عشقني الأعمى(تم التعديل) مُكتمله

حلقه إضافية 1

= قلبي بيتنطط على رنة تليفونه
ده حبيبي سحرتني عيونه
وهشلفط وش اللي يبص لها
مطوتي هتزغرط على أيها هلهولة
تعبان ودماغي مجنونة
وما يفرقليش غيرها الأفيونة ...

كان جواد يغني بهذه الكلمات بصوته الذي يشبه صوت قطة تتعذب، وهو يتمايل بخفة بجانب هبة التي كانت تقف بجوار نافذة المقهى المطل على النيل، تحتسي قهوتها وتحاول الاستمتاع بالمنظر. كان صوته يرتفع وينخفض بشكل غريب، يجذب إليه بعض نظرات الاستغراب من رواد المقهى ...

زمجرت هبه بضيق وهي تنظر إليه:
"يا بني آدم اسكت بقى! فضحتنا في وسط الناس بصوتك اللي عامل زي القطه المشنوقه"

لكن جواد كان مستمتعًا بأدائه الفريد ... اقترب منها أكثر وهو يتمايل ويغني بدراما:
"خطفتي قلبي وسحلتيه غرقان في حبه أنا
أول ما تقولي بوازيك خراطيش سكاكين
أنا وحبيبتي في نص النيل
لأجلها أنا أعور أي تخين دي مراااااتي"

وضعت هبه فنجان قهوتها بعنف على الطاولة ورمقته بنظرة قاتلة:
"ما تسكت بقااا اسكت فضحتنا الناس كلها بتبص علينا"

= بعبرلك عن حبي اله ... مش شايفه الرومانسية اللي طالعة من صوتي

رمقته بازدراء:
"شايفه قرف بيطلع من صوتك"

مط شفته السفلية بحزن مصطنع، وكأن كلمات هبة قد أصابته في مقتل:
"شكرا ... انا اللي كنت عايز اعيشك لحظه رومانسيه وانتي انسانه معدومه الرومانسيه ومش بتحبيني"ثم تنهد تنهيدة درامية أخرى وهو ينظر إلى النيل بتأثر بالغ.

لكنه سرعان ما استدار إليها بابتسامة واسعة وعينين لامعتين: "بس برضه... أنا مش هيأس وهروح اقدم ف ذا فويس كيدز"ثم بدأ يدندن أغنية أخرى بصوت أعلى وأكثر نشازًا، متجاهلاً تمامًا نظرات الغيظ التي توجهها إليه هبة ...

زفرت هبه بحنق:
"جواااااد عشان خاطري خلااص مش لازم تعبر عن حبك فتغني عبر بأي طريقه تاني"

غمز لها بمشاكسة:
"طريقه تاني زي اي"

= مش قصدي اللي فهمته علفكره يا قليل الادب قصدي شوفلك طريقه تاني غير انك تزعجني بصوتك دا

= نتجوز هعبرلك على حبي لما اتجوزك مش ناويه تحني بقا

= قولتلك يا جواد لما اخلص الجامعه

= لما تخلصي الجامعة هيكون شعري شاب أنا كده هبقى عجوز وأنتِ لسه بتقولي يا هادي طب ما نتجوز دلوقتي وأنا أذاكر لك وأنجحك و بالواسطة كمان كله فدا عيونك الحلوة دي الواحد مش عارف إيه المتعة في الشهادة دي أكتر مني أنا

= شعرك شاب ايه كلها تلات سنين واخلص ... وبعدين الجواز دا مسؤولية كبيرة جدا ولازم إبقاء مفرغه وقتي كلها ليها لكن أنا مش هقدر اوازن بين بيتي ودراستي

= مين قال الكلام ده؟ أنا هبقى معاكي خطوة بخطوة أذاكر لك، أعمل لك قهوة و تسهر معاكي، أوصلك الجامعة، أستناكي لما تخلصي، نيجي نذاكر سوا في البيت، وأهو بالمرة أثبت لك إني مش بتاع أغاني بس  وبعدين يا ستي، البيت مش هيطير، وأنا موجود أهو هبقى ف ضهرك ... وحتى لو اتزنقتي في حاجة في المنهج، أنا تحت أمرك هشرح لك المادة بالملي وأخليكي أستاذة فيها المهم بس توافقي وتريحي قلبي الجواز مش هيعطلك، بالعكس ده هيديكي دافع أكبر عشان تنجحي وتثبتي نفسك هيكون عندك حد بيسندك وبيشجعك طول الوقت ... إيه رأيك بقى في الخطة الجهنمية دي؟