لعبة القدر

『 𝐏𝐀𝐑𝐓 6

    الفصل الأول | ظل من الأمس 🍁

    🎭 الجزء السادس| لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️

     ⭐️ ما تنسايش معاك واحد النجيمة⭐️

      ✨️نرجعوا لعندهم ✨️

كانت واقفة كتشطح مع ختها و سمير فجأة بدات كتنزعج من الشخص لي كان في الجنب ديالها كان كيدير حركات غريبة و كيجي فيها بلعاني كيقيس فيها
نورهان ( وهي كتكلام بصوت مرتفع ) : أنا غادي نمشي للحمام
نجلاء(بنفس نبرة ديال الصوت ) :  واخا سيري
وهي في طريقها الحمام  كانت صمطة ديال طالونها مفتوحة يالله سدتها مع هزت راسها كتحس براسها جات في شي حيط  هئ نسيت هدا صدر  كون محوطش خصرها كون طاحت  من الصدمة ديالها من شوفتو ترخات
جابر ( سهى في عينيها  شحال ملي وعى علي راسو طلقها كانت غادي طيح مرة آخرى ) : واش نتي ديما محنية
رما ليها هد كلمات و زاد يالله غادي تجاوبو بقات هدرة واحلة لها في حلقها
نورهان( بقات مصدومة كتكلم غير مع راسها ) : أويلي أش هد شي وقع دابا واش أنا كنحلم ولا شنو ( بقات شحال وهي واقفة بحال شي مصدومة ) حقير لاخر
كملت طريقها للحمام قدات مكياجها مع خرجت عند الباب لقات نفس الشخص لي كان  كيقيس فيها واقف في الكولوار بحال كان كيتسنها حدرت راسها وهي غادة
الشخص( قطع طريقها و بغا يحوطها ) : زين ما تعطيناش وقت غير دقيقة من وقتك
نورهان( وجهها ولا حمر من الأعصاب و الخلعة دفعات عليها بكل جهدها كيبان لها بنادم كيدوز من حداها وكل داخل الجهة اللي ضاره يعني ما ممسوقينش): بعد مني الحمار واش نت مريض بعد مني ولا غادي ندمك

الشخص (قرب ليها كثر باغي يبوسها ): مالك القطيطة حتي نت ولو عندك نياب باغا تعضي
نورهان ( صافي هنا تخلعت ولات كتضرب فيه وتدفع و كتغوت هو والو لصق عليها ) : عتقووووننننني بعد بعد مني حتي كيبان ليها مرمي في الأرض وشي حد كيضرب فيه هي صافي كاع ديك الخلعة فشلت ليها رجليها باش تحرك بقات غير كتبكي وقف بعد ما سلخ داك الشخص
مارك ( شد ليها في يديها بعد ما تخلعت هي و نترتها ليه ): غير بشويا عليك صافي مكين والو غير تهدني
نورهان( كتحس عد بدات كترجع ليها روح نطت وصوتها كيتقطع ) : ك كان ب اغي
مارك ( عنقها عندو ):صافي غير نساي راه مشا دابا
تمشاو  بنفس الوضعية حتي وصل البلاصة فين كانو كالسين
نجلاء ( وقفت وهي ما فاهمة والو و كتبان عليها ماشي هي هاديك) : نورهان مالك اختي كنت يالله غادي نجي نشوفك مالك تعطلتي
نورهان( تلاحت عليها عنقتها و هي كتبكي ) : كان واحد ولد لحرام باغي يتقرب ليا ما عرفتش اش كان باغي يدير ولد الحرام
وقف سعد وهو معصب من لي سمعها و شاف في يديها لي كان فيهم لاطراس ديال صباع
سعد : فين هو هد الكلب نمشي نربيه
مارك  : غير كلس تهدن راني تكلفت بيه عطيتو علاش يدور
شيماء(وهي كتميق فيها ): اشنو دار لك ا نورهان يكما قاسك بصح
نجلاء( خنزرت فيها واحد تخنزيرة ديال لقتيلة ونطقت سميتها بواحد لحدة ): شـــــــــــــيـــــــــــمــــــــــاء
سلوى : شيماء صحبتي واش من نيتك
شيماء: مالكم كلهم ضرتو فيها بحال هكا أنا غير سولتها
سمير ( و هو بين معصب منها ) : شيماء وقت هد للأسئلة دابا
نورهان(بصوت بين فيه التعب ) :بغيت نمشي بحالي
نجلاء : اصلا كنت جايا عندك الحبيبة ديالي باش نقول لك يالله نمشيو راه تعطلنا راها  2:00 ( شافت في سعد ) سعد خويا يالله نمشيو
مارك : لا أنا غادي نوصلكم
نجلاء : لا صافي اخويا بلاما تعدب راسك ها هو غادي يوصلنا سعد
سعد : اه بصح بلاما تعدب راسك أنا غادي نوصلهم
مارك : صافي مكينش نقاش في الموضوع غادي نوصلهم سعد نت باقي خاصك توصل سلوى أما أنا مغادي نعدب راسي ما والو وعلي قبل هد لأميرات ماشي مشكيل هانية نعدب راسي
نجلاء : شكرا اخويا  أما نورهان تسلا ليها جهد باش تتكلم تودعوا كلهم كلا قصد اتجاه ديالو مارك وصل نورهان و نجلاء نفس بلاصة فين هزهم سعد
نجلاء( وهي كتفتح الباب ديال الوطو ) : يالله تصبح على الخير  و  شكرا
نورهان( كانت كالسة في جنبو ) : بصح شكرا  ا مارك بزاف وسمح ليا عدبتك معايا اليوم يالله كانت غادي تنزل حست بيديه علي يديها
مارك : نورهان قيدي ليا نمرة ديالك باش نبقاو علي تواصل
نورهان( تحرجت منو و مبغاتش تحرجوا ) : اه واخا قيد 06 ........
يالله شكرا مرة خرى و تصبح علي خير نزلت من اللوطو وشدت في ختها و مشاو بعد ما تحركت اللوطو
نجلاء: أش بقيتي ديري في اللوطو من ورى ما هبطت أنا
نورهان  : غير شكرتو باغا نعطيه نمرة ديالي وصافي
نجلاء ( وهي مخسرة ملامح ديال وجهها ) : وصافي كتقولي فيها بوجهك حمر سبحان الله من عند الله مدخلش ليا لخاطري هد مارك
نورهان:  مالو مسكين ظريف كون مكانش هو كون منعرف راسي فين دابا
نجلاء : منعرف اختي هدا هو احساسي و صافي
من بعد ما وصلو و طلعو كايتختلوا للغرفة ديالهم كل وحدة قضات روتين ديالها آخر حاجة دروها بجوج قبل ما يمشيو في سباتهم دخلوا بجوج لأنسطقرام بضبط في البحث كتقلب كل وحدة علي الشخص لي في بالها و دا تفكيرها