وصفة الحب

XXI

-فوسط الكوميسارية شي كيمشي وشي كيجي البوليس وتيليفوناتهم مكيتقداوش...أوس گالس وحداه سلمى فينما يدوز شي بوليسي كيعطيه السلام وكلهم مستغربين علاش گالس تما وأصلا شنو كيدير هنا وهو واخد كونجي...دازوا دقائق ودخلوه اللي جابوه(الناس اللي غادي يقولوا مني هو معروف تما علاش البوليس اللي جابوه ماعرفوهش حيت هوما ماشي فنفس الكوميسارية اللي خدام فيها أوس...سلمى فاش عيطات ليهم صيفطوا ليها البوليس اللي تابع لأقرب ملحقة تما وغادي تقولوا تاني علاش مداوهمش لنفس الملحقة منين جاو...غادي نقول ليكم حيت أوس فاش قلب على الشارة ديالو ومالقاهاش عيط لفين خدام والبوليس اللي جابوه جاهم الأمر من الفوق داكشي علاش داوهم للكوميسارية الكبيرة فين خدام أوس)

الضابط(وقف وعطا لأوس السلام):مون شيف ياك لباس؟؟طارية شي حاجة؟؟

أوس:گلس گلس شوف الأستاذة شنو باغة هي اللي عيطات ليكم وحلات عليا قضية

الضابط:ولكن أمون شيف...

أوس(گلس فالكرسي):دير خدمتك فحالا أنا مكاينش هنا ياله

الضابط:واخا تفضلي ألالة گلسي

سلمى(گلسات):الشيف أنا نعاود ليك

أوس(غوت عليها مخنزر):ماتهضري حتى يسولك

الضابط(متوتر):نعام ألالة علاش عيطتي لينا؟؟

سلمى:هاد السيد اللي قدامكم تعدا عليا بزز مني

الضابط(تصدم):ك..كيفاش؟؟

سلمى:أه وأنا بغيت نشكي بيه

الضابط:واخا عاودي لينا داكشي بالضبط

أوس(شافها سكتات):ياله هضري اختارعي ليه كيفاش

سلمى(بدات كتفتف):م..منقدرش داكشي عيب

الضابط:مون شيف سمح ليا ولكن واش هادشي بصح؟؟

أوس:هادي اللي قدامك راها مرتي بالشرع والقانون غير جهلات ولا معرت مالها اللي دارت هاكدا

الضابط:بصح أمون شيف؟!مبروك علييك والله حتى فرحت ليك

سلمى(مصدومة وحساتهم كيطنزوا عليها):واش منيتك الشريف؟ أنا كنقول ليك تعدا عليا ونتا كتقول ليه مبروك عليكم واش هبلتي ولا شنو؟؟

الضابط:لالة القانون ديالنا كيقول بلي إيلا كدبتي على شي حد كتاخدي عقوبة عاد نتي كدبتي على عميد شرطة،فهاد الحالة نتي ماعندك منين تشكي هو اللي يقدر يشكي بيك وتدخلي حتى للحبس

سلمى(تزاد معاها الزايد):أوس واش بصح هادشي؟؟

أوس(مكيشوفش فيها):ماكنتيش عارفة هادشي قبل ماتديريه؟؟

الضابط:مون شيف أنا غادي نخليكم ايلا بغيتيني عيط ليا

سلمى(غير شافت الضابط خرج وهي تنطق):أوس والله مكان كيسحاب ليا هاكدا متدخلنيش للحبس عفاك