي
قفلت السياره ونزلت وسكرت الباب بشويش
سعود : ايه وين قبل يوم كنتي تكسرين ام الباب
رهف ضحكت: لا ذي بس بسيارتك
دخلت ابوها من باب الشارع وسلم عليهم
واتجهت رهف تحضنها وتبوس راسه
سعود : وش دراك ان هو الي جابها؟
رهف : ابوي مايخلي شي بخاطري
ابو سعود ضحك: معليك يابنتي منه واستانسي على السياره والله يكفيك شرها ويعطيك خيرها
رهف : امين يارب
دخلو للبيت بعدمها غربت الشمس وهم برا يشوفون السياره
.
بيت ابو سلطان
نوره جالسه في الغرفه تفكر وش تلبس وتفكر بشي ثاني ، تفكر برساله هناء والسالفه الي صارت لرهف قاطع تفكيرها من دخل سلطان
نوره ناظرته: في شي اسمه طق باب
سلطان تكى على الباب : والله عاد بكيفي المهم كلموك احد من اهل عمي عبدالرحمن؟
نوره استغربت: ايه ليه صاير شي؟
سلطان : لا بس سعود له يومين مختفي ويمكن بكرا اسحب عليكم واطلع لخوياي
نوره: بيتهم مقلوب فوق تحت موب وقت سوالك
سلطان: اوف شصاير ؟
نوره : مادريت؟ في واحد طب عليهم في البيت ولعل اخته بغت تروح فيها وشافها وفهم غلط وصارت مشكله كبيره وزعلت عليه والا الان ما ادري وش صار
سلطان انصدم: اي وحده
نوره لعلها قالت الي تفكر فيه: الي قريبا بتحبها
سلطان : نعم؟
نوره تلعثمت: ها لا لا اقصد وشدخلك
سلطان: الله يشفيك بس
وطلع من غرفتها وهو يفكر وش تقصد نوره بكلامها
اما عند نوره اول ماطلع تنهدت براحه : اوف بغيت افضح افكاري
طلعت اللبس الي بتلبسه وجهزته واتجهت تنزل ل امها
.
بيت ابو مشاري ( غرفة رفيف )
منسدحه فوق السرير وشعرها منتثر حوالينها ، تفكر بحياتها مع سعود تفكر وش بيصير كيف بيطلعون عيالهم قاطع افكارها اتصال رقم غريب
رفيف: غريبه من ذا؟
قفلت جوالها ورجعت لفكرها ، جاتها اكثر من رساله من نفس الرقم الغريب
تنهدت بغضب: لاحوول ولا قوه الا بالله من ذا المزعج!
اخذت الجوال تشوف الرسايل ابتسمت وتعدلت بجلستها من شافت الرسايل
( وراك يا الخوافه؟)
( لهدرجه نسيتي ام رقمي؟ )
( مو شخص غريب تراني خطيبك )
رجع اتصل انتظرت شوي وبعدها ردت نطقت بهدوء : اجل خوافه؟!
سعود ضحك : وانا عند ربي صادق
رفيف ابتسمت: مو خوافه بس كنت مع طقوسي شوي
سعود : اي طقوس
رفيف : قاعده افكر وانت خربت علي كل شي
سعود : اوف الموضوع وصل ل افكار؟ عطني من افكارك بالله
رفيف : لا مو انت خربت علي استحمل
سعود ابتسم بهدوء: خلي افكارك شوي على جنب ، بكلمك على الموضوع
رفيف : وش الموضوع ؟
سعود : يعني حسيت اني لازم اكلمك بموضوع تاريخ الزواج
رفيف : حددت
سعود: بسم الله اصبري متى حددتيه
رفيف ابتسمت بشر : بعد سنتين
سعود رفع حواجبه: نعم؟؟ وش الي سنتين تمزحين؟
رفيف قفلت المايك وقعدت تضحك عليه عدلت صوتها بعد الضحك وفتحت المايك : اي بعد سنتين ليه فيها شي؟
سعود : اي فيها اشياء! يلعن بليسك لي سنين ابي اتزوجك وتقولين بعد سنتين!
رفيف : انتظرتني سنين جت على سنتين؟
سعود : رفيف لا تخليني استلعن الحين واخليه بعد اسبوع ، مو طبيعي قاعد انتظر الملكه على احر من جمر عشان اكلمك براحتي واشوفك براحتي!
رفيف ضحكت : خلاص امزح امزح بس باقي ما حددت بعد الملكه بحدد وبعدين وش الي بعد اسبوع!
سعود تنهد : الله يسامحك خرشتيني احسب صدق تبينه بعد سنتين!
رفيف : تصدق سعود ، طلع فيك جفاف من يوم ما دقيت ماقلت لي كلمه حلوه! اذا كذا بزعل صدق!
سعود ابتسم : انتي خليتي فيني شي صاحي! فجعتني بكلامك
رفيف لعلها استلمت سعود محتوى ومثلت الزعل : لا صدق سعود شلون بعيش معك وانت ما تعطني كلمه حلوه ، شكلك ما تحبني انت !
سعود: رفيفي هدي بالله ولا تزعلين ، والله يشهد علي اني احبك ولو ما احبك ليش خطبتك؟ وليش فكرت فيك طول ذي السنين؟
رفيف ابتسمت من دلعه ل اسمها : اي نشوف مع الوقت انت تحبني صدق ولا كلام
سعود بينجن منها : اي بتشوفين وانتي بنفسك بتحكمين ، المهم ما ودي اطول عليك انتبهي لنفسك
رفيف : حتى انت عاد انت مطفوق انتبه
سعود ابتسم : استودعتك ربي
وقفل ابتسمت رفيف وسندت راسها على راس السرير بحب
.
مر اليوم طبيعي بدون احداث مهمه ، صار يوم الجمعه
الي كان الكل يحبه لانهم يجتمعون فيه ، ولانه يعتبر عيد للمسلمين
بيت ابو سعود تحديداً غرفة رهف ولينا ( بعد اذان الظهر)
رهف ولينا جالسين فوق السرير يسولفون
لينا:الله اخيرا معك سياره تكفين اليوم طلعينا
رهف : لا يمه خايفه اسوقها
لينا ضحكت: الحين لك كم تبينها والحين ما تبين تسوقين
رهف : اتركيك من السياره
طلعت جوالها وفتحت على اخر محادثه صورتها وعطت جوالها ل لينا : شوفي
كانت محادثه سلطان
لينا: شلون عرفك؟ وانتي مو حاطه اسمك ولا حاجه
رهف علمتها في الي صار قبل لا يجي الرجل الغريب
لينا : شكل فيه طيور حب غير رفيف وسعود
رهف: تخسين
لينا ضحكت: لا انشاءالله انها كل هاذا حكي وتاخذين الي يستاهلك
رهف انسدحت: الله لو اتزوج وافتك منك واصير بغرفه لحالي
لينا ضحكت: غرفه لحالك اجل
رهف لفت عليها: اي غرفه لحالي وش يعني؟
لينا: زوجك معك ياحمار
رهف تأففت : حتى بزواج لاحوول ، شكلي بزرف غرفة سعود لو تزوج
دخلت ام سعود : يبنات قومو تجهزو عمانكم بطريق
رهف: زين يمه بنتجهز
طلعت ام سعود وقامو البنات يتجهزون
.
عدت الساعات الى اذان العصر ، انتهو البنات من تجهيز انفسهم ، رهف لبست فستان اسود وطويل بدون اكتاف كان هادي وكعب احمر ، اما لينا كان جمبسوت بني وكعب اسود ، ونزلو ينتظرون عمانهم وبنفس الوقت يساعدون امهم
رهف: لينو حبيبتي شغلي مبخره كلمتني نوره تقول انها بطريق
لينا اتجهت تشغل الفحم ولا هي ثواني و وصلت عمتهم منيره
طلعت لهم رهف تفتح باب الحريم واستقبلت نوره ، حضنتها ولا كانها قبل يومين شايفتها
نوره: وحشتنيي
رهف ابتسمت: بعد عمرري والله اكثر
ام سلطان ضحكت: ادخلو الله يخلف ما امداكم تشتاقون
رهف ضحكت وسلمت على عمتها ودخلو داخل ، شافت رهف فستان نوره كحلي مع اكمام وكان تقريباً صيفي بس كان بسيط
رهف : الله فستانك خياالي
نوره باست خد رهف : انتي الخياليه
رهف ابتسمت : تعالي ما علمتك
جلسو جنب بعض وقعدت رهف تعلمها في الي صار معها ومع سعود وانهت كلامها : ورضاوه كانت فوق توقعاتي
نوره تحمست وكانت لافه جسمها لرهف: وشي
رهف: شفتي الي في الحوش؟
نوره استغربت: ايه
سكتت شوي وناظرتها بصدمه وببتسامه : احلفيي
رهف ابتسمت : قسم بالله ، اخخ قعدت اصيح ما توقعت اجيبها حطموني
لينا طلعت من المطبخ وراحت تسلم على عمتها وجلست جنب نوره وقرصتها ، لفت على : بسم الله مين ذي
لينا: الجني ؟ شفتي وش صار
رهف ضحكت: درت درت
نوره : معليك وصل الموضوع
ثواني الا انطق الباب يعلن وصول عمتهم بشرى
بعد السلام والاطمئنان على احوال بعض
رفيف جلست جنب رهف بصدمه : اقول الحين صدق الي سوته هناء؟
رهف لفت عليها : للاسف ولو شفتها الحين وفتحت فهمها اني لا افضح فيها
نوره: لا يبنت الحلال موب وقته للهواش
لينا: ليه موب وقته؟
رفيف : لينو ركزي لابسه فستان مو مثل العاده لابسه جينز وبلوزه
لينا ضحكت: معليه انا اطلع حرتكم كلها
ضحكت رهف وانطق الباب واختفت ابتسامتها بتدريج وقامت من مكانها استوقفها صوت عمتها بشرى
آم مشاري : رهف اجلسي يا يمه توها تزين الجلسه معكم
رهف ابتسمت: معليك عمه بجي بس ثواني
رفيف سحبتها : اقول اجلسي بس
جلست غصب وهمست ل رفيف بغضب: تكفين فكيني ولا والله يارفيف اني لا اذبحها
رفيف: اذبحيها يمكن نفتك
دخلت هناء ببتسامه وسلمت عليهم كلهم ولكن لما وصلت لرهف مدت يدها ببتسامه ، اما رهف جالسه تناظر عيون هناء ومبتسمه، نطقت هناء بضحك: ليه ما تسلمين؟
قربت اكثر من رهف وهسمت : ولا خايفه ؟ خايفه تنفضحين؟
ابتعدت وهي تضحك ورهف على وضعها ، بدت ترجف ترجف من غضب ، محد يعرف رهف زين ولا يعرفون شخصيتها الي ما تطلع الا اذا هي احتاجت الشخصيه ، قامت لينا تسلم بس سحبت هناء عليها لا هناء ولا اختها جميله تعدوها ولفت على رهف شافتها ترجف ، مشت تسحب رهف من مكانها سحبتها
ل احد الممرات : شفيك؟ ليش ترجفين
رهف تكتفت: ابد
ولفت تناظر باب الصاله : بس فيه احد يبي له تربيه من جديد
ورجعت لصاله وابتسمت من شافت غزيل الي ما شافتها من بعد خطوبة سعود : اهليين بلي ما تنشاف
ضحكت غزيل : اخوك والله مالي دخل انا
وجلست قدام هناء واختها وتنتظر حرف من هناء ، رجعت لينا معها واخذت دله القهوه من شافت الوضع متكهرب وقامت تصب الى ما وصلت ل ام سلطان
ام سلطان : شفيكم؟ الوضع متكهرب بينكم؟
رهف سمعتها: لا تخافين عميمه مافينا شي بس تصفيه حسابات
ام سعود بحده : رهف!
رهف ناظرت امها : عيوني؟
ام سعود اشرت لها تركد غمزت لها رهف ، كان الوضع صمت من بعد موضوع رهف إلي انتشر مثل البرق جلست لينا ونوره و رفيف و غزيل مستغربين من رهف الي عمرهم ما شافوها كذا ، انتهى الصمت من نطقت جميله: مشاءالله رهف السياره الي برا لمين؟ لك؟
رهف حطت رجل على رجل وتشرب قهوتها برواقان : ايه لي
هناء ناظرتها من فوق لتحت: ما تليق لك ، حدك سيارات اخوانك
رهف ابتسمت: اها ، لا يكون من حلالك شي؟
جميله: واختي ما غلطت حدك سيارات اخوانك!
ام سعود نزلت فنجالها ونطقت بحده : سكرو الموضوع
كملو سمرتهم والبنات يسولفون ويضحكون الا رهف تناظر فنجالها تفكر الف فكره
.
.
اما في قسم الرجال
ما كان فيه حسد او غيره ونفوسهم كانت ضحك و وناسه
سلطان لف على سعود وهمس : ولد وش صار على موضوعك مع اختك؟
سعود ضحك: قفل على الموضوع عشان ما يصير مجالد
ولحسن حظهم ان ناصر مو موجود ولا حضر عزيمتهم حتى
سلطان : لا صدق صدق سعود وش صار
سعود: انحلت بنص مليون
سلطان لف عليه : اوف ليه!
سعود : ما رضت اختي الا على السياره الي جبتها لها
سلطان ضحك: احمد ربك يابن الحلال انها رضت ولا كان راحت نص مليون
عبدالله: ولد انت وياها قومو تربيعة بلوت
قامو سلطان وسعود وجلسو قدام بعض
مشاري: غريبه وين زيد؟
سلطان: الكلب نومه مختلف وسحب علينا وابتلشت
ضحكو العيال وكملو يوزعون ويلعبون ولا بد من الغش
.
مرت الساعات الى ما وصلت الساعه 8 في اليل
.
قسم الحريم
لينا جلست جنب رهف: فيك شي
رهف ابتسمت : لا حبيبتي مافيني شي بس مابي اجلس زود
لينا: عاد تعرفين امي وش بتسوي لو قمتي وتركتيهم كانك القائده لو قمتي
ضحكت رهف: بقعد عشان خاطرها والله مو عشان احد
قامت لينا ونطقت قبل لا تقوم : رهوفه اتركي هناء وتعالي سولفي معنا
رهف: لا خليني كذا مرتاحه
قامت وجلست بين البنات
هناء يوم شافت البنات مو منتبهين ورهف لحالها جالسه على جوالها : لهدرجه !
رهف ناظرتها بستغراب : ايش ؟
هناء ابتسمت بخبث : لهدرجه محد جالس معك من رخصك؟
رهف ضحكت ضحكه خفيفه بصدمه:نعم ؟؟ عيدي الي قلتيه
لفو البنات من الصدمه وحتى عماتهم لفو علهم بصدمه من الكلمه الي طلعت
هناء : اعيدها ليه ما اعيدها ، محد جالس معك من رخصك!
رهف ابتسمت وجا الوقت الي هي كانت تنتظره ونزلت جوالها وفنجالها : الكلام الي ينطبق عليك لا ترمينه على غيرك عشان لا يصير لك شي ما تبينه
جميله: حلوه ذي ! وحده رخيصه مثلك الي تخلي العيال يجونها لين بيت اهلها ، و تهددين!
لينا : امسكي لسانك احسن لك
رهف ابعدت شعرها عن وجهها : ورسالتك يا هناء يا حبيبه عيال عمي؟ وكلامك يا جميله عن سعود؟ هاذا وين وراح!
هناء وقفت قدامها ومسكت فك رهف: لو كنتي كفو والي صار لك كذب ليش كنتي انتي واخووك سعود متهاوشين؟
رهف ابعدت يد هناء عند فكها: اخوان وتهاوشو فيها شي؟
هناء لفت على عمتها ام سعود : شفتي ياعمه؟ هاذي الي واقفه معها شوفي الي تسويه
وسحبت جوالها توريها محادثه وهميه : شوفي شوفي بنتك بنتك مثال للرخص
رهف انصدمت وقامت وهي تسحب يد هناء للمر : وش تبين توصلينه؟؟؟
هناء : بتشوفين وابعدي يدك يا مريضه
دخلو نوره ولينا ونطقت نوره : رهفف !
رهف ضحكت وهي ترجف رفعت يدها تبي تضرب هناء بس استوقفها يد هناء: تخسين تمدين يدك علي
ابتسمت بهدوء ونطقت هناء: صدق انك مجنونه
تقدمت تمشي قدام رهف ، ابتسمت رهف بخبث ، سحبت شعرها بيدها اليمنى وسحبتها لـ ناحيتها همست بخفه : موب انتي الي تدخلين بشرفي وتقولين لي تخسين ، ساكته لي سنين عشان عمي بس طلع شكلك تبيني اتعامل معك بطريقتي
لفت على البنات : اطلعو
نوره : رهف ارحملي امك استهدي بالله
صرخت بحدة : اططلععو !
طلعو ولكن وقفو بجانب الباب يتسمعون
هناء ؛ فكي شعري يا متخللفه
دفتها على الارض و وقفت فوقها ومسكت فكها : محد راح يفكك مني دامك طحتي بيدي
صرخت هناء بحيث ان امها او عمتها يسمعونها ، الجمتها رهف بكف : انطمي و وجع
مسكت فكها من جديد وضربتها بكف قبل لا تنطق
هناء بألم : ابعدي عني تبيين تذبحيينيي!
ضربت راسها في الارض وصرخت : اي بذبحك اذببحك واررتتاااح
كانت ضربه رهف شبة قويه ، داخت هناء كانت تفقد وعيها وترجع تستعيده ، وقفت رهف ببتسامه رفستها برجلها ، صرخت بألم ورجت ترفسها بضربه اقوى صرخت رهف بغضب : برتااح ولو على حساب حياتي ، بس تدخليين بشرفففيي اذذبححك واررتتاااح
رفعت ضهرها ورفستها مره ومرتين ، دخلت نوره تصرخ : ررررهففف !!
مسكتها تبعدها عنها : خلاص رهف خلااص!
دخلت ام سعود و وراها ام سلطان ، صرخت ام سعود: رهفف! نوره امسكييها لا تذببحها
ابعدت رهف عن نوره ورجعت تضرب بهناء بغضب وقهر
ام سلطان لفت على رفيف وغزيل : وحده منكم تكلم احد من اخوانها البنت انجنت !!
رفيف بخوف : خلاص خلاص بكلمم سعود
محد قدر يمسك رهف ، كانت ترجف وهي تضربها
. قسم الرجال ، عند العيال تحديداً
يضحكون ويصارخون على البلوت
وقف عبدالله وهو مقهور ويضحك : يعيال مانب قايل والله فيها غش
سلطان ضحك: اقوول اهجد مافيها غش بس انت غشيم
مشاري : وهو صادق فيها غش
دق جوال سعود ، رقم مو مسجل بس كان حافظه رد سعود : هلا
رفيف طلعت من عند الهواش والصراخ : سعود الحق رهف مدري شفيهاا ماسكه هناء ضررب
سعود انصدم : ايش !
لفو عليه العيال
سلطان : وشبك؟
سعود قام وقفل من رفيف : قبت بين البنات
لحقه عبدالله: سعود اصبر لا تدخل عليهم !
سعود بخوف وطلع من قسم الرجال : طيب طيب
دخل على قسم الحريم صرخ حتى ينتبهون : الطرييق
ام سعود طلعت له : ادخل ادخل بسررعه لا تموت البنت
دخل سعود وشاف رهف بحاله جنون ، تضرب من قلب وبغضب مكبوت ، صرخ وهو متجهه لها : رهفف ابعدددي لا تذبحيينها!!
رهف صرخت بغضب : خللني اذبببحههاا ارتتتااااح!
صد من انه يشوف هناء ، سحب رهف باقوى ماعنده طلعها من الممر ، سحبها الى الحوش الخلفي ومسك وجهها يهديها : رهف
رهف تناظر سعود مسكت يده تبعدها: كان خلتني اخذ حقيي ياسعودد ابعد
سعود تنهد: هدي رهف البنت طايحه بدمها خلاص
كانت ترتجف بغضب ارتفع ضغطها من الصراخ : سعود
سعود ناظرها بخوف: رهف شفيك؟
طاحت بين يدين سعود صرخ سعود بخوف: رهففف
.
قسم الحريم ، الممر
دخلت ام هناء وجميله شالو هناء ، حالو يقومنها دخلت ام سعود ونطقت بهدوء : تبون اكلم عبدالرحمن يوديها المستشفى
ام هناء وقفت قدام ام سعود: شوفي سوات بنتتك ! وتبيني اخليها تروح مع رجلك للمستشفى!!
ام سعود ناظرتها: اجل خليها بدمها
وطلعت للصاله ام سلطان وام رفيف ماسكين روسهم
البنات مصدومين ومو مستوعبين الي سوته رهف
رفيف بخوف : انا بقوم بشوف رهف
لينا: اصبري بجي معك
لبسو عباياتهم احتياطاً ، طلعو للحوش الخلفي انصدمت لينا من شافت رهف متسنده على الجدار وسعود يحاول يصحيها ، ركضت لناحية رهف و و رفيف وراها
لينا بخوف : سعود شفيها رهف؟
سعود توتر ولا هو عارف يتصرف: ما ادري طاحت بين يديني
قربت رفيف وبما انها دكتوره : الافضل انكم شوي تبعدون عنها عشان لا تنكتم لا قدر الله
ابعدو عنها وقربت رفيف تحس في انفاس رهف ، التفت لهم بعد ما شافت ان انفاسها منتظمه : في احد معه عطر او اي شي ريحته قويه
سعود تحسس جيبه وطلع العود : معي عود ينفع؟
رفيف : ينفع
احذت العود وحاولت تقربه لـ انف رهف ، عقدت حواجبها من الريحه القويه ورفعت يدها تبعد يد رفيف منها ، فتحت عيونها : شفيكم؟
تنهد سعود براحه: خبصتي قلبي وتقولين شفيكم؟
رهف عدلت جلستها تستعيد انفاسها وصوتها الي راح ، لف
سعود على لينا : لو صار شي كلمني على طول
طلع سعود من قسمهم ، مشت لينا لرهف : رهوفه وش وصلك لكذا! ماكنتي كذا ابد ، هاذا كله عشان كلام فاضي من بنت الكلب ؟
تضايقت رهف من عتاب اختها كانت تحاول تتكلم بس ألم حلقها كان قوي : اسفه ، بس لعلي انفجرت
حضنتها رفيف: بسم الله عليك هدي وقومي معي ، ليونه تعالي ساعديني
قامت رهف : ما يحتاج
مشت قدامهم ومقدرت لينا تخليها: رهف اصبري بجي معك اخاف يصير لك شي
ابتسمت بهدوء ودخلو لصاله ، ما كانت قادره ترفع راسها تناظر امها عارفه انها مراح تخيلها، طلعت باسرع ما عندها ودخلت الغرفه ، تقدمت تجلس فوق السرير مسكت راسها بألم ، قامت تبدل لبسها وترجع تنسدح على السرير ، رفيف ولينا جلسو في الصاله
ام سعود: شفيها رهف؟
رفيف: مافيها شي بس داخت من العصبيه
ام سعود مسكت راسها : لاحول ولا قوة الا بالله
طلعت ام هناء هي وجميله مساندين هناء الي كانت غرقانه بدمها : تذكري اني مراح ادخل هالبيت من جديد يا ام سعود وبيني وبينك المحاكم على فعلة بنتك
ام سعود ناظرتها: اية خليتي لنا مكان ، نلتقي في المحاكم
طلعت ام هناء تكلم ابو هناء
نوره صرخت قبل تقفل الباب: روحه بلا رده
قفلت الباب : عميمه بتسكتين لها!!
ام مشاري : خلاص استهدو بالله ، احد منكم يقوم لرهف لا تسوي بنفسها شي
نوره: بروح لها
طلعت نوره تتجه لغرفة رهف
قسم الرجال
دخل سعود وركضو له العيال
عبدالله: شساللفه؟
سلطان: تكفى قل لا يكون عشان قهوه
مشاري: انططق وراك سااكت!
سعود ضحك: هدو يعيال ، لعل وحده من اخواتي انهبلت على هناء وطاحت فيها رفس وكفوف
سلطان ضحك : اوف اوف وشلون!!
عبدالله ضحك: خلاص عرفتها ما يحتااج
سلطان ومشاري نطقو مع بعض : منهيي!
عبدالله رفع حاجبه : حلوه ذي منهي دز بس
مشاري: اخ بس لو فيه فيصل كان علمني
سعود: عاد ذا فضيحه، المهم ترا الموضوع يمكن يدخل فيه شرطه
سلطان: شكل الموضوع كبير ولا؟
سعود: ياولد اقولك البنت انهبلت وهناء طايحه في الارض بدمها
عبدالله: عاد والله انها تستاهل طلع ابو هناء وناظر اخوان رهف: الله لا يردني لكم واعتبرو ذي العزيمه اخر عزيمه احضرها لكم وبذات انتم يا اخوان رهف!
سعود يلعب بسبحته ؛ اطلع واسال بنتك وش مسويه عشان رهف تطلعها بدمانها!
عبدالله : رح اسال رهف وشف وشهي مسويه قبل يومين
طلع ابو هناء من عندهم بدون رد
سلطان سرح شوي بعد ما عرف منهي : طلع كل ذا منها؟ اعوذ بالله
ضربه عبدالله: ولدد وين رحت
سلطان : لا ابد ما رحت مكان
.
.
انتهت اليله بدون عشاء او شي بعد سالفه رهف وهناء
.
غرفه رهف ولينا
دخلت لينا على رهف : رهوفه؟
رهف قامت : عيوني
جلست لينا جنب رهف وسحبتها بحضنها: زين ما سويتي ياشييخه بردتي خااطري
ابتسمت رهف: تتوقعين ابوي يزعل مني؟
دخل ابو سعود وتنهد: لا يعيون ابوك مازعلت دامها قايله عنك كلام ما يلق لك
رفعت راسها على صوت ابوها: جعلني ما انحرم منك
دخلو اخوان رهف وهم منصدمين
ابتسمت رهف: تتوقعين ابوي يزعل مني؟
دخل ابو سعود وتنهد: لا يعيون ابوك مازعلت دامها قايله عنك كلام ما يلق لك
رفعت راسها على صوت ابوها: جعلني ما انحرم منك
دخلو اخوان رهف وهم منصدمين
عبدالله: يلعن بليسك يارهوف وش سويتي فيها
سعود جلست قدامها : اي ذي تربيتي
ضربه ابو سعود: حلوه ذي تربيتي انا الي ريبتها ياكلب
ضحكو كل الي موجودين على كلام ابوهم ، دخلت ام سعود ومعها شاهي نعناع دافي يخفف على حلق رهف بعد ما درت انه يوجعها : سويت لك احلى شاهي عشان حلقك
تعدلت واخذت الكوب ورشفت منه: الله لذيذ يلسم يدك
سعود: بالله لو شفيتها من جديد كملي عليها وانا بلتفت ل اخوها
ام سعود: سعود والله يا ويلك مني! مو ناقصين مشاكل
عبدالله: تبي معاون ولا؟
ابو سعود ضرب عبدالله على كتفه: وانا اقول اكبرهم اعقلهم طلعت اهبلهم!
ضحكو وكانت رهف تضحك من قلبيهاا ، مرت الدقايق وهم يسولفون
عبدالله : انا ماشي تبون شي
ردو كلهم بصوت واحد: سلامتك
طلع عبدالله وبدت الغرفه تفضى الي مابقى غير رهف ولينا
رهف لفت عليها: تنامين عندي؟
لينا: ما اقول لا
حطت كوبها ولفت تنسدح جنب اختها وتحضنها وينامون وهم حاضنين بعض
.
.
(انــتـــهى الــبــارت)
(اعتذر عن اي اخطأ املائيه )
ولو كنت مطوله عليكم ولكن العوض قريب وعوضتكم ببارتات تبرد الخاطر ❤️
حسابي انسـ.تا : maha0_1010. حسابي تيك :maha10_19
اعتذر منكم جددا ولو بيدي اعطيتكم عيوني بعد ولكن ماكان بيدي شي 🥹