أيسل:: لا يمة ما اريد اكُعد يم دائب سويلي لفه... راحت سوتلي لفه كعدت اكل وهوَ دخل ضايج كالعاده صعد بدون حتى لا يحجي وياي يلا بعد احسن ورا اشوي نزل ولزم لمار من زندها والشرار يطافر من عيونة حتى خفت اريد ابلع اللكمه ما اكدر لا اكدر اروح ولا اكدر اضل بقيت مثل بلاع الموس...
لمار:: شـ.. شكو
دائب:: اكوو اورااق حطيتهنن على الـ ميز هناا ووياهن كيس بي مثل الطحين وينهنن بسرعهه
أيسل:: جان يحجي بحده وطريقه كلام تخوف بقيت ابلع بريكي
لمار:: خـ خليني افهمـ....
دائب:: وينهننن لماااارر
لمار:: قـ قبل اشويَ ا اجه ولد العصر كـ كال د دائب دزني على اوراق ووياهن كيس بي مثل طحين عبالي انتَ دازه وونطيتهن و...
أيسل:: ماحس غير دافع لمار ويغلط ويكفر كسر المطبخ خفت حتى بجيت رفع اصبعه بتهديد بوجه لمار وحجه بحده
دائب:: راح اروح نص ساعه وارجع اذا رجعت ولكيتج ادفنج وانتٍ عايشه مفهوم!
أيسل:: مد ايده بجيبه وشمر عليها فلوس باوع علية وطلع كمت بسرعه رحت الها كومتها وغسلت وجها وكعدنا بغرفتها... ما اخليج ترحين هسه احجي وياه
لمار:: لا لتحجين راح اروح وهوَ هم حقه لو شيسوي ما الومه يعني انا شكد غبيه يعني ياهوَ اللي يجي يكلي اريد كذا شغله انطيها الة بدون ما اتصل علية!
أيسل:: اخذت ملابسها وراحت! ما اهتمت الي ضجت حيل وزعلت منة بعد ما احجي وياه مر اليوم عادي الى انَ ساعه بـ12 بالليل جنت نايمه يم أيهَم وهوَ بحضني حسيت على احد يريد يحملني فتحت عيوني ببطئ ورجعت غمضت ورا اشوي فتحت عيوني وكمت من السرير افرك بعيوني... وخر اريد اطلع
دائب:: روحي واصله لهناا لهناا واصله تعاي نامي هنا احسلج
أيسل:: ما
دائب:: بطلي هذا العنااد ترا مو حلو!
أيسل:: رحت نمت بطرف السرير توة تقرب باس شعري حجيت بعصبيه.. وخر ولا تحجي وياي
دائب:: ليش
أيسل:: ترا خطيه لمـ....
دائب:: ااشش
أيسل:: شنو اش شنو اش داائب!!!! يعني هسه هيَ تشم ايدهاا والله الولد يكذب لمار اذا ما رجعت للبيت تحلم اباوع بوجهك لو احجي وياك وخر... كمت طلعت معصبه دخلت يم أيهَم ونمت يمة كعدت الصبح مزاجي مُتعكر سبحت وبدلت وسويت شعري وتعطرت ونزلت سويت ريوك زيتون ومربى وتوست وبيض وعصير بُرتقال وصعدت كعدت أيهَم دائب هستوه نزل الساعه جانت بـ8كعدنا ناكل بهدوء باوع علية أيهَم وبتسم ابتسمتلة ورجعت اكل وهوَ كُل اشوي يباوع ويرجع ياكل وانا متجاهلتة لأن ادري بي يكره التجاهل كام وطلع وانا كمت غسلت وأيهَم هم نضفت البيت وغسلت المواعين والملابس وعطرت البيت وبخرتة وصعدت شمرت نفسي على السرير...
