وصفة الحب

XV

            _كتشطح ماعلابالهاش بالرجال اللي حالين فمهم فيها، حتى كتحس بشي يد تحطات عليها،كان راجل بغا يعلق ليها وياله غادي يمد يدو لصدرها وهي تحبسوا،مارضاش وبغا يديرها ليها بزز ماحس غير براسو تدفع حتى جا على الأرض، ديك الساعة جا عندها ياسين وياسمين اللي شافوا شنو طرا

ياسين:مريم مالك؟؟

مريم:هاد المرض بغا يعلگ ليا بزز يخخ على بشار

ياسمين:مريم صافي باراكة عليك ياله عند العيالات وديري اللي بغيتي

مريم:بصح أنا سبقتك نشرب بعدا

_مشات للكوزينة تشرب،ياله عمرات ليها الكاس وبدات تغرف منو حتى حسات بشي حد حداها،غير تلفتات وهو يبان ليها وااحد الطولة والتگضيرة ياسلام واقف ومبتاسم،حسات براسها ديجا شافتو مي ماعرفاتش فين

فاروق(عقل عليها):عاد عرفت علاش داتك عينك،گولي كتبقاي سهرانة فالعراسات؟؟

مريم(مخنزرة فيه):اش كتخربق أخويا؟؟فين كتعرفني؟

فاروق:ماعقلتيش عليا؟؟

مريم:وعلاش انعقل عليك؟راك مهم لهاد الدرجة؟؟

فاروق:وا لسانك سلييط بعدا!أنا اللي تلاقيتك حدا المطار ووصلتك

مريم(بقات كتتفكر):ااااه نتا اش كتدير هنا؟؟

فاروق:گالوا ليا كاينة شيييخة واش من شيخة جيت نشوفها

مريم(فهمات قصدو):ايوا الشريف الشيخة كتتحرك غير بالغرامة

فاروق:ياك عاد طيحتي واحد عليها

مريم:على هو نتا؟؟

فاروق(جبد من جيبو ماصُّو ديال الفلوس ومدهم ليها):هاكي ألالة

مريم(خرجات عينيها):أويلي منيتك؟؟واصدقتي زهوااني مع راسك

فاروق:زهواني وعزاازين عليا الطروفة

مريم:الله يمسخك سير بعد مني،الليلة باقة طويلة ماتخلينيش نقصرها عليك

فاروق:ماشديتيش الغرامة

مريم(عطاتو بالضهر وهو متبع عليها العين):فاش نشطح ليك ديك الساعة غرم

فاروق:ايوا من هنا لتما تهلاي ليا فالطرف

_خرجات مشات نيشان للصالة غير بانت ليها سلمى مكايناش وأوس گالس غير بوحدو فهمات البلان وتبعاتها لتحت غير لقات البيرو دخلات،فحين هاديك اللي كانت كتقطع الوراق حتى قفزها الصوت وقلبها وقف معاه

سلمى(حاطها يديها على قلبها):سيري بغيت ليك غبارة قلبي وقف بسبتك

مريم:أويلي!!!سلمى اش كتديري اش هاد الروينة؟؟

سلمى:بانوا ليا وراقيه وليكارط ديالو جاتني حشومة نخليهم مقادين

مريم(حاطة يدها على فمها):ويلي ويلي على الجنية واش هبلتي ولا مالك؟؟؟راك غتزيدي تقفريها على راسك