جَـبروت الـ صَـعب

⚜️البارت الخامس عشر ⚜️

﷽

بقلمي أنا
زَهـراء الـ نِعـمة

حسابي user30950527@

INS . zpo.o1
Tli . zazanima11تلي

‏:وحق رب العرش والكون ونسه
احس دنيه بس وياه ونسه
اني مااكدر اعوفه ويوم ونسه
لان هوه نفس وروح بيه

_________________________________________

(رَوعة )

- رجعنة من الزيارة رحنة لكربلاء وبالطريق
خابرت جدة على بابا عازمينة
اول مانزلنة من السيارة صعدت لغرفتي غسلت وبدلت
ونمت على الرغم اني نمت بالسيارة بس نعسانة بعدني

- كعدت مااردي بيش ساعة على صوت ماما
دكعد بينة حتى نتريك ونروح لان يردونة من وكت نجي

- كمت غسلت وصليت وبدلت خليت مكياج خفيف
ونزلت لكيت بابا كاعد يكلب بتلفونة وماما تفتر تسوي
ريوك

رَوعة ::  Hi Dady good morning

غربيل :: كلشي مافهمت بس كلمة دادي بس المهم
صباح الخير

رَوعة :: ه اي عفية يعني كاعد اكول
( هلو دادي صباح الخير )

غربيل :: خوب كولي صباح الخير بالعربي وفضيها

رَوعة :: هههههههههههههه OK Dady

- ماما ضحكت لان اعاند هوَ ميحب يحجي احد يمة
بالانكليزي يضوج لان ميفهم واني احجي وممهتمة

- بست ماما وساعدتها ، صحت على بابا من المطبخ
راح اسوي جاي خفيف ماأحب الثكيل

غربيل :: يابوية ولج رَوعة سوي بس اسكتي

- يلاا عيني استاذ غربيل موزين اسوي جاي

- جا هسة اني شكايل سوي بعد ابوج لو هسة نشرب
بس مي هم عادي رضيتي

- اي ، ماما تعضلي شفة حتى اسكت واني منطلقة
احجي ومامهتمة نزلت مُهجة فاتحة عين وسادة عين

مُهجة :: صباح الخير ماما وبابا واختي شلونكم

غربيل :: هلاا حبيباتي صباح النور تعاي اكعدي يمي

رَندة :: هلا حبيبتي

رَوعة :: زينين زينين تعاي اكعدي

- اجتي كعدت يم بابا واني يم ماما خلصنة ريوك
واكيد مايخلة الريوك بدون مناكري اني وبابا خلصنة من الريوك وغسلنة البيت غسلة محترمة طلع يلمع

- صعدت فوك سبحت حتى  ابدل ونروح لبست نفنوف اسود وبي ورد ابيض ونقاط اصفر بداخل الوردة البيضة
وكعب اسود وحجاب اسود طلع اللوك يجنن
خليت مكياج ورسمت ايلاينر ومسكرة وتنت
دخلت على غرفة مُهجة لكيتها هي هم لابسة نفنوف
ومكياج وحجاب وكعب طالعة تجنن
نزلنة اني وياها سوية لكينة بابا وماما كاعدين يسولفون مبدلين ماما لابسة عباية على الراس ومبدلة جوة وبابا لابس دشداشة بيضة ومخلصين باقين بس اني ومُهجة