وصفة الحب

XXVI:

        -فبلاصة خرا وبالضبط عند ليلى وقصي فالدار...واقفين قدام الباب مع ضيافهم

سلمى:المرة الجاية إن شاء الله عندنا

ليلى:هههه هاي هاي صافي ألالة

قصي:نعاودوها مرة خرا ماتغبروش

ياسين:ان شاء الله

أوس:ياله خلينا ليكم الراحة

-هبطوا مجموعين تسالمو مع بعضياتهم...ياسمين ركبات مع ياسين وتحركوا...وحتى الكوپل ديالنا داكشي اللي دار مخدمين موسيقى هو كيصوگ وهي كتغني وفرحانة...لوهلة نسا كلشي وبقا غير ضاحك حتى وصلوا لدارهم وطلعوا

سلمى(كتحيد زيفها):بغيتي نصايب ليك شي حاجة؟؟

أوس:لا لا أجي بغيتك

سلمى(تبعاتو للبيت):هااني شنو بغيتي؟؟

أوس(مشا للپلاكار وهز واحد الصاشية من تنا مدها ليها): هاكي هادا ديال صباحك

سلمى(حلاتو ولقات براصلي ديال الدهب وخرجات عينيها من الفرحة):وااااو هادا ديالي؟؟؟

أوس(كيطنز عليها):ههه وأنا علامن صبحت؟؟عليك يعني ديالك

سلمى(البسمة على وجهها):وعلاش ياله عطيتيه ليا؟؟؟

أوس(كيشوف فيها بطنز):إيوا حيت فاش جبتو نعطيه ليك هزوني فالعمارية ولا لا؟؟

سلمى(جراتو من يديه حتى گلس حداها):واصافي سمح ليا

أوس(كيقاد ليها شعرها من الجناب):مسااامح ليك الله أودي، إيوا آش فيها شي ماتش الليلة؟؟

سلمى:احم احم وابلاتي نمشي نشرب الدوا ونجي

أوس(مستغرب):إينا دوا؟؟

سلمى:واهاء داك الدوا اللي كيشربوه المزوجات باش مايولدوش

أوس(جمع الضحكة):كيفاش؟؟وعلاش مباغاش تولدي؟؟

سلمى:واحنا ياله تزوجنا ومابغيتش نزرب

أوس(بدات كتشد فيه العصبية):تي كيفاش مابغيتيش تزربي؟ واش عارفة راسك اش كتگولي ولا شنو؟؟

سلمى:أوس راني خايفة فهمني حتى نتا

أوس:مناش خايفة؟!مني؟؟؟