وصفة الحب

XXXVI

                    -صبح صباح جديد وهاد النهار كان كلشي غادي يتفرق...كلشي مجموع إلا سلمى ومريم اللي غابرين مني فاقوا مالقاوهمش وحتى تيليفوناتهم مكيجاوبوش فيهم... كانوا گالسين فالصالة حتى دخلات سلمى مصعورة وتابعاها مريم باش تشدها...هزات كرسي وخبطاتو نيشان على أوس اللي كان عاطيها بالضهر....قفز من بلاصتو ناض وحتى كان غيمد يدو وهو يشوفها...كلشي ناض من بلاصتو حاطين يدهم على فمهم....ومريم كتدير بيديها {ويلي ويلي قفرها}

أوس(شاد راسو من اللور):واش جهلتي ولا مالك؟؟؟؟؟

راضية(كتندب حنكها):سلمى أويلي اش درتي؟؟

سلمى(مشات حتى تقابلات معاه):بدلتي ليا الدوا ياالحمار باش حسيتي؟؟؟

ليلى:على اشمن دوا كتدوي؟؟

سلمى(بالغوات):أنا كيسحاب ليا كنشرب الدوا الساعة صدقت حاملة

راضية(ضحكات بلا هواها):حاملة الله على فرحة مالكي على هاد الحالة أبنيتي؟؟

سلمى(خنزرات فيه):هو اللي عارف علاش

أوس:غادي نمشي نبدل ساعة بخرا هادي غادي غير تجعرني وصافي

علد الرحمان:ياله ياله الدراري حتى نتوما

-خرجوا وفاروق قبل مايخرج جر معاه مريم داها للجردة....

فاروق(قابلها معاه):فين كنتي أمادام؟؟؟

مريم:كنت مع سلمى جات فيقاتني ومشيت معاها

فاروق(قاس ليها راسها بصباعو):وهاد الراس مگالش ليك راه كاين واحد الراجل خاصك تعلميه؟؟

مريم(بصدمة):شنو ندخل عندك للبيت ونفيقك باش نگولها ليك؟؟

فاروق:ومالها اش فيها؟؟

مريم:راه حنا غير مخطوبين مااشي مزوجين

فاروق(تعصب):غادي تبقاي تقلبي عليها حتى نديرها دبصح مكاين لاربيع لاخريف الليلة نعقد عليك ومريضنا ماعندو باس

مريم(كتضحك):لا أويلي راه غير كنبسط معاك تامالك مامعاكش الضحك مالك؟؟

فاروق:أنا دابا غير كنگول ليك...ودابا دخلي حيدي من هنا ماتبقايش تباني برا بزااف

مريم(خنزرات فيه):زدتي فيه شويا لا؟؟خنقني حسن

فاروق:مزال ماشفتي والو باقي عاطيك الخاطر

مريم:داوي منيتك؟؟؟؟

فاروق:سيري دخلي أمريم الله يرضي عليك

-عند البنات وراضية الداخل....سلمى باقة كتمشي وتجي فداك الصالون....كلشي كيشوف فيها....غير بانت ليهم مريم جاية وهوما يلبقوها بالأسئلة

راضية:أجي أمريم أجي عاودي شنو كاين

مريم(گلسات):اش غنعاود ليكم مشينا عند الطبيبة حيت كانت كتحس بوجع خايب...فاش قلباتها قالت ليها راكي حاملة قالت ليها مايمكنش كنشرب الدوا...إييوا فاش وراتو ليها لقاتو مكملات ماشي دوا ديال منع الحمل...وزادت كملات ليها ببانوا ليها جوج يعني يقدروا يكونوا عندها التوام...هادشي اللي وقع