....
' كاعد على الكرسي وصافن ع الحديقة من الشباك بعيون خاملة وانفاس هادئة لدرجة مامسموعة، حرك كفه الي جان منتجي عليه ودخله بجيبه مطلع التلفون فاتحه، اتجه لتطبيق الموسيقى يشوف الاغنية الوحيدة الي بي، تنهد بخفة وضغط على تشغيل بادي يستمعلها وهو شارد بافكاره '
" يا محلى ذيج الصدفة"
" خلتني اني اعرفه"
"وروحي عليه متلهفة، وبس احجي بي"
"اغار اغار اغار، من كلشي صرت اغار"
' غمض عيونه بأبتسامة هادئة، جفل بخفة من سمع الباب ينفتح بقوة، طفه الاغنية فورا ورجع يباوعله ببرود '
آدم: تعال اكل ويانه
آجام: شدتاكلون
آدم: زقنبوت بمعدتك ناكل، كليجه وببسي
' همس بأول كلماته بس سمعه اجام مخليه يتنهد ويستقيم يوكف يمه'
آجام: هم لسانك طويل قبل؟
آدم بصفنة: لا
' دنك آجام لطوله وابتسم مستلطف شكله مخليه يرفرف عليه '
اجام: لعد يمته صرت هيج
' قلص آدم عيونه مستغرب نضراته هاي، قضم شفته السفلى بنوع من الامتغاض بعدها نطق بصوت هادئ '
آدم: من يوم البديت تنيجني
' وسع آجام عيونه بصدمة من لفظه، ماتوقع ابدا يطلع منه هيج شي، وهلة من صدمته ورجع يبتسم بأستهزاء '
اجام: تنطقها بكل صلافة شنو تعودت؟
' ابتسم ادم بجانبية مستهزئ، رجع انظاره اله وتقربله بعدما اختفت تبتسامته رافع ايده لرگبة اجام متلمسها بشوية قوة مخلي الاكبر يستغرب ،ضغط اكثر ورفع نفسه حتى يوصل لطوله وهمس يم شفايفه بصوت هادئ '
ادم: انسى ادم القديم الخجول، استمر على هذا المنوال مدامه ميعجبك
' ابتعد عنه مباوعله شلون هادئ ومتعمق يفكر بكلامه او بالاحرى بسبب قربه، انعقجت ملامحه بأنزعاج من شاف الاكبر يضحك علكيف '
آجام: على فكرة خاف مكايلك قبل الحادث، تشعلني شعل بصلافتك ماتضوجني!
'كال اجام بوسط قهقته الخفيفه مخلي ادم يبتسم بوسع ويا'
ادم: نشوف صلافتي وين توصلك!
' كالها وطلع من الغرفة ساد الباب بقوة، تنهد اجام بابتسامة، سعيد كلش بهيج مواقف ولحظات
، فجأة رن تلفونه بصوت خلاه يجفل، رفع التلفون يشوفه رقم غريب فتح خط يسمع صوت بنية'
:الو شلونك آجام؟
' عقد حواجبه باستغراب ورد بصوت رزن'
اجام: هلا منو؟
