وصفة الحب

XIII

         _عندها هي اللي كانت بارزة حدا ليلى وحداهم خاوي، شافت عائلتها فرحااانين بلا قياس وبدا كيدخلها الشك، ياله بغات تعيط لمريم تسولها حتى طارت من حداها بانت ليها هربانة للفوق من مور ماشافتها،كتدور عينيها تقلب على ياسمين حتى جان عينيها على الباب وبالضبط فمولاي السلطان لوهلة گالت فعقلها{ويلي ويلي اش هاد الزين اش هاد الجمال اسيدي ربي،واش واش هادشي كامل قدام عيني} ههههه} هادشي كان فعقلها لا هي لا ياسمين لا ليلى، أما العرسان ديالنا اللي دخلوا ومشاو لبلايصهم حتى تلفت لعندها

أوس:اش بان ليك اعمارة الدار؟؟

سلمى(مصدومة):ك...كيفاش؟؟

أوس:گلتي قصد باب الدار

سلمى:هادا راه غير السداري اللي قصدتي ماشي الباب واتهز من هنا

أوس:الزين ديالي كلشي موجود الليلة نعقد عليك(قرب لودنيها) ماتكتريش الحنة ماعنديش معاها

سلمى:ياكما غتزوجني بالفاتحة؟!حيت ماعندك باش تصايب الوراق

أوس:العافية ديالي ايلا بغيت شي حاجة غادي تطرا، ولاكارط باش صاوبت الوراق تهزات من بزطامك ونتي مجايبة خبار

سلمى(شافت فياسمين اللي لقاتها كتطلب فيها بعينيها): واخا ياك هادشي اللي بغيتي مرحبا السي العميد أنا قابلة واخا ماسولتينيش

أوس:گلتي قصد الدار ايوا هانتي غتولي حلالي

سلمى:واخاا،گلتي ليا مكتبغيش الحنة أحبي ياك؟؟

أوس:ماعنديش معاها الزين ديالي،ديريها حيدي منها شهوتك ولكن ماتكتريش

سلمى:واخا هي اللولة

                     ___________________

_فالبرزة اللي حداهم كانوا كيشوفوا فبعضياتهم وهوما فرحاانين

قصي: ماوصلتيني لهاد النهار حتى شيبتيني

ليلى:هههه وشنو؟!الحاجة الساهلة دغيا تمل منها

قصي:بصح،جيتي كتحمقي الله يخليك ليا

ليلى:أميين حتى نتا

_أما فاروق وياسين اللي خرجوا برا كيتسناو فالعرسان يتبعوهم،دازت واحد عشرة الدقايق وخرجوا كينشوا على حوايجهم من الصهد والزمت اللي الداخل،تحركوا من تما لجيهة الخزانة عند الرجال.أما الداخل عند العيالات،كانت هي فرحانة حيت واخا صدمها ولكن حسات بيه راجل وقد كلمتو،هي كتبسم وكتشوف مريم اللي نزلات محزمة وجايبة معاها حتى لياسمين موزون ودايرين الحيحة تما بالشطيح مكاين غير هاك بلاك غافلين على واحد العينين كيخرجوا منهم الشراار كون صابت مولاتهم تطير على سلمى كون دارتها ولكن حالفاها فيها ودقتها ترجع ترجع

راضية:ياله العونيات غنيو ليا على ولدي

العونيات:{احم احم هو ولدي گاعما نغيرو...هو ولدي..أنا ميمتو...}
_ناضت راضية كتشطح مع البنات وگاع العيالات كيصفقوا ويزغرتوا إلا وحدة اللي ناضت كتتسلت دخلات للكوزينة بانت ليها زلافة فيها سمية سلمى وحداها ديال ليلى، غير سالات خدمتها وهي تخرج من تما راجعة لبلاصتها فحالا حتى شي حاجة ماوقعات،بدات النگافة كتصلي على النبي والنقاشات شدوا بلايصهم باش يبداو الحنة للعروسات،ليلى ختارت شكيل خفيف بحكم ماعندهاش مع الحنة بزااف،أما سلمى اللي ختارت واحد الشكل عامر بزاف ضد فأوس،فوسط شاابع ضحك ونشاط كانت سلمى كتوزوز عليها يديها بشكل رهيب