الزواج تحت الاجبار : 😍💔 الحلقة 01

الحلقة 03 👥️

يتبع ..... 💌

هااي شكيليطاات كيف صبحتو لاباس كولشي مزيان هاد الجزء خطير فهاد الجزء غيوقعو شي تافاصيل واااعرة لمهم بلاما نشكرو بزااف حيت هو شاكر راسو براسو او غنكوليكوم تبعو الحلقة من لول تا لخر وكنحماااق عليكوم يا احلى شكيليطات 😍💘🤭🫠

سلاو فطورهوم يالاه جا نزار باغي يخرج تا تكلمات هيام مانعاه انه يخرج

هيام : صبر اخويا بغيت نكوليكوم واحد الموضوع كلسات لالة فطوم وحتا نزار

لالة فطوم : الله يسمعنا خبار الخير

هيام : الخي الخير اماما فطوم غا كوني هانيا لمهم بغيت نتشاور معاكم فواحد الموضوع انا بغيت نخرج نخدم

نزار وهو مخنزر : علاش انا مخاليك ناقساك شي حاجة وانا مافراسيش اولا ؟!

هيام : لا لا اخويا بلعكس غا انا كنقنط بزااف وزيدون صخبتي رؤية شافتلي واحد الخدمة معاها فواحد شاركة علا الله يقبلوني

لالة فطوم : اوا لي بالك ابنتيي حنا معااك فيه المهيم تكوني مرتاحة

هيام : عارفة لي كاين اماما الله يخليك ليلي وصافي 😍💘
ناضت جمعات طابلة ولبسات عليها واحد يروال د كيجي لاسق او واحد طوب top فلكحل كيجي معري من اليدين او لاسق او فوق منو جاكيت بيضة او سبرديلة فرجلة ويلاه جات خارجة تا سمعات نزار كيعيط عليها

نزار : خودرية هيام هيام ... اجي

هيام : نعم اخويا شنو

نزار: هاكي باش تشري داكشي لي خصك للخدمة "عطاها 400 درهم"

هيام : لالا اخويا بلاش عندي شكراا بزاااف والله مامحتاجا

نزار : هاكي شدي بلا فهامات بزااف وردي البال لراسك

هيام : واخا شكرا بزاف

خرجات عيطات لصحبتها رؤية او مشاو لواحد البوتيك باش يشريو لبسة لي غتلبسة هيام غدا بقاو كدورو تا طاحو عينين رؤية علا واحد الكسوا لي كانت فالحمر كاتجيي لاسقا علا la taille اوا صافي شراوها وكازو لواحد البوتيك اخور ديال صبابط بقاو كيدورو تا شافو واحد طالون زوين ناشيي عالي بزاف غايجيها مع لبسة واعر صافي شراواه بقاو كيدورو فلمول mall صافي مشاو ل mcdo كلاو وسالاو و كل وحدا مشات لدارهم رؤية هي ديك البنت لي كانت مع هيام ف الميتم خرجات مورا هيام ب 3 ايام جبرت واحد دار كارياها او خداما فواحد شاريكة حيت هوما كانو كيقريوهوم فالميتم صافي وصلات هيام لدار لبسات عليها بيجامة ديالا وجمعات شعرة وكلسات كتوريي لالة فطوم داكشي لي شرات
اما فمكان اخر كان واقف قدام المراية كيلبس عليه باش يمشي لشركة ديالو نزل باش يفطر تاكيجبار الوليدة ديالو كالسة كاتفطر كلس معاها فطاولة دلفطور يالاه جا يخشي لقمة فدوقمو تابدات عليه مو عاوتاني بنفس ديسك

لالة هنيا : اوا اولدي امتا نفرح بيك اونشوف ولادك

...:عوتاني الواليدة شحال من مرة قتلك انني ماباغيش نتزوج زواج اخر حجة تفكر فيها

لالاة هنيا : "بغضب" شوف يا غتجيب شي بنت ناس وتكون كتبغيها وتبغيك يا غنشوفلك مع بنت خالتك خولة اصلان هي كتحماق على تراب لي كتمشى عليه (قالتلو هايدة غا باش يتزوج بشي بنت ناس حيت عارفاه معندوشي معاها)

....: دبا شنو كتهدديني زعمة ولا شنو ؟؟؟!
٧د
لالة هنيا : فهمها كيف ما بغيتي

ناض اوخرج من القصر وهو معصب لاقصى درجة كان كيسوك بوحد سرعة جنونية هو من نهار ماتت حبيبتوو او هو رافض فكرة دزواج نهائيا من بالو وقف امام شركة رما ساروت ديال طونوبيل لعساس ديال شركة ودخل وخلاه مشا نيشان نمكتب ديالو جات لعندو سيكرتيرة ديالو دقات جوج دقات دخلات منبعد ما عطاها الادن بدخول عطات ليه شب وراق باش يسنيهوم نسيت منقولكوم بلي شاركة فيها جوج ديال المول شي لول هو البطل ديالنا نسيت مانكوليكوم سميتو مصعب لمهم وتاني هو صاحبو وائل لي تعرف عليه ملي كان خدام فلمافيا ☠️🚫

فمكان اخر هيام لي كانت كتلبس عليها باش تخرج مع ديك 10ديال صباح كانت لابسة ديك الكسوة لي شرات و طالون ديالة خرجات من دار يالله جات تقطع شانطي او هي تجي واحد طونوبيلة كاتجريي بواحد سرعة جنونية وقفات ليها مع رجليها غا ربي لي حفظ وصافي نزل الولد من طنوبيل باش يطمن علا البنت تا كيشوفها بدات كتعاير فيه

هيام : "بغضب" واش عور بقات فزين راه كونتي غاتقتلنيي يا لبوهاليي يا كحل العفزة يا بو مزوي مشي الله ينعل اصل جد لوك يا الحمااااااااار....... مخلاهاش تكمل الهدرة ديالا

وائل : هيام هادي نتيي ؟!!!

يتبع ...... 💌

هااي شكيليطات كيف جاتكوم الحلقة دليومة؟!!! كتبولي راي ديالكوم ف commentaire مهم انا كنحماق عليكوم باااي 😍🤭🫠