# دهَــالــيـز نــارا
#الكاتبه :زينب طالـبَ
جــوريـاتـي ألـحـلـوات لا تـنــسـون
ألـتَـصـويـت وألـتـعـلـيـق بـيـن ألـفـقـرات حـتـى يـصـعـد تـفـاعـل ألـروايـة
كعدت على راشدياات خفيفة ، وعيوني تدور بالغرفة وكأنوا ضايعه .
رباب : يمّه كومي ، شبيج؟
نارا : مابيّه شي ، خفت بس ، مابيّه أريد أكل .
كامت أمي تسويلي أكل وبقوا ليان وحيدرا يمي گلت بهضم
نارا : حيدرا؟
حيدرا : محد يستاهل فكري ، فكري بنفسچ ، سياف ماراح ينطيج صحتج! ولو بي خير ويحبچ صدگ چان خطبج وانتهى وانتي؟ تحاربين السرطان وحدج كافي عاد، نفسج أولى ، استودعتج الله رايح للشركه،
عافني وطلع وليان كالت ،
ليان : شنو رأيج نروح مركز تجميل؟ نجهز للخطبة مال مينا؟
نارا : نرجع للعراق؟
ليان : أي اني وياج وحيدرا وخالتي .
نارا : وخالتي متجي؟
_لا ، متكدر
نارا : أوكي حبي ، نروح ليش لا بس خلي أكل احس انسطرت
_ رايحه اسويلج أكل .
_ حتعبج
راحت وكعدت اني ابدل،جابتلي الأكل، واكلنا سوه وبعدها طلعنا.
خابرت حيدرا وكتله
نارا : حيدرا ، راح نروح لمركز ****تعال أخذنا.
حيدرا : سايق مال الخلفوجن اني؟
ليان : ابو لسان! والله لأكول لماما .
ضحكنا وسدينا الخط. ودتنه امي ورجعت ، دخلنه للمركز ولكينه الصالون مليان بنات ،
عيني علگت على جهاز وشم ، صفنت عليه وقررت أوشم .
رحت للبنيه وكتلها
_ حبيبتي ، اريد اسوي وشم
البنيه : اي حب اخذي حجز
أخذت وكالو اني رابع وحده ، وليان متدري جانت تسوي وجهها بغرفه ثانيه
أجا دوري وسألتني البنيه
_ شتريدين اسويلچ قلبي؟
نارا : أريد ( دهاليز نارا ) بخط الرقعه .
_ اوفف ليش هالاسم؟ ليش دهاليز؟ تفائلي حب
_ اشتغلي حبي شتغلي ، حتى الخيال ما بيه تفاؤل بعد .
بدت توشملي خلف اذني واني ابجي يوجع حيل ، اجت ليان ضلت مصدومه
ليان : هاي شدتسووين؟؟
_عندي موعد ويه جهاز الوشم متدرين؟
ليان : قصدي ليششش؟؟؟
نارا : أحلا وخري عني وجيبيلي مي .
مر الوقت وخلص الوشم ، وسويت عنايه بشرتي ، حفافه ، وترتيب ، وطلعنا للمول نشتري فساتين .
عجبني فستان أسود فاحم ، من الصدر ملموم ليم الركبه كلوش ، والظهر مفتوح النهايه الصدر ، يجنن أخذته .
وليان اخذت نفس التصميم بس لون أحمر
أخذت كعب اسود والإكسسوارات عندي ، التفتت على ليان وكتلها .
أنت تقرأ
دهاليز نارا
Horrorبين طيات صحف الحياة وبين درابين أرض الروحاء من بين العديد من الفتياة هنالك فتاة تحولت الى اجزاء من الخوف كُل جزءً يرجُوا الله ان يدب الامان به اروي دهراً لهُ حكاية مختلفة تلعب دوراً في حياتي وحياه من حولي......
