فصليه الشيخ أبا الحسن

البارت 2

بليززز متابعه +تعليق ونجمه
♡•♡•♡•♡
عمو ماريد اروح فصليه عمو الله يخليك عمو اني شنو ذنبي خلي تروح حوراء اني ماريد اروح
-اسكتي حسج مااسمعه ويله روحي لمي غراضج خلي اوديج ألهم بلكت نخلص منج
ام مسلم/يمه بنتي مانطيهة امشي ولي حضري روحج خلي ياخذج
ليلي/عمو اني شمسويتلكم عمو هذا موذنبي هو اخوها خلي تروح بدالي
ام مسلم/بنتي عدها خفاره وتدرس ماانطيها روحي انتي وياويلج وسواد ليلج اذا فكيتي حلكج وكلتي هذا ابن عمي
عثمان/علمود اكسرها
ليلي/حسبي الله ونعم الوكيل بلكت يطلعون احسن من عذابكم عمو هاي وصيتك الاخوك ؟
عثمان/ولج هاي ويامن تحجين شو طالع لسانج
ليلي/جرني من شعري لغرفه الفوك ونزع لحزام وكل ضربه يضربني تشيط روحي عمو لالا الله يخليك موافقه موافقه بس عوفني ماتركني الا من شفه غليله بيه طلع من الغرفه وعافني بدمي وبألمي حسبي الله ونعم الوكيل عليكم يارب خلصني منهم كوه كمت ضليت اتمشى ويه الباب ودخلت للحمام كل قطره ماي توكع بجسمي اشيط روحي هسه لو بابا وماما عايشين جان مصار هذا كله سبحت وطلعت صليت صلاه الفجر وقريت قرأن ودعيت ربي يخلصني منهم كون هذوله الناس حبابين ويايه ياربي تعبت بعد اكثر من هلعذاب لاتشوفني ربي نمت كعدت الصبح حضرت غراضي واجه عمي اخذني بالسياره وصلنه لبيت فخم وجبير كلش حلو اول شي حرت بي البيت شراح ينضفه شكبره 😂😂المهم دكيت الباب وعمي واكف وراي طلع شاب موكلش جبير لابس دشداشه سوده ومبين عليه تعبان وطويل بشرته لونه حنطي عيونه سود اني دنكت من اجت عيني بعينه احسه يخوف بس لاهذا لراح اصير أله
عثمان/السلام عليكم
الشيخ ابا الحسن علي/وعليكم السلام
عثمان/هاي الامانه جبتهة ألكم اني بعد معليه
ليلي/دخلت للبيت لزم ايدي قوي احسهة انخلعت ضليت واكفه ماعرف شأسوي وماكو احد بالصاله بس اني اجتي مره موكلش حلوه اجتي جرتني من شعري احس شعري وكع اخخخ عوفيني داكلج شبيج
اسماء/ولج انتي بكد انعالي تجين تاخذين حبيبي مني اموتج وماخليج الكح***الثوله
ليلي/اجتي بنيه حلوه فكتني منهة عوذه شني هاي
ليان/يروحي اسفه لان عفتج امي متخربطه
ليلي/لايروحي مصار شي اخذتني وياهة كعدتني بغرفتهة حلوه وكلها ورديه تخبل غرفتهة
ليان/شنو هل جمال فديت
ليلي/انتي الاحلى يروحي
ليان/شسمج
-اسمي ليلي
-حلو كلش اسمج اني اسمي ليان
-هم حلو يجنن
...
ابا الحسن علي
اتخربطت امي وديناها للمستشفى طلع ضغطها هابط وسكرها صاعد ضربوها ابره وجبنالها علاجات وطلعنه للبيت موسى ابد معافني خليتهة ترتاح وصحت رضاوي وليان يبقون يمها لما افتح الباب يندك رحت فتحت الباب ولكيت ابو الشاب الي قتل ميثم وياه بنيه صغيره شابه بس سبحان لخلقهة بيضه كلش بس ماهتميت دخلته للصاله عفتها ورحت يم امي نسيتهة هيه موجوده سمعت عياط اكيد هاي اسماء وياها صحت ليان تروح تاخذها لغرفتهة عبر هواي وقت واني يم امي
ها يووم لاتفجعيني بيج الله يحفضج ألنه
ام الشيخ/مابيه شي لاتخاف اجتي
الشيخ ابا الحسن علي/اي يمه اجت مامدي اشوف شكلهة كبالي
ام الشيخ/يمه البنيه شنو ذنبها ادري هيه لكتلت اخوك لو هذا اخوها العار لاتسويلها شي خطيه انقهرت عليهة
موسى/على كيفك وياهة
مرتضى/شفتها يابهه غير ثلج من البياض
ابا الحسن علي/تسكت لا اخليك هسه بضيمي مابيه احجي موسى خابر الشيخ يجي يعقدلنه
موسى/تمام
ليلي/يمه كش احس شعري وكع
ليان/اي هيه هاي خبيثه الكل ميحبهة بس شنسوي
ليلي/ماردت افاتحهة بالموضوع ليان عادي اغسل
ليان/تعالي وياي
ليلي/اخذتني لحمامهة كلش حلو ونضيف حتى الحمام بي ريحه طيبه الشباك متروس مرطبات وعطورات مال جسم عافتني وطلعت غسلت ومشطت شعري بيدي رتبته لان استحيت اطلب منهة مشط وطلعت لكيت هذا الرجال الشفته موجود بغرفت ليان تصنمت بمكاني اجه جرني من ايدي بدون كلام اكو هيج مثل المخزن او خرابه فتحهة وشمرني بيها احس تكسر ضهري
-صعدتها فوك شمرتهة بالمخزن مدي مااشوفها حيل كرهتهة صحت اختي تروحلها تلبسها شال لان اجت مفرعه علمود الشيخ يعقدلنه حتى مهاويهة بس لراويه الويل نزلت لكيت الشيخ جاي فضيني ليان عندي شغل
ليلي/اجتي ليان كلتلي لازم تلبسين شال لان هنا محد يقبل ننزل بدون شالات اني وافقت تمام انطتني الشال لبسته ونزلنه اني وياها شفت الشيخ كاعد على الكرسي واني وليان وره الباب وهذا لمدري شسمه يم الشيخ كاعد وياه اثنين شباب
-بنتي ليلي هل توافقين بالشيخ ابا الحسن علي محمد زوجاً لكي اذا موافقه قولي نعم وانته وكيلي ثلاث مرات
-عدتهن ثلاث مرات بس العبره مكسره بصدري كلت من يصير عمري 18 اطلع من بيت عمي اشتغل واحصل فلوس وارجع للمدرسه وحياتي تص...خربت افكاري ليان
ليان/شنو وين صافنه امشي نصعد
ابا الحسن علي/وين صاعده امشي نضفي البيت وطبخي ماريدج كاعده تره ضهرج اكسره يله ليان اني اني طالع
ليان/طلع ابا الحسن علي وموسى ومرتضى وخطيه ضلت بس تشتغل نضفت البيت وطبخت هيه ماشاءالله الله اتجنن البياض لعليهة ماينوصف وتلوك لأخوي ابا الحسن خلي اسكت لايسمعني رحت كعدت يم امي وخطيه نايمه
ليلي/كمت نضفت البيت اول شي رحت للاستقبال لان ليان كالت كعدتنه كلهة بالاستقبال مسحتهة ولملمتهة هو مثل الديوان الملكي بس كلش تعبني كملته ورحت للهول نضفتهة ورحت للكلدور نضفته ومسحته ورحت لغرفه مرتضى نضفتهة بس مارحت على غراضه وفشلت من دخل شاب مبتسم وطويل القامه شكله حلو انته منو
-هو اني المنو لو انتي المنو
ليلي/اووو اسفه هاي غرفتك بس نضفتهة لان هذا لمدري شيسمونه يكلي نضفي البيت كله من اجي ماالكاج كاعده وليان كالت دخلي للغرف نضفيهن
-بس هاج مي اشربي شبيج سرطتيهن
ليلي/لا ماريد راح اطلع
-اوكفي تدرين هذا لتكولين عليه شيسمونه لو يسمعج يعلج بالبنكه
ليلي/شنو يمه وزير اقصد يعني هو ليش هيج
مرتضى/احجي احجي بعد جفصتيهة
ليلي/اسفه يعني ولو هو اخوك
مرتضى/مرخصتج اريد ابدل ملابسي
ليلي/بدل
مرتضى/تردين ابدل كدامي
ليلي/ها من فشلتي فتحت الباب ورحت الغرفه هذا لمدري شيسمونه ماعرف اسمه
نضفتهة ومسحتهة وعدلت الجرجف ونزلت غرفته كلش حلوه نزلت نضفت المطبخ وشفته مر من المطبخ مانتبهت عليه بس شفته راح يمه امه اني لحد لان مشايفه امه نضفت المطبخ وسويت غده اجتي ليان
ليان/كافي ماتعبتي
ليلي/خلصت
ليان/ليل
ليلي/اسمي ليلي موليل
ليان/المهم ماما ماما تريدج ولتخافين لان هيه ماشالت بكلبهة عليج لان تدري انتي مجبوره لان هذا اخوج العار
ليلي/من كالت اخوي اذكرت بأن جبروني مااحجي وماحجيت تمام هسه جايه بس خلي يطلع هذا
ابا الحسن علي/اي مواخوج الصغير اني
ليان/ميخالف لخاطري ماتعرف اسمك خطيه شوف وجهه اصفر عوفه هل مره
ليلي/تصنمت بمكاني اي واني شمدريني بيك راح
ليان/ولج هاي اذا عدتيهة مره الثانيه احسبي الله ماخلقج
ليلي/ليش
ليان/امشي هسه خلي نروح لأمي واني احجيلج تفاصيله شياكل شيشرب شيلبس
ليلي/اوكي تمام رحنا اني وياها اول دخلت ليان شويه وطلعت ليان كالت فوتي كلت بسم الله ودخلت لكيت مره جبيره بالعمر وجهه نوراني وهيه حلوه بس شافتني عدلت روحه وكعدت
ام الشيخ/اللهم صلي على محمد والِ محمد تعاي بنيتي تعاي لتخافين
ليلي/خاله والله اني معليه وهذا الشي الصار موبيدي والله اني انقهرت على ابنكم من اجالي هذا الخبر
ام الشيخ/ادري يمه ادري انتي هذا الشي موبيدج هذا لصار قضاء وقدر وعتبريني اني امج ولتخافين من ابا الحسن هو كلبه طيب بس مقهور على اخوه
ليلي/حقه خاله حقه بكلشي بس والله هو طايش ومنكدرله
ام الشيخ/ليش ابوج مارباه زين اشو انتي احسج متربايه وبنت بيت مومثله
ليلي/اخذتلي صفنه يعني همه كايلين بأن مرت عمي هيه امي وعمي هو ابوي ومسلم اخوي الله لايوفقكم انشاءالله حسبي الله ونعم الوكيل عليكم انشاءالله
ليان/شفتهة تعبانه يمه راح اخذهة ترتاح
ام الشيخ/روحي يمه روحي الله يسر طريقج
ليان/ردنه نطلع وصارت ليل كبال ابا الحسن احسهة تخاف منه لان هو يخزره خطيه بعدهة طفله
ابا الحسن/وخري من وجهي
ليلي/وخرت وطلعنه اني وليان هم بغرفتهة انام لان المخزن مونضيف وحار
ليان/ليل شكد عمرج
ليلي /هم كالت ليل
ليان/ليله ليل ليلي ليالي حلو اسمج بكل حالاته
ليلي/تمام بكيفج اني عمري 15
ليان/بعدج صغيره
ليلي/شاسوي وانتي شكد عمرج
ليان/راح ادخل 18
ليلي/حبيبي العمر كله
ليان /حبيبتي والله ابا الحسن كلبه طيب بس هو من مات ميثم اخو ضل بصدمه كلنه نكسر ضهرنه بي لج هو ميثم اجمل واحد من بعد مرتضى وابا الحسن
ليلي/الله يرحمه
ليان/اي ابا الحسن ازوج هاي اسماء اجباري موبيده
ليلي/اول مره اسمع بولد مجبور
ليان/اي ابوي جبره يتزوج بنت خالته هيه اسماء وجان ابوي ميرفضله طلب يحب ابا الحسن لان اكبر اخوته فقبل لايموت سلمه الشيخه اله ويوميه امي تريد تزوجه لان هيه متخلف وشالعه كلبنه ويوميه تجادل امي ويكتلهة
ليلي/خطيه رغم اني اكرهة بس خطيه
ليان/تره هو صار رجلج يعني تعودين اله جاي نسولف ونفتح الباب حيل شفته ابا الحسن اجه جر ليل لا حسن بروح ابوي تره طفله موذنبهة لاتحقد دفعني من يعصب مايعرف يتصرف
ابا الحسن/ليش تنوميهة يمج هذا مومكانهة
ليان/اني كلتلهة لان المخزن حار خطيه شلون تعيش بي ماخذ كلامي فتح باب المخزن وشمرهة بي وقفله
ليلي/دخل الشيخ ابا الحسن لغرفه ليان وسحبني من ايدي وليان تتوسل الا ان حجه كلمه قهرتني حيل انو ليش مخليتهة بغرفتج هذا مومكانهة احس عيوني دمعت بس ماريد اضعف كباله اخذني فتح المخزن شمرني بي وسمعت صوت المفتاح يعني قفل المخزن عليه احس عضامي تكسرن يارب ساعدني ياالهي ضليت بس ابجي من البارحه على لحم بطني كلشي مماكله نمت واحس بطني تصوفر
ليان/صعد لغرفته ورحت وراه دكيت الباب ابا الحسن ليش هيج دسوي طفله حرام عليك وهيه تعبانه
ابا الحسن/نسيتي ياليان ميثم هم صغير نسيتي اخوها هو القتل اخونا
ليان/اعرف خويه وتاج راسي والله اعرف بس هذا قدر الله هو هم اخوي ونفطر كلبي عليه بس مهما يكون هاي بنيه تذكر من ضربتك راشدي من جنت صغيره وابوي عاقبني وحبسني بالغرفه وانت كتله يابه طفله ماتدري واجيت فتحت الباب إلي واجيت حضنتك
ابا الحسن/طاح حضج لساج تذكرين هذا الراشدي اعلمج عليه
ليان/اي هسه شتكول
ابا الحسن/الصبح
ليان/لا بله البنيه جوعانه
ابا الحسن/اي روحي سويلهة سم تاكل
ليان/مجوز اذا ماكول لأمي زين انطيني المفتاح شلون اوصللهة اكل
ابا الحسن/طلعت المفتاح من جيبي ونطيته الهة وراحت ضليت افكر بكلامهة زين ليش اكرهة صح هيه موذنبهة بس كل مااشوفهة اشوف ميثم كبالي
مرتضى/لك هلا بالاخ العزيز لماينشبع منه
ابا الحسن/ليش دخلت لغرفتي بدون ماتدك الباب
مرتضى/آسف
ابا الحسن/غرد شتريد
مرتضى/لا والله ماعندي شي بس اجيت اخذ بغشيش
ابا الحسن/خير وين رايح
مرتضى/الصبح عندي جامعه ومسوين عزيمه فد خمسه عشره
ابا الحسن/هاك هاي بدال العشره انطيته خمسه وعشرين
مرتضى/فديتك اخوي وشيخ عشيرتنه الحلو
ابا الحسن/ديله اللوكي اطلع وسد الباب وراك
ليان/سويتلهة لفه وكلاص عصير وصعدت فتحت الباب لكيتهة نايمه ليلي ليل فزت
ليلي/ها شكو هم صعد
ليان/حبيبي محد صعد هاي اني ليان سويتلج لفه مال كباب وكلاص عصير لان انتي بدون اكل
ليلي/مااريد
ليان/لازم تاكلين واني الصبح اجي افتح الباب ألج
ليلي/طلعت وقفلت الباب ادري هيه موبيدهة بس اني اخاف من الاماكن المضلمه اني من الجوع اكلت اللفه وشربت العصير ونمت