مُعذبٌ مِنْ هَجرهِ أشكوُ بُعاداً وقَلا
رُوحِي بهِ هَائمهٌ منهُ فَقدت الآمَل
فِي حُبهِ لي قُصةٌ غَدتْ لَغيِري مَثلا
مثليه_عراقية
الي مايعجبه هيج لا يدخل فضلًا وليس امرًا
تحتوي على الجنس والاغتصاب والفاض جريئة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
"الكاتب بَيان"
تجاهلوا الأخطاء الإملائية
قراءة مُمتعه
---
ضيغم يحاول يكعد ايثان علمود يتريك صارت ساعه 10 وهوَ ما كاعد ومو من عوايد ايثان ينام هلكد جان يكعد قبل ابوه بس ما يدري شبي اليوم متكسل والمفروض يكوم علمود يروح للجامعه
-ايثان بويه اكعد شبلاك!
صاح ضيغم بصوت عالي حتى ايثان يكعد بس ايثان ما حس بشي اصلًا ضيغم تقرب منه وضل يتحسس جبهته وخده ووجهه كله جانت حرارته نار! هاي ثالث مره يصير هيج وياه ايثان ضيغم ضل يفكر بيمن يتصل يجي يساعده وليام بالجامعه وايوان همين قرر يتصل على مُثاب اتصل اول مره مشغول دقيقه ومُثاب هوَ اتصل فتح خط وقبل لا يحجي مُثاب حجه
-عمي تعذرني لان ما جاوبت عليك اجاني اتصال طارئ احجي تاج راسي خما صاير شي؟
-والله يا عمي ماريد الهيك عن شغلك بس عدنه ايثان رجع صخن
-جايك عمي ربع ساعه اني ببابكم
كال هيج وسد الاتصال ضل ضيغم يحاول يكعد ايثان بس ما كعد جسمه حار ويتنفس بقوى وحرارته وتعبه زاد أكثر من هذيج المره مر عشر دقايق وسمع فتحة باب عرف انَ مُثاب اجه وكام بعده ما فاتح باب غرفة ايثان فتحه مُثاب وهوه خايف ويلهث بسبب الركض
-اتصلت على الدكتور حتى يجي يفحصه حالته مو مال ناخذه للمستشفى
-بعد عمك معدل انتَ واخيك مادري شصارله هلايام
صفن مُثاب من عمه كله اخيك بس اكتفى بالابتسامه الضيغم حتى ما يبين اله انو اكو فد شي اكعدوا يناطرون الدكتور ومُثاب بلل منشفه وكعد يمسح بوجه ايثان وايديه ما راد يفتح قميصه بس ضيغم كله لان حرارته تصير كلها بصدره فتح قميصه وهوَ يحاول ما يركز بجسمه لان مستحي من نفسه بسبب سالفته القديمه ضل يمسح بجسمه وهوه يباوع بوجهه شاحب واصفر وضعيف لان ما ياكل ولا يشرب ماي هواي، ضيغم راح يفتح الباب للدكتور ودخله الغرفة ايثان ابتعد مُثاب حتى الدكتور يفحصه، بعد ما فحصه انطاهم ورقه واصف بيهن ادويه الحالة ايثان وهم طلع عنده تسمم بالمعده وفلاونزا قويه، شكر ضيغم الدكتور وطلع ورا سد الباب ورجع يم مُثاب الي صافن بوجه ايثان وكأنه شارد بي وما يفكر بشي عافه ضيغم وراح كعد بالصاله حالة ايثان تتعبه ما يتحمل يشوفه هيج، مُثاب ضل على كعدته لازم ايد ايثان ويباوع بوجهه
