لعبة القدر

『 𝐏𝐀𝐑𝐓 3

الفصل الأول | ظل من الأمس 🍁

🎭 الجزء الثالث | لعبة القدر ⚖️

✍️ بقلمي : ليلى روز 🌸

❤️‍🩹 "الحب الأول لا يموت... بل يأتي الحب الحقيقي ليدفنه حيًا." ⚰️🕯️

⬅️نرجعو لعند جابر لي من بعد ما سلا المحاضرات اللي عندو توجه للوطو ديالو وهو منرفز غير مع الجناب ديالو وعينين كاع البنات عليه مشا مكسيري نيشان للقصر بركا اللوطو حدا النافورة لي جات اونفاص مع الباب و مع الأشعة ديال الشمس والقطرات الماء ديال ديك النافورة لي كيتطيرو في السماء عطى واحد المنظر خرافي دخل مع الباب متوجه نيشان لصالون لي مغربي 100% من زليج البلدي وڤبص المنقوش في السقف و الثرية الكبيرة لي معلقة في الوسط مضوية المكان عطاو واحد طابع منخوي كيسمع صوتهم حتي بان ليها
.......: جابر ولدي جتي علاش الصباح مبقيتيش الفطور نت و أوس لؤي كان كيسول عليك
جابر (باس ليها يديها و راسها طبطب ليها علي يديها وقال ليها ): غير مع الخدمة الوليدة
.......:عالية بعدي ليا من حفدي ونتي بغيتي تنسيه فيا
جابر (نطق و شبه ابتسامة علي شفايفو ): جدة تنسني عليك غي موت
جدة : الله ينجيك اولدي
باس ليها رأسها حتي سمع صوتها من طرف آخر
.......: فين باقا هداك نمس ديال أوس اولدي جابر حيت قال ليا عمك كنت مع بعضيتكم
جابر(سلم عليها بنفس طريقة عد جوبها ): باقي عندو شي خدمة اخالتي نزهة شاف في الأم ديالو وقال ليها
جابر : شفت بنتك الوليدة ممشاتش للجامعة ديالها
عالية (الأم ديالو ): غير صبحت مريضة شوية اولدي
جابر (دار فيا ديك شوفة ديال يارب نتيق ):عبير كاينة فوق
عالية: أه اولدي في بيتها
حرك راسو بالإيجاب خرج متوجه الغرفة ديالو دخل بدا كيفتح أزرار ديال شوميز حتي حس بيدين محوطين من لور باست ضهرو
........(نطقت برقة ): توحشتك
ضار عندها بقا كيشوف فيها كانت لابسة كسوة صيفية ديال الدار درعانها كيبانو وعند الكتاف فيهم فرافر واصلة عند الفخاد قرب ليها خطف قبلة من شفايفها جوج مرات بحال كيتأكد منها زير عليها من خصرها ونطق بفحيح
جابر : امم حتى أنا (بقا كيشوف فيها شحال عوتاني شككها في راسها بدات كتسمع دقات قلبها في ودنيها ) خرجتي بكري الصباح مقلتيش ليا غادي تخرجي بكري ا عبير
عبير : كان كيصحاب ليا قلتها لك ياك في خبارك غادي نخرج احبيبي مالك دابا (بدلع )
جابر ( قرب ليها كثر حط نيف علي نيفها وقال ): غير توحشتك
حتي كيسمع دقان خفيف في الباب طلق منها مشا جيهت الباب فتح وهو عارف شكون غادي يكون مع تفتح الباب مع نقز عليه
.........: باااااااباااا توحستك علاس مزتيس عندي صباح (بصوت طفولي )
جابر(هزو عندو وهو غادي به جيهت السرير فين كاينة هي لي مقابلهم بابتسامة ما فارقتش شفايفها ): غير حيت عندي الخدمة اولدي لؤي دكشي علاش
عبير: جابر نوجد لك الحمام باش نزلوا نتغداو
جابر: اه وجدي الله يرضي عليك (ابتاسم ليها شبه ابتسامة)
لؤي : حتى انا بغيت ندوس معاك ا بابا
عبير: صافي خلي باباك يرتاح اولدي راه عيان و نت يالله دوشتي
جابر: غير خليه جيبي ليه الحوايج اعبير اجي نت نشوفك واش كبرتي بدا كيرميه حتي لفوق ويشدو و لؤي غادي يموت بضحك مشات عبير جابت ليه الحوايج و حتي الحوايج جابر سخنت ليهم الحمام وعمرت ليهم البانيو بالماء مهم قادت ليهم كولشي و حطت حتي ألعاب ديال لؤي خرجت عندهم لقاتهم باقين كيلعبو دمعت عينها وهيا كتشوف فيهم مسحتها بزربة
عبير (بصوت مرعد ): يالله دخلو تدوشو الحمام واجد
جابر(شاف فيها مستغرب ) : مال عينيك حمرين كنتي كتبكي
عبير :لا لا غير دخلت ليا شي حاجة لعيني يالله دخلو راه كولشي واجد
حرك ليها راسو بالإيجاب فهاد الوقية دخل هو و لؤي غادي تكونو كتساءلو شكون هد عبير 🤔
عبير الراشدي 25 سنة زوجة جابر العمراني يتيمة تربات في دار الأيتام وصلت لسن 18 سنة خرجات بدات الخدمة خدمات في بزااف ديال البلايص في ديور عند الناس المعامل لقائها مع جابر كانت خدامة في قهوة باقي غادي تعرفو علي التفاصيل مع القصة واخدة حقها من الجمال عينيها كبار و مشفرين لون ديالهم أخضر غامق شفايفها بارزين بحالة دايرة لهم الفيلر ملامحها سبحان الله بريئين عطها الله واحد القبول
خرج من حمام هاز ولدو في يديه بجوج لابسين البينوارات ديالهم بالأبيض كل واحد فيهم سميت مطروز في الظهر ديال البينوار بالنواغ تاجه جهة الناموسية فين حطت لهم عبير الحوايج و بدا يلبس في ولد و هو داير معاه الخاطر تقولي ماشي هو هذا الوحش اللي ما كايتحمل حتى نفسو لبس عليه حتي هو تيشرت أخضر غامق خفيف مع شورط باج مريح حتي كتبان ليه خارجة من درسينغ شعرها هابط علي عينيها لي كيبان دبلين مشا عندها و لؤي كيلعب بوحدو
جابر : عبير مالك معجبتنيش واش بك شي حاجة مريضة
عبير : لا لا أنا بخير لباس عليا ما فيا والو
يالله غادي يدوي حتي كيسمع الدقان في الباب
جابر (بصوت كيبان راه معجبوش الحال ) : دخل
خدامة : سي جابر لغدا واجد قالت لك لالة عالية نزلو باش تغداو
حرك ليها راسو بالإيجاب خرجت و سدات من وراها الباب
وضع يديه علي خصرها بجنب تم غادي جيهت الباب
جابر : يالله البطل ديالي يالله نمشيو
جا عندو كيجري هزو في يد ثانية و بقا شاد فيها نزلوا لتحت فين كاينة لعائلة مجموعة علي طاولة
مع الدخلة ديال الصالة مونجي كتلمح فاخمة المكان الطابلة لي طويلة معمرة بأواني من الطراز العالي و الكراسي ملبسين بقماش رمادي مخملي شيك
جابر ( بصوت خشن ) : السلام وعليكم
جميع : وعليكم السلام
مشا هو عبير جلس جنب لجد ديالو لي مترأس الطاولة من جهة و الجهة ثانية كاين الأب ديال جابر حتي هو مترأسها لؤي حطو فوق رجليه
....... ( بكل حزم نطق ) : سي جابر مبقيتي كتحتارم حد في هد الدر
جابر (بنفس نبرة و أكثر جدية مع نظرة حادة مباشرة في عينين ديال متكلم لي كيشوف فيه بنفس نظرة و فهموا بعضياتهم بيها ) : حشا اجدي معاش هدا لي ما يحترمكش
كولشي ساكت و كيسمع لي هد الحوار لي معرفينش السبب ديالو
........: لا لا محترمتنيش و معطتنيش قيمة كاع
جاوبو حتى هو ما فاهم والو في الموضوع
..........: علاش الوليد جابر اش داير
........ : بغيت تعرف اش داير( هز الكأس الما بلل حلقو بشواية عليه في حين جابر علامات برود علي وجهو هز لقمة عطها لودو ) مكطيحش بكلمتي للأرض كيسمع ليا ماشي بحال شي وحدين واقيلا والدي
الجدة ( تكلمت و هي صفرة ) : ماشي حرام عليك الحاج طيحتي ليا طونسيو والسكر واليدين مع رجلين كنقول هدا جابر ميمكنش يدير شي حاجة الحاج يعارضو فيها حرام والله حتي حرام اسي عبد العزيز
عبد العزيز (الجد ) : ه ه ه حفدي و عارف ميديرش شي حاجة لي تقلقني هو و لدي أوس غير بغيت نعبر ليكم شويا طونسيو
......... : شوف اخويا رأفت هدو جاو غير لبارح دو لينا بلاصتنا مع الوليد
رأفت (لأب ديال جابر ) : اوا نت تشوف بعينيك اخويا صهيب أش بان لك ا أمينة ختي
أمينة : إوا أخويا رأفت أنا باقي معنديش الأحفاد نت لي غادي تفيدنا أنا كنسمع من عند ماما كتقول بلي للأحفاد ديالها هما كبدة المعودة ديالها
........ ( تكلمت وهي زعما منفخة ) : أودي اعمتي كبدة معودة عندهم هما أوس و جابر أما أنا و ختي ليالي شكون لي كنبانو ليه 🥺
عالية( الأم ديال جابر ) : اهديك سلفانة الله يمسخك شويا و باقا لك تبكي لينا هنا
نزهة (الأم ديال أوس ): ناري يا بنتي يا جوري كن ما كنت نعرف نتيقك و نبدا نبكي معاك
أوس ( وهو كيمسح في الدموع بلعاني زعما راه مأثر معاها و كيرقق في صوتو ): ااااا علاش أنا في هد دنيا و علاش كولشي ضدي 🫣
جوري : عععع جدي دوي معا أوس
عبد العزيز : و بنتي يا جوري وشحال ما كتساليش (نح نح بصوت جدي ديال صافي مبقاش ضحك كولشي سكت باقا غير صوت الفراشط حتي نطق ) بنتي عبير لباس عليك مهلي فيك جابر
عبير ( شفت في جابر بنظرة كلها عشق وحدرت عينها ) : اه اجدي مهلي فيا
عبد العزيز : ايوا بنتي الا ما تهلاش فيك جي عندي قولها ليا نجبد له وذنيه شويا
عبير : شكرا اجدي
عبد العزيز : ما تشكرينيش ابنتي انت في مقام واحده من حفايدي مكانتك بحالها بحال جابر
عبير : الله يحفظك اجدي
عبد العزيز : ولدي جابر باقي ما ناويش تطهر لؤي راك تعطلتي عليه بزاف ياك عندي صح ا لالة ياقوت
ياقوت ( الجدة ) : اه الحاج كلامك على الصواب
جابر : جدي راه في بال غير مع الوقت و الخدمة و الضغط
عبد العزيز : ولكين أنا ديما أش كنقول ليكم العائلة هي الاولى دائما تسبق
جابر : متافق معاك اجدي ولكن راك انت شفتي كل شي على عينيك وإن شاء الله عما قريب نطهروه
عبد العزيز : إن شاء الله وغادي ندير لسبع ديالي صغير واحد حفلة كولشي يبقي يدوي عليها
جابر : أنا اجدي علي قبل وقت لهد الحفلة أنا عطلت حتي لدابا
عبد العزيز : نت خرج سوق هد شي أنا لي غادي نتكلف ياك أولدي لؤي نت هو سبع ديالي صغير
لؤي : لا ازدي أنا سبع لكبييييير 💪 سوف راه عندي لعضلات
كولشي لي في طابلة ضحكوا على هضرتو (إلا خلتها نورهان ميستر مخنزر بانت شبح ابتسامة علي الشفايف لي ما وصلتش لعينيه )طبطب ليه لجد علي راسو
ياقوت ( الجدة ) : بنتي أمينة ضروري ما تقولي ليالي تجي تحضر لختانة ديال ولد خوها جابر
أمينة : إن شاء الله اماما ضروري ما نقولها ليها واخا مغديش تبغي تجي
ئجابر : صافي أنا غادي نتكلف بيها غادي تجي بزز منها
أمينة و الجدة (في نفس لحظة ) : واخا أولدي الله يرضي عليك
كملو الأكل ديالهم في نفس الأجواء ديال الضحك

🫧في الجهة الثانية🫧

فتحت الباب لقات الضلام شويا بدات كتسمع صوت تنخسيس مشات نيشان لستائر فتحتهم وهي كتهضر
نجلاء : عيقتي أ صاحبتي عيقتي مالك على هذه الحالة كلها
هزات مخدة و شيرت بيها ولخرى درتها فوق راسها
نورهان : و سدي نجلاء خرجي بحالك
نجلاء: مالك علي هد الحالة هأنا بحالي بحالك حتي خاصني نسني رابور
نورهان ( من تحت لمخدة ) : لا ماشي بحال بحال
نترت ليها نجلاء لمخدة
نجلاء : نوضي راه من الصباح و هوما كيسولو عليك ماما و بابا كنقول ليهم راك ناعسة صافي والله حتي عيقتي الموضوع ميستهلش هد شي كلو
نورهان(جلست مربعة رجليها هزت لمخدة درتها علي رجليها و جمعت شعرها كعكة مهملة و زغيبات نازلين علي عينيها مع كانت كتبكي و عينيها حمرين كتبان سو كيوت ) : راه مشفتيش الموقف لي تحطيت فيه أنا راه جرني ولا حني عند الباب بحال شي كلبة قدام كولشي كاع الطلبة كيتفرجو فيا (حطت يديها علي وجها و بدات كتبكي عوتاني عنقتها وطبطبت ليها علي ظهرها )
نجلاء : و كون تشوفي انا كيفاش تشوهت مع زعيعر واقفة بكل قويا العقلية كنعيب فيه بحال هكا (🤰وقفت كتوريها حتي بدات كتضحك نورهان ) وقلت علية بلي قرع و بو كرش كون تشوفي وجهي ديك الساعة قدامو وليت كنحس بي راسي ديك الساعة سخونة و فاش دويت بديت كنسمع صوتي في ودني مجهد بحال غير أنا لي كندوي تما وفي لخر لح ليا جوج كلمات ودخل يا بهديك الطولة يا ختي أنا أدوب باقا كنتفكر كاتطلعني التبوريشة مع لحمي (تكت علي السرير و ترخات حتي خبطتها نورهان بالمخدة كلست قافزة ) تي فقي صباح الخير
نجلاء : حرام عليك اصحبتيي مالك راه زين حبو مولانا
نورهان (بحالا سهات ونطقت غير بشويا ) : هو زين ححببومولانا
نجلاء : شوف لك دحشة كيف طولتها هاي هاي هاي مقلتيش ليا ميستر مخنزر ديالك كيف داير
نورهان : أش غادي نقولك عليه ااااااه (حتي جمعت راسها راسها و قالت ) أنا مغديش نوصف لك أنا كنغير علي رزقي
نجلاء ( بدات كاتضرب فيها ) : ولا ولا دوي الزمرة أنا راك عرفاني عيني غير كيدوروا نخاف يعجبني المحرم ديال اختي
نورهان : نننن تفرقي مني ناري يا صكعة أنا راه تزعطت صافي نساي عليا الموضوع دابا أش غادي نديرو شكون غادي يمشي معانا
نجلاء : نت لي نساي عليا هد الموضوع دابا الكليكة ديالنا دايرين واحد سوارية بالليل ( يالله شفتها باغا دوي وهي تزرب في هدرة وقطعتها ) شوفي مكين ما ولا كين أنا راه رفضت في لأول ولكن دابا بان ليا من لأحسن نمشيو واخا نبدلو غير الجو
نورهان: بلاتي انا غادي نمشي معاك على قد عقلك نديرو انا قبلت ما غاديش يخليونا نخرجو
نجلاء : مالك ا صاحبتي مكلخة احنا ما نقولواها لحتى شي واحد غانخليو حتى كل شي ينعس عاد نخرجو عفففففففففاك🥺
نورهان : نجللللاء ما تبقيش تشوفي فيا بهذ النظرة صافي وووووااااع(سكتت شويا عد نطقت وهي مترددة ) و واخا
نجلاء (وقفت بزربة بستها في حنكها بجهد ) : كنموت عليك أنا يالله شوفي أنا غادي نخرج نمشي للمول شفت البارح شي كسوات وكنت مزروبة يالله نرجع لقاك حيدتي عليك هد الحالة دوشي وكولي لك شي حاجة يالله تشاو تشاو ( رمات ليها قبلة في هوا و خرجت كتجري )