دخـل وغـى للغرفـة مالت غيـث بالمستشفى يردف
:. يگولون يريد يجي ضابط تحقيق على وضعك يلا تطلع
(يگولون/يقولون)
:. اهو انطيني النقال مالي خلگ هاي السوالف
(مالـي خلگ/ليس لي مزاج)
اخذ الموبايل يتصـل على محمود
:. ماتدبرلي موضوع التحقيق؟
:. شلون ادبره يعني، انت احچي أي شي
(احچي/تحدث)
:. محمود لاتاكل خرا، شحچي هو شعرف حتى احچي؟! ما احب اظهر بمظهر الغبي، دبر الموضوع لاحلگك اشگه
(حلگك اشگه/فمك أمزقه)
:. شگاگ ابو الوصخ
تمام انگلع هسة اشوف شسوي
(انگلع/انقلع)(اشوف/ارى)
:. جيبلـي ملابس وتعال للمستشفى، شلون اطلـع يعني؟!
:. مبتلي بيك عزيزي، بس يلا تمام جاي
اغلق الأتصال والأخر رجع راسه للخلف
:. روح للبيـت هسة مزن لوحده
:. أمي هناك
:. والله ما اعتقد امك باقيه بالبيت للأن
سكت الأخر بدون رد، بعد نص ساعة انفتح الباب يدخل محمود وهو بيده مجموعة من الاكياس خلاهن على الطاولة
:. رتب الآكل وغـى
اقترب من الأخر يطلع أله ملابس من الكيس
: هذن ملابس غيـث
:. طلعوا ابدل
:. دبدل وانچب، تعال وغـى ساعد اخوك أني ارتب الآكل
، تنهد غيث والأصغر اقترب يساعده يرتدي القميص لأن كتفه يأذي ومايگدر يتحرك، وبعدها طردهم يكمل هو ارتداء الباقي
(مايگدر/لايستطيع)
دخلوا بعد وقت وهو تحدث
:. بالبيت اتسمموا خل نولي
گعد محمود:. والله ولا اطلع أذا ما آكل، عفت الآكل واجيت متت جوع، تعالوا عليكم الله
(گعد/جلس)
تنهد غيـث رافض ياكل بس وغـى سواله لفـه يخلي ياكلها علمود العلاج وبعد ماكملوا آكل طلعوا، ومحمود اتولـى أمر الشرطة والتحقيق
أنت تقرأ
أبـن الغـجريـة
Non-Fictionماذا سيحـدث بعد معـرفة غـيث أن لـه أخ لايعلـم بوجودة وكيف سيواجـه غيث تحدي تربيـة ذلك الفتـى الذي لم يراه بحياتـه قصـة باللهجـة العراقـية، تترجم الكلمات الصعبـة للفصحـى للتسهيل على باقـي القراء من غير دول
