وصفة الحب

XVIIII

_سلمى:فين هو بيتي؟؟

أوس(مطلع فيها حاجب):كيفاش بيتك؟!راك مراتي الشريفة ايلا نسيتي نفكرك،يعني گولي بيتنا

سلمى:هاهاااااااه واخا غير حلم أخيي

أوس(هز الباليزات):زيدي قدامي وباراكة من الهضرة

-تبعاتو سلمى وهي طالعة فالدروج بان ليها كاين غير بيت واحد الفوق،حط الباليزات ومشا حل الپلاكار يوريها فين تحط حوايجها ومع كانت العشرة دالليل دخل يدوش يحيد عليه العيا ديال الطريق أما هي ستفات حوايجها فين وراها،من مور عشرة الدقايق خرج عندها لاوي عليه غير فوطة من التحت كيبان فتااان بديك الفورمة والشعر فازگ سهات فيه حتى بان ليها بدا كيقرب ليها وهي تفافا دارت لعند الماريو حتى وقف موراها مفاصلوش عليها بزاف جبد يديه لحوايجو مخليها هي كتفتف من داك القرب اللي بيناتهم جبذ سروال وتريكو وحيد من حداها مشا لجيهة الناموسية بدا تيلبس وهو عينيه عليها

أوس:ياله الزين نوضي توضاي نصليو واحد جوج ركعات

سلمى:وعلاش أخويا أنا مصلية صلاتي صلي نتا ايلا بغيتي أنا مالي؟؟أصلا داكشي اللي على بالك أنا مافياش

أوس:يابنتي واش جهلتي ولا مالك نوضي الله يرضي عليك فيك فيك غير حيديها عليك وصافي

سلمى(دارت لعندو بالزربة):ها كيفاش؟؟شكون هادي مسكينة شي وحدة كنعرفوها؟؟

أوس:وا باركة من الطنز الزين اااه ولا مكتعرفيش الوضو والصلا نعلمو لبنتي؟؟

سلمى:بزاف عليك ياكما يسحاب ليك راني فحالك ولا؟؟كتفكر ربي غير منين يخوا ليك الجيب

أوس(معصصبة):سلمى

سلمى:ياكما يسحاب ليك بوشونتي متقلة عليا ولا شنو؟؟

أوس(كيخشي التريكو):مابغيتيش تحشمي ياك؟؟واخا بلاتي نسالي

سلمى:الا تامالك راني غير سايرة نتمازح معاك غير بشويا عليك الناس الشارفين صعيب عليهم كترة التحراك

أوس:غير صبري الزين وغتشوفي هاد الشارف اش غيدير ليك، إيلا ماتصبحي تالفة على المشية أنا ماشي راجل

سلمى:سمحليااا قل من خمسة دالماتشات نعرفك مات ليك الحوت ومافيديكش ودابا أحبي أنا غادة

-مشات للحمام وخلاتو هو كيضحااك، دخلات وغير سدات الباب جبدات تيليفونها دوزات لاپيل للبنات

مريم وياسمين:مالك الزمر مفيقانا اش كاين؟؟

سلمى:البنات راني خايفة،قودتها من عندو اليوما يعوجني

ياسمين:ههههه إيوا أختي فين صنطيحتك؟! ولا حادگة فينا غير حنا ولكن ربي جاب اللي يقادك ويحدهم ليك

سلمى:مريم ختي دوي نتي هادي غير غادي تعصبني

مريم(مگلوبة بالنعاس):وا قودي ههههه،ياله أياسمين الملحة والسر عليها