بيت ابو عايض
راكان كان جالس مع خالد
الضو مولّع وريحة القهوه تملى المجلس ن وراكان متكي على الفرشة يلعب بالمسبحة وهو سارح
قال خالد وهو يصب القهوة بفنجاله : وش فيك يا ولد؟ ما شفتك هادي كذا إلا من خذوا عنك الجوال بالثانوي
ضحك راكان وردّ وهو يغيّر النظره: أشوف الدنيا من زاوية غير يوم عرّس أختي حسّيت الزمن يركض بعد كل هالسنوات كبرت مع عمي و امس زواجها
رد خالد وهو يرفع حاجبه: ولا تقول إنك متضايق؟ ما هو العرس اللي يوجّع إلا القلب إذا حس بشي
ناظر راكان بخالد وقال: اخاف عليه منها وأخاف عليه مني بعد... من طيبتها من ضعفها له وهو... مدري فيه شي بعيونه ما يطمني
قصر ال هِزّاع
الشمس توها طالعه
ونورها ينكسر على شباك مجلس الرجال
رهِاف كانت بالمطبخ تجهز القهوة بنفسها
تحب تسويها لأبوها كل صباح
البيت هادي بشكل غريب كانت تحس انها بسبب غياب شادن
رفعت أكواب القهوه وهي تمشي للمجلس
عيونها تشع فرح
لبسها بسيط
تيشرت ابيض قصير وجينز
شعرها ملموم وريحة عطرها ناعمه
دخلت على أبوها
قالت وهي تبتسم: صبحك الله بالخير بابا
سعود ناظرها وضحك: الله يصبّحك بالرضا يا بعدي
وينك من الصبح؟ تأخرتي علي
قالت وهي تمد له الكوب : قاعده أدور أفضل بن يرضيك
سعود شرب أول رشفة وسكت شوي
ناظرها وهي تجلس قدامه: ما شاء الله وش ذا النور
رهِاف ضحكت: من نورك يبه
قالت وهي تتكلم بنعومه ودلع: تدري إني صرت أحبّك أكثر من قبل؟
قال وهو يمزح: وش السالفه؟ بتطلبين شي؟
قالت وهي تميل عليه: مابي شي
سعود سكت شوي
ناظرها بعمق
قال: الله لا يفرقنا يا بنتي
ثم نطق بصوت واطي وكأن قلبه ثقيل: بس لا تنسين مهما صار... إنتي دايم بخاطري
رهِاف حسّت بضيقه بصوته
بس ما قالت شي
قامت تمسك يده وتبتسم: وأنا بعد بابا
كل قلبي معك
نطقت تحاول تغير الجو وهي ما تبي تنطق
رهِاف بارتباك : بابا بسالك راكان وينه مو بالعاده مايكون معاك ؟
رد سعود : عند خالد خويه وكمان عشان الشغل حقه يشوف له مشفى هنا
سكتت وهي متعجبه من نفسها كيف تسأل عنه
بعد ثواني
نطقت بحماس : بابا حاكيت شوشو عن عزيمة اليوم وبتجي
هز راسه وضحك
تامل حماسها وهو يبتسم لها بحب
حضنها وهو ماوده يفكها
YOU ARE READING
شلون أبأمنك وأنت صيدٍ ينهش الحنايا؟
Romance" احبك وأخافك وشلون يعيش قلبٍ بين نارين ؟ "
