وصفة الحب

XXIV:

             -عند ليلى اللي كانت خرجات من العيادة بكري دازت للدار ودخلات نيشان للكوزينة مع المساعدة من مور ماعيطات البنات والدراري عارضاهم هاد الليلة عندها...حزمات راسها ودخلات معاونين كل وحدة فيهم شنو كتدير گاع ليطاش تقاسموهم...جبدات الحوت باش تعمرو والمساعدة حداها كتقاد ليها العمارة...نخليوهم يوجدوا عراضتهم

                     _________________

-نمشيو عند سلمى اللي شافتها وصلات 15:00 دالعشية وبان ليها باقي مجاش ناضت بدات كتجمع فحوايجها حتى سمعات صوت الساروت فالباب وهي تگلس حدا الشانطة..هو دخل كيقلب عليها حتى مشا للبيت لقاها گالسة هكاك بدا كيضحك غير راسو فحالا كتهرُّو

أوس(دوز يدو على وجهو بنفاذ صبر):واش حالفة تحمقيني ولا شنو؟؟؟اش هادشي عاوتاني؟؟

سلمى(حادرة راسها):يسحابلي غادي تشد الضد وماتجيش

أوس:الله يهديك أبنتي واش أنا باقي ديال هاد التبرهيش الضد ولا الزمر..را حنا مزوجين ماشي مصاحبين ديري عقلك الله يرضي عليك

سلمى(مشات عندو):صافي تصالحنا؟؟

أوس(شاف فيها وباس ليها راسها):واش أنا نقدر نبقا مخاصم معاك؟؟ولكن بغيت نعرف واحد الحاجة

سلمى:شنو هي؟؟

أوس(جرها معاه حتى گلسو بجوج فوق الناموسية):علاش درتي هكاك؟؟

سلمى:حيت كنتي ضربتيني ديك المرة

أوس:الله بابنتي نتي شحفتيني حتى عييت سخنت وبردت راسي براسي وماكفاكش هادشي باغة تدخليني للحبس على قبل ضربتك

سلمى:وا نتا...

أوس(سد ليها فمها):صافي صافي أنا اللي غالط سمحي ليا ألالة والله مانبقا نحط عليك يدي

سلمى:ح..حلف

أوس:والله إيلا حطيتها عليك مرة خرا نقطع/ها گاع

سلمى:صافي..فراسك عارضة علينا ختك للعشا؟!

أوس(بدا كيتلمس فشفتها التحتانية):فراسي ولكن شنو بان ليك مانمشيوش؟؟

سلمى:أويلي وعلاش؟؟؟

أوس:توحشتك وبغيتك هاد الليلة

سلمى(ناضت من حداه معفرة):هممم البارح ماتوحشتينيش غير اليوما

أوس(ناض عندها شادها من دراعها):والله حتى توحشتك شديت راسي غير بزز باش مانجيش

سلمى:اممم سخيتي بيا ماسوقيش

أوس:ولاهيلا فحالا كندوي مع شي درية صغيرة..أجي أجي قتلني العطش لشفايفك كنتشهى نموت وسطهم

سلمى(قربات ليه):الله ينجيك ليا أويلي

{دخل معاها فقبلة أو كيف سماها هو ثانية الموت هادشي اللي كيحس بيه فاش كيقرب لشفايفها...نشوة قاتلة مكيبقاش ساخي بيها ولكن للقدر رأي آخر...وفاللحظة اللي هوما بجوجهم مرفوعين التيليفون كيصوني...تعصب بزااف وواخا ماشي تيليفونو جاوب فبلاصتها وماتكون غير مريم}