لعبة القدر

『 𝐏𝐀𝐑𝐓 8

    الفصل الأول | ظل من الأمس 🍁

    🎭 الجزء الثامن| لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️

     ⭐️ ما تنسايش معاك واحد النجيمة⭐️

كان كالس في البيرو كيسني في شي وراق بواحد السرعة و بطريقة احترافية بعد ما سينا اخر ورقة سمع الدقان
ناصر : دخل
.......(بعد ما عطاه التحية ) : سي الخبير جاونا معلومات كاينا الصفقة الأسبوع الجاي
ناصر ( بكل صرامة ): هد المعلومات على العلم بيها الرئيس
..... : اه المعلومات كانو من عندو
ناصر ( وقف كيلبس جاكيط ديالو ) : اكي مزيان أنا غادي نخرج الا كانت شي حاجة ( غمز ليه ) راك عارف
...... (عطاه التحية ) : وي مون شاف
ناصر ( و هو كيفتح في الباب ) : صافي باركة من الرسمية دابا أنا خارج نطاق العمل
بعد ما خرج ركب في اللوطو ديالو من بعد مسافة ديال الطريق دخل الباركينغ يالله باركا و تحدر كيهز الهاتف ديالو كان طاح ليه بين المقاعد مع كيهز راسو كيسمع الدقان في النافذة مع هز عينه كيتدهش بالمنظر ديال هاديك لي واقفة قدام شرجم وكدير حركات بهلوانية بحال شي ولد صغير بتاسم بلا ما يشعر نزل النافذة بي بطئ بانت ليه علامات الصدمة علي وجهها حاول ما أمكن من أنه يكتم الضحكة لي كتجيه من منظرها نزل من اللوطو خدا من الجيب ديالو جوج وراق من فئة 200 درهم ومدها ليها هي هنا صافي زدتها صدمة على صدمة خنزرت فيه و نطقت بعد ما ضربت ليه يديه
جوري : أ أ أنا ما جاياش كنسعاك واش نت حمق
ناصر ( بعد ما جمع التخنزيرة ديالو ) : هذا هو معنى ديال وحدة واقفة قدام شرجم ديال اللوطو أش غادي تكوني كديري يا كتسعاي يا شي حاجة أخر لي بلاما نقولها غادي تكوني كتفهمها في سما
جوري ( هنا صافي جاتها الصدمة ثلاثة ولاو لقرودة كيغوتو فوق راسها وا عداو تكلمت وهي كتحرك يديها بعصبية مكرهتش طير عليه تقجو): لا لا نت مفيهاش غادي تكون حمق واقيلا معرفتيش راسك معامن منسمحش لك تطعن فيا بهد الطريقة راه هادي لالك جوري الع ( باقي مكملتهاش كتحس بيدين فوق كتفها )
هند : جوري مالك أش واقع لك اصحبتي
نرمين ( وقفت وهي عينيها غادي يخرجو علي ناصر لي كان كيشوف غير في جوري ) : جوري يكما اصحبتي عوتاني باقا مبغيتيش تحيدي منك هد الطبيعية
في هد الوقية هو كان سد اللوطو ديالو اوتوماتيكيا دار فيها نظرة احتقار ومشا
هند : نرمين دخلي سوق راسك واش هادي هضرة كتقال
نرمين : لا راك غير فهمتوني غلاط أنا كنت باغا غير نقول ليها تحيد منها الطبيعية ديال أنها كتجي بكري
جوري : (خنزرت فيها وتكلمت ) : واش نتي من نيتك
نرمين (قربت ليها كتبحلس ) : ولا أصحبتي مديريش فيا هد نظرة واش أنا غادي نبغي ندير لك شي حاجة خايبة راك نتي صحبتي يالله ضحكي
جوري ( اصلا هي خاصك غير تهدر معاها بالخاطر كيف كيقولو تاكلها بحوايجها نطقت وهي زعما دايرة فيها منفخة ): إوا معرت ( وهزت كتافها )
هند : يالله ندخلو راه ما بقا والو علي صيونص
جوري : غير سيرو سبقوا انا غادي نلحق عليكم
هند : أوكي
جوري ( تسناتهم حتى بانو ليها مشاو و هزت حجرة وقفت جنب اللوطو ديالو وبدات كتشرط فيها ) : يالله باش تعلم مرة جايا تهين بنت العمراني في شرفها و كرمتها ( رمات حجرة في الأرض )