وصفة الحب

XXIII

                 _أصبحنا وأصبح الملك لله،كانت سلمى واقفة مع مريم حدا الباب كتلبس صباطها حتى حسات بشي حس ديال الساروت،غير دخل قال السلام وداز بلا مايزيد يهضر أصلا مريم باقة مقلقة منو وهو مقلق من سلمى،عطاهم بالضهر وشافتو مشا للبيت ديالهم

مريم:ياله أنا مشيت ونتي سيري دوي معاه باراكة من هاد البسالة الخاوية راكم بعقلكم زعما

سلمى(حلات ليها الباب):صافي واخا وردي البال لراسك

مريم(رمات ليها بوسة وهي خارجة):ياله مواحح

                    __________________

-هبطات مريم من العمارة وياله حلات الباب تخرج وهو يبان ليها طويل القامة گالس على القدام ديال طوموبيلتو،داير نضاضر دالشمس وكيشوف فالباب

مريم(مخنزرة):بسم الله الرحمن الرحيم،صبحنا على الله وملائكة الرحمان

فاروق(وقف من على الطوموبيل):مالك مصبحة على شيطان؟!

مريم:وراك كتر من الشيطان...بعدا هو نقولوا ليه أعوذ بالله منو يمشي أما نتا لا لصقة الله يستر

فاروق:هاي هاي على شنيولة شفتك تيقتي راسك؟!يسحابك نتي زوينة؟؟

مريم:الشبكة كتعاير الغربال وتقولو مول العيون الكبار...وا باااز هداك وجه عندك ولا شنو؟!ياله كنتي ترغب البارح ولا حتى نتا من داك النوع اللي مكيوصلش للحاجة كيعيبها؟!

فاروق:وادابا نتي كتطرطاي غير راسك...وشفتي مني حطيتك فبالي راه مكاينش اللي يحيدك من تما ومانمشي حتى نردك ديالي

مريم:هاهاهاهااااه لا لا تيقتي راسك والله

فاروق:بزااااف ونتي بالضبط ياأنا ياأنا

مريم:هههه راه كيقولوا بلي القرد مني كيلقى اللي يصفق ليه كيكتر فيه التنقاز هادشي اللي واقع ليك

فاروق:بغيت غير نعرف منين كتجيبي هاد الهضرة واااا لسانك مبري منك الله يستر

مريم:افففففف دويتيني على الصباح وأنا موالفة نفيق طايرة ليا اش بغيتي عندي؟؟

فاروق(قرب عندها):هي نفهم من هضرتك شفتيني ورشقات ليك

مريم(كتنعت فوجهها):بانت ليك هاد الكمارة ديال وحدة راشقة ليها هه وزايدها بحيت شفتك ماحشمتيش؟؟

فاروق:والله حتى زوينة وبزااف گاع

مريم(دفعاتو):عااااارفة ماطلبتش الرأي ديالك غير بقا بعيد..وأصلا عطلتيني خاص نمشي للخدمة الله يهنيك

فاروق(جرها من دراعها):صبري صبري أنا نوصلك

مريم(نترات يديه):واشفتي البسالة والزعامة الخاوية حيد يديك قبل مانعطيها ليك تلعب بيها..وماتوصلني مانوصلك