فصليه الشيخ أبا الحسن

البارت 3

الكاتبه اساور علي
ممكن متابعه +تعليق حلو مثلكم ونجمه
ليان "
نضفت غرفتي ونزلت الكل نايم اني بيه عاده ماانام الضهر وليل بالمخزن تعودت على الحر ردت اروح يمها بس كلت لا خطيه خاف نايمه وهاي فوك ماتنزل ابد ومرتضى طالع للجامعه وابا الحسن بغرفته ضجت طلعت بره لكيت الحديقه وسخه لان ابا الحسن ميخلي ليلي تطلع تغسلهة فتحت الصونده وبديت ارش بالزرع ريحته كلش طيبه والهوى يجنن وبديت اغسل بالحديقه انتبهت واحد وراي ألتفتت لكيته موسى انوب اني رافعه الدشداشه بسرعه نزلتهة ليش مدكيت الباب شفته مدنك راسه
موسى/آسف بس اريد ابا الحسن
ليان/مدكيت عليه
موسى/تليفونه مغلق خفت بي شي واجيت
ليان/لا مبي شي نايم فوك تفضل جوه
موسى/لا والله اريد اطلع اني وابا الحسن بس صيحي
ليان/تمام
موسى/دخلت للبيت لكيت ليان بالحديقه ترش بالزرع ورافعه دشداشتهة لتفتت بس شافتني نزلت الدشداشة المهم نزل ابا الحسن لك ها شيخ اتصل عليك ماكو
ابا الحسن/والله جنت نايم
موسى/موسى يله نروح
ابا الحسن/مابيه خليهة غير مره
موسى/اهوووو شنو قصتك يمعود يوميه تتأجل يابه خل نطلع نغير جوو
ابا الحسن/والله تعبان
موسى/لعد ماحزت بعينك من اجيت من طريق طويل لهنا
ابا الحسن/وشسويلك بات هنا
موسى/شتسويلي يعني هيه هاي انته يله لك امشي كدامي
ابا الحسن /لا صدك مابيه تعبان خليهة غير مره وبات يمنه هذا بيت عمك
موسى/غصباً عليك ابات هنا
ابا الحسن/دكوم ابو الكمل صحت ليان فرشت فراش بالاستقبال وطلعت
ابا الحسن/يله روح نام
موسى/تعال نام يمي اكلك
ابا الحسن/كووول
موسى/شخبار الفصليه اكلك هيه شسمهة
ابا الحسن/والله ماذكر من كال اسمهة الشيخ بالعقد
موسى/اذكر كال ليل مدري ليله
ابا الحسن/محلو اسمهة
موسى/ليش تكرهة تره هيه موذنبهة
ابا الحسن/تره بسبب اخوها مات ميثم
موسى/ادري وهيه شعليهة
ابا الحسن/دكوم نام لا اطفي معاني وجهك
موسى/سوينه لمه وكلنه اجتمعنا اني وابا الحسن ومرتضى وخاله ازهار ام الشيخ ابا الحسن علي
مرتضى/ها خايس
موسى/ها زربه
ابا الحسن/عفيه خووش تربيه
ام الشيخ/خلهم يشاقون
موسى/اخوك صاير مايتحاجه
مرتضي/اي والله صدك
موسى/اجت ليان بيدها الچاي قدمتلهم كلهم واجت بأتجاهي
ليان/اجيت اقدمله الچاي ونكلب عليه مادري شلون عزززه والله العظيم مادري
ابا الحسن/موسى كمت عليه تأذيت يروحي
موسى/مابيه شي
مرتضى/انتبهي شكد عوبه
موسى/انجب لك
مرتضى/انه اخوك فوك مادافعلك
ام الشيخ/يمه ابا الحسن اخذه يغسل
ليان/والله العظيم مادري اسفه
موسى/والله ماكو داعي يا ليان مصار شي عادي عادي اروح اغسل
ام الشيخ/يمه البيت بيتك فوت غسل
ابا الحسن/اجي وياك
موسى/همست بأذنه شسوي جاي وياي شني تغتصبني
ابا الحسن/طيح الله حظك دروح خايس
ليان/خطيه انقهرت عليه راح للحمام رحت لغرفه ابا الحسن جبتله بدي اسود مسبع وطلعت رحت يمه لكيته بالاستقبال وماكو احد يمه جوز كلمن راح لغرفته لان هسه تقريباً الساعه 1بليل دكيت الباب
موسى/تفضل دخلت ليان وجهه اصفر وبيدهة بلوز اسود
ليان/تأذيت موسى والله العظيم اسفه ماجنت ادري
موسى/والله ماكو داعي تتأسفين ادري بيج والله
ليان/اذا متوجع اجيبلك عصاره حروق تخلي منها
موسى/شبيج ليان خلص كتلج مابيه شي شدعوه هلخوف
ليان/زين اغسل ملابسك عادي ماعندي شي
موسى/ليان سؤال
ليان/جواب
موسى/انتي مو ليان بنت عمي
ليان/اي ليش هذا السؤال ؟
موسى/ليش تستحين مني اذا اني ابن عمج تره من جنتي صغيره اني لشلتج بحضني واني لربيتج من يروح ابا الحسن تجلبين بيه علمود ماعوفج بس من كبرتي كمتي ضوجين
ليان/مضايجه منك اني
موسى/لعد شبيج من اجيكم تكومين من المكان الجنتي بي
ليان/شدخل هاي بهاي
موسى/احسج ضايجه مني
ليان/بلعكس انته مثل ابا الحسن ومرتضى بالنسبه ألي
موسى/تمام يله روحي
ليان/انطيني ملابسك اغسلهم
موسى/ماكو داعي
ليان/ليش ضجت
موسى/لا بلعكس مضايج
ليان/انطيني اغسلهم
موسى/تمام
ليان/جبتلك بلوز من ابا الحسن
موسى/شكراً اخذت البلوز منهة لبسته وطلعت هيه من الاستقبال هيه ليش من اجي اني تشرد مني وتستحي يله المهم الكلب يحب واذا يحب يضحي ضحكت على سوالفي ونمت