گعدت يابه شتريد غفيت بلغلط.
بابا يگول خل يرجع للبيت علمود ياكل ويجي ينام لان ملتم التعب بيك.... ضلو صافنين على بعض وايهم گال.. باوع ايهاب ادري بيك تعبان ومنقهر كلش. على موت مرتك وهاذه حقك وكلشي قدر بويه منگدر نحكم على قدر الله وكلنه على هاذه الدرب وعندك اطفال حاليا ولازم تدبر امرهم ميصير يبقون بدون معين.
باوع الاكبر للاصغر وحچه" كله بسببي.
شنوه بسببك؟
كله بسببي ماتت "باوع الاصغر بستغراب وگال ليش بسبكك؟رد الاكبر كله بسببي ماتت لو اني وديتها لدكتور وعرفت بمرضها وعالجتها بس الي سويته هوه اتعبهم واهمل مرتي واكضي وڪتي كله بل شغل.
اشش اسكت انتَ ما الك دخل وبعدين لاتحجي هيج.باوع الاكبر لايهم وهوه يواسيه . يلا گوم خلنروح ترا خفت هنا والله يمكن مسكون و اول ماجيت بلدرب سمعت صوت امشي وياي حباب عفيه
ابتسم الاكبر وگام يلا مشينه.
وهمه ديمشون بلطريق وتقريبا الساعه2:00بليل سمعو صوت.
شفت گلت الك هنا المكان مسكون
يامسكون يجوز چلب او بزونه انتبهه الاصغر وسمع صوت چلب وصار يمشي وره ايهاب
شبيك هيج تخاف ترا هوه جلب قابل شنو حيسويلك ماراح ياكلك وبعدين امشي گدامي لا تضل جبان.
حچه الاصغر يابهه شنو لاتخاف؟ عود اذا جا هجم اعوفك واشرد والله
قهقه الاكبر وضرب ايهم ضربه خفيفه على ضهره"
وصلنه يلا خلنفوت "ايهاب ابني وين جنت
" يمه جنت بره دا اشتم هواء نقي لان تعبان حيل." ديلا ابني فوت غسل وخل اسويلك شيء تاكله" تمام يمه
__________________
ايهم"ماما وين حنام
انغام"ابني حتنام فوگ ويا ابوك
ايهم"خوش يمه و شسمه باجر شوكت نروح؟ ترا ما اتحمل ابقى هنا اريد ارجع اطلع افتر ويا ابهر
انغام"باجر نرجع تخلص الثلاث ايام مال مرت ايهاب
ايهم"اممم تمام بس تدرين كدرت اغير موده؟ بكل بساطه خليته يضحك شوفي اني حتا الحزين اخلي يضحك وين اكو مثلي
انغام"يا ماكو مثلك ابد بس صدك شنو گلت اله بويه
صفن ايهم وتذكر هوه خاف علمود هيج ضحك ايهاب. ءحمم گلت نكته وضحك.
ههههههه ها وليدي عفيه لعد خوش.
___________________________________
وليدي ايهاب صار الاكل تعال اكل وليدي
گعد ايهاب بل گاع وامه صبت اله الاكل وبدا ياكل ويلوچ بل لگمه وگال"يمه باجر حطلع لشغل
انغام "تمام وليدي سوي الي يعجبك.
ضل صافن ايهاب "تمام يمه خلصت حگوم انام.
بدات تشيل الصحون وشافت ابنها صعد فوگ وضلت تبچي مقهوره على ايهاب لان فقد مرته الي يحبها.
طلع من الغرفة و راح للاستقبال علمود يشوف عمه وابنه اذا محتاجين شي او لا،
شاف عمه وايهم نايمين وابوه هماتين نايم فاراح رجع للغرفة انمطل على بطنه وخله خشمه بنص المخده،
ورجع يتذكر مرته وسوالفه وضحكه وياهاا وشلون جانت تهتمله وتخاف عليه..حس يريد يبجي ويطلع البداخله بس ميكدر،
دموعه مداتنزل يمكن لين هوا يحاول يبين انه قوي ورجال بس ميكدر ميكدر يتحمل الوجع الديحسه بكلبه...
صار يشم بالمخدة على امل تكون ريحتهاا موجودة بيهاا...الى ان غفى ونام وهوا يفكر بيهاا...
__________________
"ثاني يوم الصبح"
دخل ايهم للغرفة يكعد ايهاب ورة مامرت عمه كالتله يكعدة،
شاف ايهاب وهوا نايم ودافت وجهة بالمخدة،
ايهم بدا يباوع لنص ضهرة المبين بسبب انه ممتغطي زين وانتبه عليه شلون ضخم وبدا يزيل الغصة عنه ويباوعله...
ورة دقايق انتبه النفسه ف مد ايده وبدا يحرك بيه وهوا يصيح عليه"هييي عمو اكعدد يلهه عمه تريدك جوا تكول خلي ينزل يتريك."
بدا ايهاب يكعد ويفتح عيونه وره مسمع ايهم يناديه...التفتله وضل صافن عليه وره ثواني استوعب نفسه وكاله"هاهية كعدت راح انزل اني"
بقى ايهم واكف بمكانه وهوا ينتضرة ينزل وياه...
انتبه ايهاب انو بعده واكف ف استغرب"ليش بعدك واكف؟"
باوعله ايهم وتلاكت عيونهم سويه وحس بتوتر بسبب عين ايهاب الجانت حادة ويباوعله كانو يخزرة رد عليه وهوا يبعد عيونه عن عيون ايهاب"مو شسمه لين منتضرك غير."
........
هماتين البارت چان گصير بس على الجايات حنطولهم اكثر
ءحم طبعا نجحت وتحمست اكتب على السريع 🙈
اذا ماڪو زحمه تعليقاتكم وتصويت علمود نستمر ب اذن الله ءمححح احبكم ❤
التنزيل صار كل سبت وثلاثاء
❤باييييي❤
أنت تقرأ
أيِهابَ
Teen Fictionخَاف أمُوت ومَا أشُوفك دِيربالك علىٰ عِيونك لأ يذبلهٕا ألغيَاب وخَاف أرُوح ومَا أبوسَك تدِري بيَا شَگد أحبَك حَط لِي خَدك علىٰ الترَاب ومِن تخلِص ألفاتحَه بَس گُول أحبَك حتىٰ توصلنِي ألـ أحبك بالثوَأب،.
