وصفة الحب

XXV

فوسط هضرتهم صونا ليهم التيليفون كانت ياسمين جاوباتها ديك الساعة

مريم:وي ياسمين بيخير؟؟

ياسمين:الحمد لله فينك فالدار؟؟

مريم:لا لا خارجة

ياسمين:صيفطي لوكاليزاسيون نجيو ليك باش نمشيو مجموعين

مريم:كون غير عفيتوني مافياش

ياسين(من حداياسمين):لا لا أجي عفاك غادي نتقلقوا عليك

مريم:صافي واخا ولكن غير سيروا نتوما أنا غادي نجي راسي

ياسمين:بصح مابغيتيش نجيو ليك؟؟

مريم:لا لاغير سيروا شويا ونجي

رويحة(شافها قطعات):غادي تمشي لشي بلاصة نوصلك؟؟

مريم:غير خليك انمشي راسي

رويحة(ناض):ياله نوضي نوضي ولاهيلا قالت ليك تمشي راسها

مريم:هههه صافي واخا

-مشا كيخلص وبقات هي كتتسناه حتى جا وطلعوا بجوج للموطور...هي جابدة التيليفون وكتنعت ليه لوكاليزاسيون حتى وصلها...شكراتو وطلعات للعمارة ثواني وحلات ليها ليلى الباب

ليلى(كتسلم عليها):أفين هاد التعطيلة؟؟

مريم:وا ياله ياله كلشي جا؟؟

ليلى:أه كلشي جا دخلي

-دخلات عندهم سلمات عليهم كاملين وباينة مراشقاش ليها مشات كلسات حدا سلمى وحطات عليها راسها...هي فهماتها وحطات عليها يديها كتواسيها...كلشي دخلو الشك حيت ماموالفينهاش هاكداك

ياسين:مريم مالكي؟؟

مريم:لا والو غير ضرني راسي

فاروق(خارج من البالكو):جاية فالموطور ضروري يضرك راسك

مريم(هزات راسها فيه مخنزرة):خويا واش ماتبعدش مني فينما ندور نلقاك؟؟

فاروق:أنا اللي خاصني نقول هاد الهضرة راك واقيلا نسيتي هادي دار خويا

مريم(ناضت من بلاصتها):مني دار خوك هاهي خليتها ليك

قصي:مريم گلسي الله يرضي عليك راه غير كيضحك معاك

مريم:أصلا ماراشقاش ليا والله مرة خرا إنشاء الله

سلمى:واصافي أمريم گلسي أصاحبتي

مريم(هزات صاكها):غير خليوني والله أنا غادة هي غادة راك عارفاني مكنعاودش الهضرة

ياسين(وقف):واخا بلاتي نوصلك

مريم(مشات جيهة الباب):لا لاغير خليك بغيت نتمشى شويا

ليلى(خرجات من الكوزينة):شكون خرج؟قصي!!

قصي:مريم اللي مشات

ليلى:أويلي وعلاش؟؟

قصي(نعت بيديه لجيهة خوه):حيت السي فاروق مكيسدش فمو