وصفة الحب

XXI

-فبلاصة خرا مع 18:00 دالعشية بالضبط عند سلمى اللي كانت داخلة للكوزينة توجد متاكل من مور مادوشات كتقاد الطجين وبالها كامل مع أوس وشنو دارت...ماتنكرش عاد سرات معاها وبقا فيها الحال خصوصا مني مادار حتى ردة فعل من غير السكات عيطات ليه وحتى هو مكانش أناني جاوبها حيت عارفها غادي يبقا بالها مشطون عليه وحيت كتخاف تبقا بوحدها

سلمى:أ..ألو أوس فينك؟؟

أوس:مغاديش نجي غير عيطي على صحباتك يجيو عندك ماحد باقي الحال مغاديش تقدري تبقاي بوحدك فالدار

سلمى(بقا فيها الحال مي حاولات ماتبينش):صافي واخا اللي عجبك

                       __________________

-قطعات عليه وصيفطات ميساج لمريم اللي كانت على سبة جرات ياسمين ومشاو عندها..ماطولوش بزااف وكانوا عندها، حلات ليهم وهي وجهها صفر هوما غير شافوها تخلعوا

ياسمين:أناري مال وجهك ياك لباس؟؟

مريم(كتسد الباب):ياكما دار ليك أوس شي حاجة

سلمى(عاطياهم بالضهر داخلة):هاد المرة أنا اللي درت ليه ماشي هو

ياسمين:اش درتي؟؟؟؟

-گلسوا وعاودات ليهم كلشي من اللول حتى اللخر

مريم:الله ياختي وبغيت غير نعرف اش قال ليك داك الراس؟؟

سلمى:واكنت باغة غير نربيه أصاحبتي

ياسمين:ختي سمحي ليا ولكن هاد المرة زدتي فيه أوو الحبس أسلمى والباطل من الفوق؟؟

مريم:سلمى واش مكتبغيهش؟؟

سلمى(نزلات دمعة من عينيها):ماعرفتش ولكن فاش تقلق عليا بقا فيا الحال وكنحس براسي مخنوقة بزاااف بلا بيه،غير نص نهار وحسيت ببلاصتو خااوية وشي حاجة كتضرني فقلبي بزااف

مريم(غرغروا عينيها):ايوا هادا راه الحب أسلمى...ديري عقلك اصاحبتي راه حتى شي حد مايقبل هاكدا دوي علينا وجي علينا هاد المرة راكي غالطة

ياسمين:واكون غير تشاورتي اسلمى زبلتيها فهادي اختي

سلمى:هاي هاي واش نتوما معايا ولا معاه

مريم:حنا مع الحق حنا راه غير حقانيات وصافي ياك اياسمين

ياسمين:اه بصح داكشي اللي كاين

سلمى:نوضي نوضي تگعدي جيبي داك الطجين لهلا يطيحو فمعدتو

مريم:الله كاين الطجين ايوا هادي هي التخاصيمة وإلا فالا سير يانسيبي واخا مقلقة عليك ولكن الله يعطيك مانويتي فخاطرك

ياسمين:أمييييين كتاب لينا هاد الطجين بسبابو

سلمى:واتهزوا راه غنشرشمو عليكم تگعدوا ياله