للزمن رأي آخر

بارت2

صار يوم العرس وصبح الكل بدأ يتجهز
لولو: زينة يلا قومي صارت ساعة12 ظهر متى بتقومين يعني
زينة:لولو بس خمس دقايق بليز امس قعدت فير وتوني ارد انام بليز خمس دقايق
لولو: عرس أختج ماتبين تباركين لها وتكشخين حقها يلا قومي
زينة: اي عرس حبيبتي بعد يومين شفيج مضيعة
لولو:امبية يامفهيه اليوم شوفي تاريخ
زينة بطلت تلفونها وشافت تاريخ: اوخ شلون جذي قامت بسرعة تروح تتجهز عشان بتروح الفندق
لولو قامت تتجهز بعد والكل
—————————————
ليان: امشي روان يلا بنروح صالون لا نتاخر على عرس
روان : اي صح كلمتي صاحبه الصالون ؟
ليان :اي وحجزت حتى امشي يلا نادي أمي عشان بحرر السياره
روان :تمام يلا الحين اناديها
————————————
تسريع شوية أحداث صارت ساعه 6 مغرب والكل خلص ومتجهين الي قاعه العرس الي بفندق المعروف بسيارة الخالة منيرة أم روان وليان
منيرة: يلا بسرعه وين أبوكم لا نتاخر
ليان:دقيت علية مارد أنزل أطق الجرس؟
روان:اي نزلي سريع
ليان راحت تطق الجرس وخدامتهم فتحت الباب
ليان:ميري وين بابا عبدالله
ميري :داخل صاله مدام
ليان :روحي ناديه يلا بسرعه قولي له أحنا بسيارة
ميري أوكيه مدام
بعد ثواني يه عبدالله و أول ماشاف بناته وزوجته الي كانوا متكشخين حيل وليان كانت مسوية شعرها ريترو ولابسة نفنوف أزرق فاتح وروان لابسة مثل ليان لاكن نفنوف بلون بنفسجي وأمهم منيرة لابسة نفنوف بلون بيج قال عبدالله: ماشاءالله تحصنوا فديت جميلاتي وحركوا متجهين الي فندق
——————————-
بسيارة الخالة منال الي فيها بس بنتها حوراء وكانت لابسة منال نفنوف بنفسجي و حوراء لابسة نفنوف لونه وردي متجهين الي فندق
——————————
بسيارة الخاله قماشة أم لولو الي فيها قماشة ولابسة نفنوف لونه أحمر ولولو لابسة نفنوف كحلي وأخو لولو حمد لابس دشداشة والأبو عبدالوهاب لابس دشداشة همن
——————————
بسيارة الخال حسين الي كان لابس دشداشة وزوجته حصة لابسة نفنوف أصفر عيالهم أحمد وفهد لابسين دشداشة
—————————-
بسيارة الخال عباس وزوجته سارة لابسة نفنوف لونة أحمر مطقمة مع بنتها زهراء وعيالها الثلاث لابسين دشداشة
—————————
بالفندق الي حاجزين غرف هم الخاله دانة وخالة شيخه و عرسان
بغرفة خالة شيخة الي لابسة نفنوف لونة رمادي وبنتها ليلى لابسة نفنوف لونة وردي فاقع وزوجها نواف مع ولده علي لابسين دشاديش
————————
بغرفة خالة دانة الي لابسة نفنوف لونة عنابي و زينة لابسة نفنوف لونة زيتي فاتح وزوجها سالم لابس دشداشة و بنتها العروسة لابسة نفنوفها الأبيض
————————
بدأ العرس بدأوا المعازيم ايون (يجون) لين ما أمتلاء مكان بمعازيم و ما هي إلا دقايق و بدأت أغنية دخول العروسة و انفتح الباب وبدأوا يهلهلون المعازيم والكل كان مستانس والي يبجي مثل أمها وزينة ودخلت فاطمة و المسكة ب أيدها وتمشي شوي شوي ومصوره تصورها وقعدت بكوشية وبدأت أغاني العرس والكل يرقص وزينة طايرة بالرقص ومرت ساعة ونص تقريبًا و صار وقت الحريم يتقطون عشان المعرس بيي روان وليان ولولو وحوراء لبسوا حجابتهم مع الخالات بس زينة مو متحجبة فا بس حطت شال على جتفها ودقايق وية المعروس و أسمة محمد و أمه أسمها زهرة و ينادونها أم بدر لانة ولدها الأول أسمه بدر وثاني محمد المهم وصل محمد حق فاطمة وهو مبتسم وبهمس يقول ماشاءالله ويذكر ربة ويحمده لأنه صارت حقة بروحه (الي مايعرفونه الأهل أنه فاطمة ومحمد يحبون بعض بس كان من بعيد يعني بس نظرات ) وبدأو الرياييل يرقصون وبنات متين ضحك على رقصهم وخلصوا وحطوا العشا والي راح يحط له عشا والي يسولف ويتعرف على عايله الا علي لمن شاف زينة شلون كاشخه ونفنوفها الزيتي الي ماسك من صوب الخصر ومن على جنب مفتوح ورقبة مفتوحة لين الأكتاف ولابسة بغمة فضية و سوارة فضية وكعب فضي فية اكسسوارات وهو متنح يتأمل جمالها رغم أنها حاطه شال بس حده متنح بويها واهي مندمجه مع البنات أستوعب شوي وصد صوب ثاني الي فية صبيان و شافتة وأبتسمت أبتسامة خفيفة ولمن شافها راح لها واهي اتجهت له علي: مبروك يا أخت المعرس الفال لج
زينة: الله يبارك فيك لا شكرًا ما أبي أتزوج أبي أكمل دراستي و أحقق حلمي
علي: خو عادي مافيها شي اذا تزوجتي وكملتي دراستج
زينة: لا ماأبي فال لك انته متى تتزوج
علي: بهمس ان شاءالله قريب
زينة: شنو قلت ماسمعت صوت الأغاني وايد عالي
علي: قلت ما أدري الله وأعلم
زينه أبتسمت وراحت
مسك أيدها علي وقال: نسيت أقولج
زينة: شنو قول
علي: في أحد قالج من قبل أنه انتي طالعه حلوه
زينة بضحكة:أي ليش
علي: اها عيل سمعيها مني طالعة حلوه أدرك علي انه قام ايب العيد جان يقول شنو حاطة مكياج كل يوم حطيه صايره حلوه لانج بدون مكياج مو حلوه
زينة: محد طلب رأيك وخر عني وعصبت وراحت
علي أبتسم وراح يأكل
وبجذي انتهى العرس على خير وكل شي كان حلو والعرسان راحوا فوق غرفهم وهمن خالة دانة وشيخه وعيالهم ينامون من تعب (بانستا نزلت النفانيف اذا حابين تشوفون).
————————————
شوي نرجع بزمن (فلاش باك) تحديدًا 2021
بيت الجد والجدة الكل متيمع و كان باقي شوي ويصير حظر ومحد يقدر يطلع الا بإذن من موقع
الجد عبدالعزيز:شوفوا ياعيالي وأحفادي أنا خايف عليكم من همرض فايروس حيل خطير وأنا كلمت أمكم نور وقررنا أنه تعيشون عندنا مستقبل مجهول وماندري إذا بنعيش ولا لا
العيال وأحفاد وحريم بصوت واحد: بعيد شر علينا
عبدالعزيز: أدري أنه عندكم التزامات ودوام بس أنا أبيكم يمي بهظروف الصعبة
الخال عباس: تم يايبة والحين أحنا بنروح بيتونا و نجهز الاغراض ضرورية وباجر ننقل اغراض ثانية لأنه مايمدي باقي ساعتين ويصير حظر
الجد عبدالعزيز: تمام خلوا الاحفاد هني مانبي انا نور نكون وحيدين ننطركم
عباس:تم التفت على أخوه وخواته يلا مشينا
الكل راح بس بقى خاله شيخه وأحفاد والجد والجده
زينة راحت عند أمها وقالت:ماما بليز يبي ألواني مع أيبادي و بوكس الي فية العاب وكتب مدرسة (ملاحظة مدراس صارت عن بعد وقتها عمر زينة 16 سنة كان شكلها مختلف تماماً عن الحين كانت حيل متينه ومو مهتمه باي شي بس بالاكل والالعاب كذلك علي كان متين حيل وعمره كان 17 عكس الحين وشخصيته كانت همن عكس بأيام الحجر كان يسولف ويضحك وكانوا حيل قراب من بعض ودايمًا يلعبون كرة مع بعض ودايمًا علي يعلم زينة أنها تصير قوية ويقولها لاتخافين من كرة ماراح تسوي شي بس ركزي عليها وسديها بس الحين كل شي برد بينهم ، عشان جذي علي بالبداية ماكان عارف أنها زينة لأنها من تخرجت من ثنوي على طول راحت تدرس برا ومن بعد كرونا ماقاموا يلتقون بعض وعلاقتهم ضعفت واهي بس تخرجت سوت دايت وأهتمت بنفسها وبوزنها وحافظت على جسمها المرتب وحتى علي ركز على جسمه أكثر وصار عندة عضلات قبل ماكان فية ،وبالفعل الكل عاش عند الجد والجده وبعد ماكرونا راحت الكل انشغل فا ردوا بيوتهم والحين عشان ترجع العلاقات مثل ماكانت قرروا مره ثانية الجد والجده يردون يعيشون عندهم وعاشوا ياترى هل راح تنعاد ذكرياتهم وتجدد مشاعرهم ولا كل شي بيمر عادي وتستمر الحياة؟ ..... يتبع