_سلمى:بغيت نطلق
سميرة:أ والله أبنيتي وماتكمشتي فحالك حتى نوريك الطلاق كيف داير
راضية(شدات سميرة):غير خليها أسميرة دابا حتى لمن بعد وتدوي شوفي حالتها كيف دايرة باينة حط فيها يديه
سميرة:سرها غير مالقيتش كيف ندوز ليها أما نوريها
راضية:واصافي...طلعي أسلمى الله يرضي عليك للبيت ديال أوس راه حولنا ليك حوايجك تما
__________________
_طلعات سلمى بلا ماتجاوبها،غير خوات من تما تبعوها الجنيات لاخرين كيتجاراو وحتى هي خلات الباب محلول حيت عارفاهم غادي يتبعوها
سلمى(واقفة حدا الباب):زيدوا زيدوا
مريم:شنو وقع؟!عاودي خلاص
ليلى:ضربك ياااك؟!
ياسمين:غي سكتي باقة نوبتنا،هي اللي مرتو وماحنش فيها اش غيدير لينا حنا؟؟
سلمى:الز*** شبعني سليخ وبالكابل من الفوق
ليلى(جامعة يديها على فمها):أويلييي أوس ماشي هاكا
ياسمين:ومالها كدبت عليه راه هيماجي
ليلى:وراه خويا زعما
سلمى:يااك وأنا اش درت ليه اللي سلخ ليا لحمي كامل؟!
ليلى:وانكدب عليك حتى حنا مادرنا فيها مايصلاح،واش نتي دخلتي تاخدي غير الساروت والوراق صدقتي مقطعة ليه كلشي گاع ليكارط والمحاضر اللي عندو
سلمى:واهو اللي عصبني،شتي كون غير طلب السماحة ماكنتش نقطعهم ليه ولكن غير بلاتي بدات الحرب بيناتنا ومزال غادي يشوف شنو غادي ندير ليه
ليلى:أنا مامعاكش مابقيتش دابا خايفة غير من أوس ولا حتى قصي معاه يقطعوا ليا الرجلين والله لارحموني
سلمى:سيري تق*** نتي وياهم بجوج
ياسمين(كتشوف فمريم):نتي مالكي ساكتة؟؟
مريم:كنفكر غير للقتلة اللي غيعطينا عزيزي هههه أويلي أنا راه كدبت عليه فوجهو وخبيت عليه
سلمى:لاااا بلاتي بلاتي كيفاش نتي قدرتي تكدبي وماتفرشينيش؟؟؟
ياسمين:هههه واييه كون تشوفيها مشات تبول فسروالها
سلمى:ولكن هو منين عرف؟؟
ليلى:راه حنا اللي حمارات ونسينا الطوموبيل ديال الخدمة وفيها الجي پي إيس
سلمى(ضربت راسها):اه اه على الكلاه ومداير فينااا،تفو دابا بنت ليه مجلجة
ياسمين:هههه هادشي اللي هامك؟؟
سلمى:واش غيهمني العصى راني كليتها باراكة
_________________
أنت تقرأ
وصفة الحب
Humorتـــــقـــــــديــــــم 📚🖋️ "ملي كتضحك ليك الدنيا وتعرف راسك مزهاار...هي منين كتلقى صحبة نقرة حرة...تخبي فيها سرايرك ونتا عارف مايخرجوش...ترجع ليها وقت غبينتك ويتحلوا بيبان الفرح...فاش تمشي باكي وترجع ضاحك...ياما ناس غبنتهم الصحبة...وياما ناس سعدت...
