الفصل الأول | ظل من الأمس 🍁
🎭 الجزء الخامس| لعبة القدر ⚖️
✍️ بقلمي : ليلى روز 🌸
❤️🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️
⭐️ ما تنسايش معاك واحد النجيمة⭐️
🔙نرجعوا شوية اللور الاحداث
فاش وصلو مشاو نيشان للكافي جلسوا هو غادي ويوصي فيها
أوس : شوفي ديري داك شي لي وصيتك عليه بالحرف
جوري ( بملل كاتكلم ) : و صافي صافي فهمتك فهمتك واااع
أوس : لؤي أنا شكون دابا
لؤي(بطريقة طفولية ) : نت ذابا بابا و وملي نخرزو من هنا انت عمو اوز
أوس : اكي اكي مزيان هاهيا جاية يالله وجدي راسك
كان حاط لؤي علي رجليه هز لجوري يديها وباسها
حتي وقفت عليهم وخبطت فوق طابلة
.......... : أوس أش هد شي كنشوف شكون هادي لي معاك
جوري : اه اه نقصي من صوتك متغوتيش علي راجلي نتي لي شكون هاجمة علينا غادي تخلعي لينا الولد
........... ( وهي وجهها ما كايتفسرش) : كيفاش راجلك كيفاش لولد
أوس ( بصوت حرش رجولي مفيهش الضحك ) : كيف سمعتي ا ختي شكون بعدا نتي لي هاجمة علينا
........ : اويلي أوس ما تسطينيش انا سلمى
جوري : قال لك ما كايعرفكش سيري بحالاتك قبل ما نوض لك
سلمى : أش غادي تقدري ديري كاع
جوري : أوس حضي معاك الولد اجي انتي لهنا
( جرتها من شعرها نتفتها نتيف الدجاجة والاخرى كاتغوت عتقوني سيباغراف نو نو طلقي اهد الهمجية )
سلمى : أوس حبيبي كول لهد المسطية تبعد مني
جوري ( هي لي كتسمع فيها وتزيد الديماري في شعرها بحالا شادة في شي موطور ) : انتي يهاد الدحشة باقة كتقولي حبيبي هذاك راه راجلي تفرقي منو اعطيه التيساع
( اما سي أوس كان كيتفرج في هذه المسرحية اللي تقنتها جوري وهو مدهشر بانت لي القضية حماضت وبدا كيتجمع عليهم الناس وهو يجر جوري وتمو خارجين )
أوس ( غادي بيها وهاز لؤي و كيدوي ) : انتي راك ماشي غير عشتي الدور انت راك تحمستي
جوري(وهي كتموت بالضحك ) : وناري شوف ولي ديما خلق لينا بحال هد لأجواء نفوجو شويا
أوس : جاني ملال في حياتي قلت ندير شي حاجة هد ختنا ما بغاتش تفرق عليا لصقة كولا سبيسيال شي حاجه اكثر من هذا الشي
لؤي ( وهو كيجر ليه في حوايج) : بغيت كلاس
أوس : جوري سيري معاه أنا غادي نغسل يدي هنا ونجي
✨️العودة إلى الحاضر✨️
تفتح لأبواب ديال القصر وعند نفس النافورة بركا أوس اللوطو ديالو هو و جابر في نفس اللحظة كان ضو ديال قمر مضوي المكان بطريقة زوينة نزل لؤي كيجري عندو
لؤي : بــــــــــــــــــــااااااااابـــــــــــــــــــــــــا
جابر ( هزو عندو ) : البطل ديالي فين كنتي
لؤي ( طريقة الهدرة ديالو تشديه تاكليه《 ما تقولوا والو الجابر انني باغي ندير ولدو في الخبز و ناكلو 🤫》) : كنت مع عمو أوز وعميتو زولي فراسك هوما ولاو ماما و بابا (شاف أوس كيغمزو ) اوبس نسيت ( حط يديه علي شفايفو 🫢)
جابر ( دار شاف في أوس دار فيه واحد لالة مولاتي تخنزيرة ) : باقا لك غير لولد واش نت كتكساب شي عقل
أوس ( كيقول مع راسو غير يا أرض نشقي وبلعيني ): لا راك غير فهمتيه غلط
جابر ( دار فيه واحد النظرات ديال ما كاينش الضحك ) : أوس آخر مرة لؤي و جوري فرقهم عليك حسن لك
أوس : صافي اصحبي فهمتك غير برد
جابر : شوية و غادي نتحركو عندنا الخدمة
أوس : واخا مشات
كان في هد الوقيتة لؤي بدا كيترخى داه للغرفة ديالو لي كانت من ديزاين ديالها غادي تعرفها ديال ولد صغير من لون ديال جدران لي مصبوغة بالأزرق وستيكرات ديال آبطال خارقين لي ملصقين وغطاء لي غطاه بيه من بعد ما بدل ليه حوايج لي مرسوم فيه سبايدرمان
لؤي: بابا نعس حدايا
جابر : أنا حداك غير غمض عينيك
جلس حداه لعب ليه بشعرو حتى غرق في نعاسو و خرج متوجه للغرفة ديال مع فتح الباب كيسمع شي صوت جهة حمام استغرب من هد صوت مشا جهة دق الباب ديال الحمام
جابر: عبير أش عندك مالك فتحي( لا مجيب بدا كيتعصب ) فتحي هد الباب ولا غادي نهرسو
جابر (تفتح الباب حتي كتبان ليه وجهها صفر مقطر من الدم وضع يديه بجوج على حناكها ) : مالك قلت لك اليوم نتي ماشي هي هديك خاصك تمشي يشوفك الطبيب
عبير ( بصوت بين فيه عيان ) : لا أنا بخير غير راه خلطت في الماكلة فهمتي أنا مزيانة أنا دابا غادي نعس إن شاء الله وغادي نفيق بخير
جابر : يالله سري تنعسي
عبير : لا غادي نمشي نشوف لؤي
جابر (وضع يديه علي خصرها غادي بيها جيهت سرير): لؤي نعس غير رتاحي نتي
عبير : صافي واخا
جابر ( من بعد ما نعست في بلاصتها غطاها و باس ليهاعلي راسها ) : عبير نعس نت دابا أنا عندي شي خدمة غدا و إن شاء الله غادي نمشيو لعند طبيب
عبير : جابر را
جابر( قطعها ) : شو نعسب يالله تصبحي علي خير
مشا خرج من الغرفة من بعد ما تكلم مع أوس باش يتحركو و دوز لاتصال
جابر ( ملامح ديالو أكثر جدية ) : فين غادي يكون دابا
....... : ف----------- إوا شنو الخطة ديالك دابا
جابر : دابا غير المراقبة
........:
أنت تقرأ
لعبة القدر
Mystery / Thriller✨️ بسم الله الرحمن الرحيم✨️ 📖 حصرياً على واتباد ✍️ بعنوان: لعبة القَدر 📌 القصة لا زالت فطور الكتابة 💌 بأناملي: ليلى روز👑leyla rouz القصة ديالنا غادي نعيشو معاها أن 🖤 ماشي كل حب كيتكتب ليه يعيش كا...
