وصفة الحب

XIIII

    _غير حسات بيه دخل وهي تنوض تجري لعندو ودموعها وسط عينيها

أوس:مالكي زربانة؟بغيتي الفار يلعب معاك؟؟

سلمى:بنت خالتك هي مولاة الفعلة

أوس(كيسد فالباب):اش من فعلة؟!وشكون هاد بنت خالتي؟؟

سلمى:هاديك اللي كتبغيك هي اللي دارت ليا شي حاجة فالحنة أنا متأكدة

أوس:تي اش كتخربقي ومنين جبتي هاد الهضرة؟؟

سلمى(وراتو يديها):شوف يدي كيف ولاو ليا شووف

أوس(طل عليهم):نتي اللي بغيتي تديري اللي فراسك إيوا بصحتك

سلمى:واماشي أنا راه والله حتى بنت خالتك اللي دارت ليا شي حاجة فالحنة

أوس:باراكة من التخربيق أسلمى سيري لبيتك حتى لغدا إن شاء الله،هبطي للتحت غادي تلقاي واحد الپوماضة ديريها وسيري تنعسي

سلمى(الدموع تحجروا ليها فعينيها):اهه واخا سمح ليا برزطتك

                       __________________

_خرجات من عندو ومشات نيشان للبيت عند مريم اللي لقات معاها حتى ياسمين كانوا كيبدلوا عليهم حتى دخلات رادخة الباب.

مريم(دارت قافزة):ياك لباس؟؟

ياسمين:أويلي مالك؟؟

سلمى(گلسات فالناموسية): يدي كتحرقنيي

مريم(كتقلب يديها):ودرتي ليها شي حاجة؟؟

سلمى:درت ولكن ماعرفتش شنو دايرين ليا

ياسمين:كيفاش دايرين ليك!؟

سلمى:نتوما عارفين بلي الدوليو مكيدير ليا والو، يعني دايرين ليا شي حاجة فالحنة وبنت خالتو هي اللي دايرة

ياسمين:وباش عرفتيها؟؟

سلمى:حيت أنا خبيت ولكن هي لاحضات وبدات كتضحك غير راسها،وفاش سولت ليلى گالت ليا بلي كتموت على أوس

مريم(كانت خارجة):يا بربي حتى تطيح گنازتها الليلة

سلمى(جرات مريم):اجي لهنا ماعندك ماتديري

ياسمين:علاش ماتگوليهاش لأوس؟؟

سلمى:راه گلتها ليه وماتيقنيش گال بلي غير كنخربق وأنا اللي مني لافوت

مريم:هااانا على أوس حتى هو

ياسمين:وريها لينا وتشوفي شنو غادي يطرا فيها

مريم:والله حتى دقتك نردوها ليك

سلمى:سكتوا عندي بلان آخر.

-ياله غادي تدوي وهوما يحسوا بالباب تحل وشكون غادي يكون من غيرها؟! ليلى بدلات حوايجها وجات تتعاود مع البنات حتى لقات الروبالة نايضة، عاودوا ليها وتافقوا على بلان اللي غادي يخرج العقل لأوس اللي ماتيقهاش وتوريه كيد النسا شنو يقدر يدير،غير تافقوا مزيان وهوما يفرقوا الجقلة كل وحدة مشات لبلاصتها تنعس إلا سلمى اللي والو ماغمضات عينيها حتى صلات الفجر.