وصفة الحب

XXXIII

-نهار جدييد اللي فاقت فيه سلمى لقات البلاصة حداها خاوية...ماحساتش بيه إيمتا ناض من حداها واالو...صابحة تحت كرشها كيضرها حتى صاطت بديق وقالت مع راسها:{تفو غاتجيني وماعندي حتى دواا خزيت}هزات تيليفونها وعيطات للبنات أپيل ڤيديو مجموعين

مريم(عينيها باقين منفوخين وحداها ياسمين كانوا كيفطروا): الله ياختي ومالك مصبحة علينا ياك غير البارح كنا عندك

ليلى(كتضحك وكتخشي فوجهها):غير شبعات كوا وناضت تعيط ههههه

راضية(كتطل من تيليفون ليلى):بصحتها وراحتها نتي نيت كون ماحبسك الطبيب كون ماتخليني ننعس هههه

سلمى(كتضحك):الله يعطيك الصحة أراضية عجبتيني فيها

ياسمين(كتجغم فأتاي):شنو بغيتي؟؟؟

سلمى:فيا الوجع ومشهية لكريپ تصايبيه ليا أمريم؟؟؟

ليلى(كتتبسم):هاد الحالة مادرتها حتى أنا اللي كنتوحم

راضية:وماتعرفي حتى هي تفرحناا مالك

سلمى:بسم الله عليك أراضية منين بغيتيه يجي هههه

مريم:هاوييييلي على منين بغيتيه يجي على كتخدموا بالتباعد هههههههه

ياسمين:لا لا بالبلوتوت هههههه

سلمى:واش دابا غادي تطنزوا عليا...راني كنشرب الدوا داكشي علاش هضرت...وعرفتو شنو صافي مابقيت باغا والو

مريم(بالزربة):لا لا راه غادي نصايبو ليك

سلمى(باستها من الكاميرا):كنبغييك..صافي أنا غادي ندوز لمرجان ناخد عواصر وشي تخربيقات ونجي أه راضية صاوبي ليا ديك البيتزا ديالك عفاك

راضية:هههه وااخا ألالة بقاي غير على خاطرك

سلمى:ياله ماتعطلوش

-ناضوا كل وحدة شنو دارت...مريم بدات كتصايب ليكريپ وياسمين كتجمع الدار...راضية كتعجن لاپاط دالبيتزا وليلى كتصايب العمارة...أما زينة البنات دخلات دوشات وخرجات دوزات نمرة أوس وهي ضاحكة

أوس(بطنز):أبنتي؟!!مالقيتينيش حداك؟؟

سلمى(بكل رقة):آه نضت مالقيتكش حدايا علاش مافيقتينيش نوجد ليك الفطور؟؟

أوس:راني مزوج مرا ماشي خدامة...مني مانضتيش عرفتك عيانة وبغيتك أنا غير ترتاحي....والفطور راني وجدتو خليتو ليك فوق الطبلة

سلمى:الله يخليك ليا ياعمارة داري...غير صبحت مريضة شويا داكشي علاش ماقدرتش نفيق

أوس(بخوف):شنو عندك ياكما نرجع للدار؟؟

سلمى:لا لا غير ليغيگل

أوس:الله يابنتي الله هي سيمانة ديال الصيام