لعبة القدر

『 𝐏𝐀𝐑𝐓 7

الفصل الأول | ظل من الأمس 🍁

    🎭 الجزء السابع| لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️

     ⭐️ ما تنسايش معاك واحد النجيمة⭐️

كانو بجوج وصلو للجامعة داخلو بكل هيبة و جادبية و أعين كاع البنات عليهم ( خلاوها ماليها طايح أكثر من النايض والنايض فاتيكي😂 ) ضروري من بسلات ديال أوس البنت لي دازت من حداه ضروري من شوية ديال التعناب و الغميز
جابر : دير عقلك ا صحبي من تبرهيش يالله سير تلاح
أوس : باي
كولا واحد مشا لأونفي لي غادي يقري فيه عند أوس
أوس : ( واقف قدام الطلبة وكيشرح بجدية بالفرنسية و بطلاقة) : آش كتظنوا كاين الفرق بين دونّي (donnée) وانفورماسيون (information)؟ ساهلة بزاف
كل واحد من طلاب عطى معلومات لي عندو عد تكلم هو
أوس : غادي نعطيكم مثال بسيطةالرقم 100 بوحدو راه دونّي ولكن مني نقوليكم أن 100 هي عدد الطلبة لي نجحوا فهاد السيمستر هنا ولات انفورماسيون الدونّي هي معطيات خام والانفورماسيون هي معطيات مفهومة وعندها معنى دابا غادي تكتب هد ([التعريف ]la définition) و ([الفرق ] la différence) بين ما جيت أنا غادي نمشي لإدارة و غادي نرجع نبغي هدوء نتوما دابا راكم كبار مغاديش نلقى معكم المشاكل اكي كولشي حرك راسو بالإيجاب هو خرج من لإنفي و وجهة ديال كانت الإدارة

👈 عندها هي 👉
كانت منتابهة مع الشرح ديال البروف
البروف : التسويق ماشي غير تبيع التسويق هو كيفاش تصنع الرغبة قبل حتى ماتعرض المنتوج و هو كيدوي كيسمع دقان مشا يفتح الباب كان واحد شاب طويل تبارك الله و رقيق ولبس كولشي بنواغ
ممثل الطلبة : سمح ليا ا بروفيسور ولكن جاي طلب من الإداة بإستدعاء الطالبة نورهان المنصوري
البروف( كان رجل كبير شويا كيف كتقول نجلاء بوكرش وصلح 😅) : واخا ( دار عند طلبة ونطق و هو هاز مكرفون في يديه باش يقدر كولشي يسمعو ) : الطالبة نورهان المنصوري تفضل للإدارة طلبنها
نورهان( كانت ما فاهمة والو و في نفس الوقت تخلعت ): واخا وقفت كتجمع في آدوات ديالها و هي في حيرة من آمرها هابطة في دوك دريجات وكتقول مع راسها
نورهان: الله يحضر السلامة ناااااري هدو أش بغاوني
خرجت هي والشاب غادين هي كثرو عندها الأسئلة في دماغها وهي تنطق
نورهان: خويا واش معرفتيش علاش باغيني
ممثل الطلبة: لا أختي أنا قالو ليا غير كلمها
نورهان: ااااه صافي اخويا شكرا
كملو طريقهم وهوما غادين حتي كتبان ليها ختها نجلاء حتي هي جايا من الجيهة لخرة صافي هنا طاح ليها الما في ركابي ولات تبيض بيضة هنا و بيضة لهيه وصلو عند بعضيتهم
نجلاء : اويلي تي مالك حتي نتي جايا هنا
نورهان: راه بغاوني في الإدارة
نجلاء: حتي أنا يالله يالله ندخلوا
دخلت نورهان هي لولة بان ليها شاب كالس لي زعر جالس نص جلسة على المكتب مفهمت والو كان مدير مترأس المكتب في كرسي للمخصص ليه دارت لجيهة الثانية بان هو لي كان واقف اون فاص مع الشرجم عطي بالظهر ومع دلك عرفتو هو و كانت زادت تأكدت منو من دريحة ديالو لي مالية المكان لي اسطوطنت علي جيوبها الأنفية من لي كانت تظربت معاه غمضت عينيها وهي مستمتعة بيها في حين كانت نجلاء كتشوف في هداك لي كالس وكيشوف فيها واحد شوفة ديال هانتي جيتي بين يديا طلعت حجبها فيه بطريقة استهزائية تكلم و هو كيخطبهم
المدير : أش هد شي قالو ليا عليكم الأستاذة ديالكم واش نتوما جايين تقراو ولا جايين هنا تلعبو
بجوجهم رجعوا حمرين من الفقصة والأعصاب و الحشمة
نورهان( تكلمت وهي كتحاول تزكي شوفة فيه ) : أستاذ راه مدرناش شي حاجة بلعاني كلا وحدة فينا أش قصدات وكلا وحدة كيفاش تفهم قصد ديالها
جابر( كيتكلم بواحد صوت حاد بعد ما دار طلعها و هبطها ) : سبحان الله غير نتي ديري شغاب في وسط الحصة و ديري التشويش على الطلبة وقولي تفهمت غالط
نورهان( تكلمت وهي كتشوف في جابر نيشان في عينين ديالو ) : ولكين راه الإنسان خاص حتي يعرف شنو هو المشكيل لي طاري عند الشخص الآخر عد يتكلم ولا يدير ردة فعل يعني كيف كان بان لك نت عند الفعل ديالي أنا تكون أفضل ردة فعل ممكن تدير نت هي هديك تجري عليا قدام كاع طلبة بهديك الطريقة حتي أنا كان عندي سبب ا أستاد لفعل ديالي
بان ليها طرح شعل وهي تكلم قبل ما يتكلم هو
نجلاء: أستاذة راه كل واحد عندو أسباب الخاصة لي تخليه يدير شي حاجة
قطعها وهو لي عينيه كيف صقر متجهين ليها
أوس : إوا شنو السبب ديالك الالة لي غادي يخليك تديري نتي داك شي لي درتي
نجلاء: حيت أستاذ لي كان قبل منك ا أستاذ ( وركت عليها ) كان عندو نفس الموصفات لي كنت كنوصف بها وشنو خلاني أصلا نوصف غير حيت كان كيتعامل معانا بطريقة ماشي مزيانة بلا ندخلوا في لي ديطاي
بتاسم ليها باستهزاء وشاف مدير وحرك راسو بالإيجاب
المدير : مهم ضروري من هنا ل 4:00 ضروري ما يكون واحد من ولي أمركم هنا و الا غادي تعرضوا لطرد
نجلاء: ولكن أستاذ خاصك تعرف راسك أش كتقول واش معرفتيش حنا شكون
نورهان( نطقت سميتها بحدة ) : نجلاء صافي أكي أستاد
جرت ختها وخرجوا من المكتب
نورهان: واش تسطيتي باغا تزيدي تخرجي علينا
نجلاء( لي صافي قرودة كيشحو صلصا فوق راسها ) : واش نت لي مشفتيش كيفاش كيدوي معانا قدامهم
نورهان( حتي هي كانت بحالها غير كانت كتحاول كهدء راسها ) : شوفي راني كثر منك فيا ما نقجهم ولكن حنا لي غادي نخسروا راه غادي نزيدو غير نتبهدلو مع ماما وبابا مهم خاصنا شي حل ( تي شكون باغا تقجي😂)