وصفة الحب

XX

        -فبلاصة خرا وبالضبط فالدرب كانت مريم كتلبس فحوايجها من مور مافطرات،لبسات كسيوة طويلة بلا كمام فالغوز فوشيا وجمعات شعرها نص جمعة مع صندالة پلا كحلة وحتى الصاك بنفس اللون دارت پاغفان ودازت فيقات ياسمين وخرجات...هي غادة فطريقها للبلاكة دالطوبيس حتى بدا يتمشى حداها رويحة مطيرها منها خلعة

مريم(حاطة يدها على قلبها):بسم الله الرحمن الرحيم مالنا أخويا ياك لباس؟؟؟

رويحة:شحال من مرة كنگول ليك أنا ماشي خوك

مريم:وشنو نتا بالسلامة بَّا؟!

رويحة:مابَّاك ماخوك أنا باغيك ليا أمريم ماتشوفيني خوك مانشوفك ختي

مريم:سير الله يهديك أرويحة اش وصلنا لهاد الهضرة

رويحة:كنگول لك تاني ماتعيطيش ليا نتيا رويحة راه عندي سمية

مريم(وقفات ودارت يد على يد):واخا أمروان أنا ماعنديش مع هادشي ديال الحب والغرام وهادشي نتا عارفو من زمااان

رويحة:ومالي أنا هكاك حتى أنا ماعنديش مع داك الهيت ولكن نتي بوحدك

مريم(شافت الطوبيس مشا عليها):وها الطوبيس مشا عليا أنا اش بغيت ليك والله ويجريو عليا حتى نتفاهم معاك

رويحة:صبري هنا تسناي.{غبر واحد جوج دقايق حتى بان ليها جاي بموطور من نوعTmax 560)

رويحة:طلعي نوصلك

مريم:لا لا بلاش دابا يجي الطوبيس

رويحة:مريم غادي تطلعي بلا ماتصعريني

مريم:واخا وجايب هاد الكبير أنا نبقا مقلزة ولا شنو؟؟

رويحة(كيضحك):طلعي وشدي فيا ماعندك مناش تخافي أنا معاك

مريم(طلعات):شوف راني كنخاف واعندااك

رويحة:واصافي هنينا شدي مزيان

-شدات مريم فرويحة ومشاو من تما غاديين فطريق الريسطو، وصلها شكراتو وبقا تما حتى شافها دخلات هادشي كامل داز قدام واحد العينين مقابلين كل حركة كانت تما،دخلات مريم وصبحات عليهم ومشات للكوزينة وبالضبط بلاصة الپاتيسري

زياد:مريم وجدتي دوك ليگوفخ؟؟

مريم(كتزوق بالشكلاط):اه صافي أنا ساليت

زياد:صافي خرجيها للاطيراس عفاك

مريم:ها السرباية عطاهم الله يديوه أنا مالي

زياد:الناس بغاوك نتي مابغاوش شي حد آخر

مريم:أفففف واخا واخا هاني غادا
 
                     __________________

-هزات الطبسيل وشدات طريق الطيراس بان ليها راجل عاطيها بالضهر مشات حطات الطبسيل وغير عطاتو بالضهر وهو ينطق