وصفة الحب

XXXVII

                 -صبح صباح جديد وعند سلمى اللي كانت نااعسة حتى سمعات تيليفونها كيصوني...استغربات مني شافت نمرة ماماها وجاوباتها دغيا

سميرة(بصوت منخفض):ألووو....سلمى لباس عليك أبنتي؟؟؟

سلمى(ناضت مفزوعة):لبااس أماما ونتي وبابا؟؟؟ياك لباس؟؟

سميرة:عرفتي أنا فين دابا؟؟

سلمى(قاطبة حجبانها):فيينك أماما خلعتيني؟؟

سميرة:غير تكالماي أنا هنا عند عمك

سلمى(تزيرات فحالا واقف قدامها):هممم ولاش مشيتو؟؟

سميرة:على ماشي لقاوه مليوح فواحد الغابة هنا...سيمانة وهو ناعس فالصبيطار ياله خرج اليوما وجينا شفناه

سلمى:مزيااان الله يزيدو ياربي

سميرة:اويليي على مفراسكش راجلك هو مولاها ؟؟

سلمى(بصدمة):كيفاش شكتگولي ا ماما شدخل راجلي فهادشي

سميرة(بشويا):وا راجلك هو اللي ضربو

سلمى(مخلوعة):اويلي امتا هادشي ؟و كيفاش ؟ و علاش؟

سميرة: ايوا ابنتي هاد الأسئلة غيجاوبك عليهم راجلك اما انا غا ديك العقروشة ديال مرت عمك اللي گالت ليا

سلمى:اويلي يعني كلشي عرف

سميرة:لاااا أوس فاش ضربو راه تحلف عليه ايلا مشا عاود هادشي اللي طرا لشي حد غادي يقرقب عليه راه غير مرتو اللي بقات لاسقاه تا گال ليها شكون و وصاها متگولها لحتى شي واحد حيت عارف راسو شداير

سلمى(مبتاسمة):هاكاااك گول داكشي علاش غاب عليا يوماين

سميرة (مستغربة): كيفاااش؟

سلمى:لا لا والو ا ماما گولي ليا فين ضربو

سميرة:اويلي ابنيتي راه مخلا ليه لا وجه لا يد لا رجل فلعصو الله يعطيه الصحة

سلمى(حاطة يدها على قلبها):اللله بقا تا خدا ليا حقي الله يخلي ليا راجلي بات ولادي

سميرة(بتساؤل): هي كاينة شي حاجة

سلمى(ضااحكة):كاينين جوج حوايج عندي اماما توام واقيلا

سميرة:حلفي !!!!

سلمى:اه والله اماما

سميرة:الله يا بنيتي و فرحتينيي الله يسهل عليك

سلمى:آمين اماما آمين واعنداك تمشي تگوليها لشي حد تما

سميرة:الا ابنتي متخافيش تانتي ردي لبال لراسك ، حتا نمشي لدار و ندوي معاك على راحتي

سلمى:يلاه تهلاي ليا فراسك اماما

-قطعات لابيل مع مها و ناضت و هي فرحانة و ضربات ليها دوش و دخلات للكوزينة و هي كتغني