🌸ပန်းနုရောင် ဘာသာစကား🌸
~~~~~~~~~~~~~~~~~~~~~~
Part _ 44
"ဟယ် သား ပြေလေး
မျက်နှာက ဘယ်လိုဖြစ်လာတာလဲ "
"ဟယ် ပြေလေး "
"ဟာ ငါ့မြေး "
ကားပေါ်ကနေ ဆင်းလာတဲ့ မြေးဖြစ်သူရဲ့မျက်နှာကြောင့် အိမ်ကမိသားစုအကုန် ကြည့်ကာ အံ့သြနေကြသည်...
မျက်နှာတစ်ခုလုံး ဖူးယောင်နေကာ နားထင်နားမှာပါ ကွဲနေလေသည်...
"ငါ့မြေး "
"သား ဘာမှ မဖြစ်ဘူး ဘိုးဘိုး "
အပေါ်ထပ်ကို တက်ဖို့ လုပ်နေပေမယ့် အဒေါ်နှစ်ယောက်က အတင်းဆွဲထားတာကြောင့် ပြေပြစ်ဂုဏ်ရောင် စိတ်တိုလာပြီဖြစ်သည်...
"လွှတ်ပေးပါ တီကြီးတို့ရာ ရွယ်ကိုးနဲ့ စကားပြောရမှ ဖြစ်မယ် "
"ဘာဖြစ်လာကြတာလဲ....ကလေးကို ကြိုနေကျနင်က ဒဏ်ရာတွေနဲ့ ပြန်လာပြီး ကလေးက အငှားကားနဲ့ တစ်ယောက်တည်း ပြန်လာရတယ် "
မေးလိုက်တော့ ရုပ်က သနားစရာကောင်းလောက်အောင် ပျက်ကျသွားကာ သနားစရာအတိ...
"ဟဲ့ နင် ငါ့သမီးကို ဘာလုပ်ပြန်ပြီလဲ "
"တီငယ်သမီးမဟုတ်ပါဘူး....သားမိန်းမ "
"ဘာတွေဖြစ်ကြတာလဲ ပြောစမ်းပါ ပြေလေးရယ် ကလေးကို နင်ဘာအနိုင်ကျင့်ပြန်ပြီလဲ "
"ဒဏ်ရာရလာတဲ့သားကိုကျ မပူကြတော့ဘူးလား ဂျီးဒေါ်တို့ရယ် "
"ကဲ ငါ့မြေး ဘာတွေဖြစ်တာလဲ သေချာပြောစမ်း ....မြကျောက် ကလေးအနာတွေ ကို ဆေးထည့်ပေး ...ဆရာဝန်ခေါ်လိုက်သွား"
"ရတယ် ရတယ် မထိနဲ့ ....ကိုး လုပ်ပေးလိမ့်မယ် "
"ကဲ ဒါဆို ဘာဖြစ်တာလဲ အရင်ပြော "
ပြေပြစ်ဂုဏ်ရောင်က ဒီနေ့ဖြစ်သမျှကို မချွင်းမချန် တစ်လုံးမကျန် ပြောပြလိုက်သောအခါ....
"တောက်..မင်းက ငါ့မြေးလို့ မပြောစမ်းနဲ့ "
"ငါ့သမီးလေး ရှက်တာလည်း မပြောနဲ့...ငါသာဆိုလည်း ငါ့သမီးလိုပဲ ထားခဲ့မှာနင့်ကို "
"ပြေလေးရယ် ဘာလို့ စိတ်လိုက်မာန်ပါတွေ လျှောက်လုပ်ရတာလဲ ကလေးကျောင်းမှာ နင်အတော် ပြဿနာရှာတယ်ဟယ် "
YOU ARE READING
🌸ပန်းနုရောင်ဘာသာစကား🌸
Romanceနှောင်ကြိုးပဲရှိရှိ မိုးသက်မုန်တိုင်းပဲရှိရှိ ငှက်တစ်ကောင်သာဖြစ်ခွင့်ပေးပါ.... မင်းဆီ ကိုယ် အရောက်လာခဲ့မှာပါ....... Start Date _ March 21 ,2025 End Date _Jun 10 ,2025
